Bičepangre 2:22 - O Debleskro Drom 2021 (Sinte)

²² Murshale dran Israel, shunenn kal laba, hoi penau tumenge! O Dewel bitchras ko murshes, o Jesuses dran Nazaret, pash tumende. Kowa kras baro un sorelo koowa mank tumende, hoi kek wawar nai krella. Jaake sikras o Dewel, kai o Jesus lestar was. Tumer djinenn kowa, un dikan kowa lauter.

O Debleskro Lab 2024 (Sinte-Manouche)

²² Morshale dran Israel, shounenn kal laba, hoy penau t'menge! O Devel bičras ko morshes, o Yezouses dran Nazaret, pash t'mende. Kova kras baro oun zorelo koova mank t'mende, hoy kek vavar nay krella. Yaake sikras o Devel, kay o Yezous lestar vas. T'mer djinenn kova, oun dikan kova lauter.

Bičepangre 2:22 Iomraidhean Croise

Jesaja 41:14

Ma dare, tu kirmo Jakob, tu djuw Israel! Me, rikrau pash tute, me, o baro Dewel. Kowa, kai ginas tut win dran o wawareskro wast, hom me, o Israeleskro tchatcho Dewel.

Mateo 12:28

Na-a, gar o beng das man koi soor. O Debleskro Ducho das man koi soor, te nai tradap i bengen win. Koi pre dikenn tumer, kai ko tsiro was, kai o Dewel i menshen dran o tchilatchepen win lella, un leskri soor mank tumende hi.

Mateo 2:23

Un kote djiwas lo an i foro, hoi kharella Nazaret. Un jaake was kowa tchatcho, hoi o Debleskre rakepangre glan i rah tsiro penan: Jon denn les Nazaretari gole.

Mateo 9:8

Un har kol bud menshe kowa dikan, daran le o Deblestar un sharan les, kai das i menshes jaake bud soor.

Louka 11:20

Na-a, me tradau i bengen dran o Debleskri soor win. Ap kowa dikenn tumer, kai ko tsiro was, kai o Dewel i menshen dran o tchilatchepen win lella, un leskri soor mank tumende hi.

Louka 18:37

Koi penan le: “O Jesus dran Nazaret djal kote.”

Louka 24:18

Un ko jek, kai kharella Kleopas, penas ap leste: “Djineh tu gar, hoi an kal diwessa an o foro Jerusalem lauter djas? Halauter djinenn kowa. Hal tu i wi-themari un djineh kowa gar?”

Johanni 1:45

O Filipo hatsas o Natanael un penas ap leste: “Mer hatsam koles, pral koleste o Mose an peskre lila tchinas. Ninna o Debleskre rakepangre tchinan pral leste. Job kharella Jesus un hi dran o foro Nazaret. Leskro dad hi o Josef.”

Johanni 10:37

Te krau me gar, hoi o dad mange penas, hunte patsenn tumer man gar.

Johanni 11:47

Doleske wan kol bare rashaja un kol Farisarja i pralstune biboldentsa khetne, un penan: “Hoi kras mer? Job krell bud baro un sorelo koowa, hoi kek wawar nai krell.

Johanni 12:17

Kol bud menshe, kai pashel his, har o Jesus o Lazares dran o mulengro kheer gole das, un i mulendar djides kras, penan kowa dureder.

Johanni 15:24

Te kroms me gar glan lengre jaka ko baro koowa, hoi nai kek wawar kras, wals len kek doosh. Kanna dikan jon kowa. Un ninna te dikan le les, hi le tchilatcho ap mande un ap miro dadeste.

Johanni 19:19

O Pilato tchinas ap i kotar kasht: O Jesus dran Nazaret, o baro rai pral i biboldende. Ko kotar kasht was pral ap o trushel dino.

Johanni 3:2

Kowa was an i rat pash o Jesuseste, un penas: “Rai, mer djinah, kai tu hal i sikepaskro. O Dewel bitchras tut pash mende. Kek nai krell kowa, hoi tu kreh an o Debleskri soor. Ap kowa dikah mer, kai hi o Dewel tuha.”

Johanni 4:48

O Jesus penas ap leste: “Te dikenn tumer gar bud Debleskro koowa, kai kek mensho nai krella, patsenn tumer gar.”

Johanni 5:36

Man hi tchomone, hoi penell tumenge feteder o tchatchepen pral mande win har o Johanni. Kowa hi ko koowa, hoi krau, kolestar o dad mange penas, te krap kowa. Kowa sikrella, kai o dad bitchras man.

Johanni 6:14

Har kol menshe dikan, hoi o Jesus kras an o Debleskri soor, penan le: “Kowa hi tchatchepah ko Debleskro rakepaskro, kolestar penlo was, kai well lo ap kai phub.”

