Bičepangre 2:23 - O Debleskro Drom 2021 (Sinte)

²³ Tumer dan o Jesuses an i wasta kolendar, kai gar ap o Debleste patsenna. Un kolla dan les ap o trushel, un kote meras job. Un hoi tumer leha kran, kowa his jaake glan-diklo o Deblestar.

O Debleskro Lab 2024 (Sinte-Manouche)

²³ T'mer dan o Yezouses an i vasta kolendar, kay gar ap o Debleste patsenna. Oun kolla dan les ap o troushel, oun kote meras yob. Oun hoy t'mer leha kran, kova his yaake glan-diklo o Deblestar.

Bičepangre 2:23 Iomraidhean Croise

1. Mose 50:20

Tumer kaman te krenn mange tchilatchepen. O Dewel las peske glan, te krell lo lauter mishto, jaake har hi kau diwes: Bud menshe atchan djido.

Debleskri gili 76:10

har o Dewel pre stas, te rakrell lo o tchatchepen win, un te well lo halauterenge ap i rig, kai tikno rikedo wan ap kai phub.

Jesaja 37:26

Shun un muk tuke te penell: Kowa was jaake har me kamom. Glan i rah tsiro his jaake an miro shero. Kanna mukom te djal, kai tu wal, un sorele forja paash dal. Un kokres lengre barra pral atchan.

Mateo 20:19

Jon denn les an i wasta kolendar, kai kek bibolde hi. Un kolla praassenn les, denn les dawa i tchupnijah, un denn les ap o trushel, te merell lo. Pal triin diwessa krell o Dewel les pale djido.”

Mateo 26:24

O Mensheskro Tchawo hunte merella, jaake har hi lestar tchinlo an o Debleskro lab. Hawi bibacht well ap koleste, kai ap leste phukrella! Koleske wals feteder, te wals lo gar boldo.”

Mateo 27:35

Un jon dan les ap o trushel. Un palle khelan le pral leskre koola, te dikenn le, hoi hakeno lella.

Markus 15:24

Un jon dan les ap o trushel. Un palle khelan le pral leskre koola, te dikenn le, hoi hakeno lella.

Louka 22:22

Me, o Mensheskro Tchawo, hunte merap. Ninna te hi mange glan diklo, te djap kau drom, hawi bibacht well ap koleste, kai ap mande phukrella!”

Louka 22:37

Me penau tumenge: Hi tchinlo pral mande an o Debleskro lab: Jon penenn lestar, te hi lo jek lendar, kai tchilatcho hi. Tchatchepah, lauter, hoi pral mande tchinlo was, wella tchatcho.”

Louka 23:33

Har jon lauter ap ko kotar them wan, hoi kharella Muleskro Shero, dan jon o Jesuses ap o trushel, un kol dui tchilatche murshen ninna. Ko jekeskro trushel his tchatches lestar, ko wawareskro trushel his serwes lestar.

Louka 24:20

Mare bare rashaja un pralstune rakran i phagi pral leste win, te well lo ap o trushel dino. Un jon dan les ap o trushel.

Johanni 19:18

Kote dan le les ap o trushel, un dui wawar mursha ninna. Ko jekeskro trushel his tchatches lestar, ko wawareskro trushel his serwes lestar. Un o Jesus his mank lende.

Johanni 19:24

Koi penan jon jek ap o wawareste: “Mer mukah ko ripen jaake, har kowa hi. Mer khelah, koon les lella.” Jaake was kowa tchatcho, hoi an o Debleskro lab tchinlo hi: Hakeno las i kotar mire ripjendar. Un koon miro telstuno ripen lella, khelan jon win. Jaake kran i lurde.

Bičepangre 13:27

Kolla, kai djiwenn an o foro Jerusalem, un lengre pralstune haiwan gar, koon o Jesus hi. Jon haiwan witar gar kol laba, hoi o Debleskre rakepangre pral leste penan, ninna te wenn kal laba hako Debleskro diwes an i biboldengre kangria drawedo. Har jon o Jesuses ap o trushel dan, kran jon kowa, hoi o Debleskre rakepangre glan i rah tsiro penan.