Johanni 6:27

Ma djiwenn o chapaske, hoi paash djala! Djiwenn jaake, te lenn ko djipen, hoi gar pre-herella! O Mensheskro Tchawo kokres nai dell tumen kowa. Jaake sikras o Dewel, kai kowa leskro tchawo hi.”

Johanni 7:31

Bud kol menshendar patsan ap leste un penan: “Te well o baro rai, kolestar o Dewel penas, te well job, nai krell kowa bareder koowa, har kau mursh Jesus?”

Johanni 9:33

Te wals kau mursh gar o Deblestar, nai krals job sawo koowa gar.”

Bičepangre 13:16

Koi stas o Paulo pre, hadas o wast, te atchenn jon pokones, un job penas: “Murshale dran Israel, un ninna tumer tsele wawar, kai mangenn o Debles an, shunenn, hoi me tumenge penau!

Bičepangre 14:27

Un o Paulo un o Barnabas wan kanna pale pale an kau foro. Kote dan le i patslen khetne gole, un penan lenge, kai o Dewel lentsa his, un har bud koowa job kras, un har job ninna kolen, kai kek bibolde hi, pash peste gole das, un jon ap leskro drom wan.

Bičepangre 2:19

Un me kamau baro un sorelo koowa te krap, an o bolepen un ap i phub. Tumer dikenn rat, un jag, un tampa.

Bičepangre 2:43

Un o Jesuseskre bitchepangre kran bud baro un sorelo koowa, hoi kek wawar nai krella. Un i traash was pral i menshende.

Bičepangre 21:28

un dan gole: “Murshale dran o them Israel, awenn pash mende! Kawa hi ko mursh, kai i tsele menshen ap i phub dinelo krella. Job rakrell djungeles pral i biboldende, pral o Moseskre lila, un pral o Debleskro baro kheer. Kanna anas job ninna kolen, kai kek bibolde hi, an o Debleskro baro kheer, un kras maro Debleskro baro kheer pale-tchiddo.”

Bičepangre 22:8

Me penom: Koon hal tu, mo rai? Un job penas ap mande: Me hom o Jesus dran Nazaret, koles tu palla leh.

Bičepangre 24:5

Mer djinah, kai kau mursh tchilatcho hi, un kai job tchingepen krella mashkral kol tsele biboldende, kai ap i tseli phub djiwenna. Job hi i pralstuno rakepaskro kolendar, kai patsenna ap o Jesus dran Nazaret.

Bičepangre 26:26

O baro rai Agrippa djinell kowa lauter. Man hi kek traash, te rakrap leha pral halauter. Me djinau, job shunas kowa lauter. Kowa, hoi koi djas, atchas gar khatedo.

Bičepangre 26:9

His i tsiro, kai kamom me ninna miri tseli sorjah kau newo patsepen ap o Jesuseste dran Nazaret paash te krell.

Bičepangre 3:12

Har o Petro kolen dikas, penas lo ap lende: “Murshale dran Israel, hoske krenn tumer sawe bare jaka, un dikenn ap mende? Kowa kras gar mari soor, witar gar maro patsepen, te nai nashell kawa mursh.

Bičepangre 3:6

O Petro penas: “Rup un sonakai hi man gar. Hoi man hi, dau me tut. An o lab o Jesus Kristestar dran Nazaret penau me tuke: Ste pre un dja trujel!”

Bičepangre 4:10

Jaake hunte djinenn tumer un i tsele menshe an o them Israel: O Jesus Kristo dran Nazaret, koles tumer ap o trushel dan, kras kau murshes sasto. Kau Jesuses mukas o Dewel i mulendar pre te stell.

Bičepangre 5:35

Un pale penas lo: “Murshale an Israel, denn garda un dikenn, hoi tumer kal menshentsa kamenn te krell!

Bičepangre 6:14

Mer shunam, har job penas: O Jesus dran Nazaret phagell o Debleskro baro kheer tele un krella, te hunte rikras mer buder gar ap kowa, hoi o Mose menge penas.”

2. Korintarja 12:12

Har homs pash tumende, nai dikan tumer, kai o Jesus Kristo bitchras man. Me budrom mank tumende, un dom gar pre. Me krom baro koowa an o Debleskri soor, jaake te kran i menshe bare jaka.

Hebrearja 2:4

Un o Dewel das len peskri soor, te krenn le baro un sorelo koowa, hoi kek wawar mensho nai krella. Jaake sikras lo, te penan le o tchatchepen. Ninna das lo i patslende peskro Ducho un peskri soor, te krenn le peskri budi mashkral i menshende. Hakeneste das lo i soor, te krell job koi budi, hoi o Dewel lestar kamas.