Bičepangre 15:18

O Dewel krell kowa kanna, hoi job glan i rah tsiro penas.”

Bičepangre 2:36

I tsele menshe an Israel hunte djinenna, o Dewel kras, te hi kau Jesus, koles tumer ap o trushel dan, o rai pral halauter. Job hi ko baro rai, kolestar o Dewel penas, te well job.”

Bičepangre 3:18

Lauter was jaake, har o Dewel kowa penas. Leskre rakepangre penan glan i rah tsiro, kai hunte merell ko baro rai, kolestar o Dewel penas, te well job un lell i menshen dran o tchilatchepen win.

Bičepangre 4:28

Jaake kran jon kowa, hoi tu glan i rah tsiro penal, te well kowa lauter jaake.

Bičepangre 5:28

“Mer dam tumen soreles trad, te rakrenn tumer tchi buder o Jesusestar. Un kanna well lestar rakedo an o tselo foro Jerusalem. Un tumer penenn, kai mer maram les. Kamenn tumer, te well leskro rat pral mende?”

Bičepangre 5:30

Ko Dewel mare phurendar mukas o Jesuses i mulendar pre te stell, koles, kai tumer ap o trushel dan un maran.

Bičepangre 7:52

Penenn mange: Dell jek Debleskro rakepaskro, kai lan tumare phure gar palla? Jon maran kolen, kai glan-wi penan, te well ko jek, kai hako tsiro o tchatchepen krella. Job was, un tumer phukran ap leste un maran les.

Remarja 2:12

Kolla, kai kran o tchilatchepen, djan nashedo, ninna te prindjran le gar o Moseskre laba, kai penenn, har jon hunte djiwenn. Un lauter, kai prindjran kol laba un kran o tchilatchepen, lenn ninna pengri phagi.

Remarja 4:17

Jaake hi tchinlo an o Debleskro lab: Me krom tut o dad bud menshendar an bud themma. O Abraham dikas ap o Debleste un patsas, te nai krell o Dewel i mulen djido, un nai krell kowa, hoi gomme gar koi his.

1. Tessalonikarja 2:15

I bibolde maran o Jesus Kristes. Glan leste maran le o Debleskre rakepangren. Men lan le ninna palla. Jon choirenn o Debles. Un ap i tsele menshende hi jon tchilatcho.

1. Petro 1:2

O Dewel, maro dad an o bolepen, rodas tumen win, un das tumen peskro Ducho, te wenn tumer o Debleskre tchawe, un krenn, hoi o Jesus Kristo tumendar kamella. Un job thowas tumari doosh peskro rateha tumendar tele. Mu well tumen bud latchepen un bacht an o dji!

1. Petro 1:20

Har i phub gar koi his, rodas o Dewel les win, te merell lo i menshenge. Un an kau tsiro, kai djiwah, was lo tumenge ap i phub.

Judas 1:4

Me shunom, hi menshe koi, hoi tchorchanes mank tumende wan. Kolla kamenn o Deblestar tchi djinell. Jon penenn, te hi o Dewel latcho, un te nai krenn le lauter, hoi jon kamenna. Jaake djiwenn le i wi-ladjedo djipen, un denn maro rajes, o Jesus Kristes, buchoste. Kowa kokres hi maro rai. Glan i rah tsiro hi tchinlo, te lenn jon pengri phagi.

Debleskro tsiro 13:8

Lauter, hoi ap i phub djiwenna, sharenn ko vieches, – lauter kolla, kolengre laba gar tchinlo hi an o djipaskro liil. Kolla, kai lengre laba dren tchinlo hi an kau liil, hi jaake rah dren tchinlo, har i phub koi hi. Kau liil hi o terno bakres, hoi maredo was.