Bičepangre 2:11 - O Debleskro Drom 2021 (Sinte)

¹¹ Wawar mendar wan dran i themma Arabia un Kreta. Mer shunah len an maro rakepen te rakrell, hawo baro koowa o Dewel kras!”

O Debleskro Lab 2024 (Sinte-Manouche)

¹¹ Vavar mendar van dran i themma Arabia oun Kreta. Mer shounah len an maro rakepen te rakrell, havo baro koova o Devel kras!”

Bičepangre 2:11 Iomraidhean Croise

1. Rajengro liil 10:15

Koi pashel was kol lowe, hoi hunte plaissran leske i bikepangre un i parepangre, kai djan dren un win an o them, un kol lowe, hoi dan leste i tsele bare raja dran o them Arabia un wawar themeskre raja.

2. Familjakro liil 17:11

Ninna mank i Filistarja his sawe, kai anan leske kutch koowa, un ko rup, hoi job lendar mangas. Un ninna i Arabarja anan leske 7.700 (efta-serja-efta-sheel) mursh bakre un 7.700 mursh busja.

2. Familjakro liil 26:7

O Dewel his leha, har kuras lo pes i Filistarentsa un i Meunarja un kol Arabarja, kai djiwan an o foro Gur-Baal.

Hiob 9:10

Job krell sawo baro un sorelo koowa, te nai haiwah les gar, sawo bud baro koowa, hoi kek wawar nai krell, te nai djinah gar, har bud kowa hi.

Debleskri gili 107:15

Jon hunte parkrenn pen pash o baro Debleste, te was lo jaake latches ap lende, un kras baro shukar koowa ap i menshende,

Debleskri gili 107:21

Jon hunte parkrenn pen pash o baro Debleste, te was lo jaake latches ap lende, un kras baro shukar koowa ap i menshende.

Debleskri gili 107:8

Jon hunte parkrenn pen pash o baro Debleste, te was lo jaake latches ap lende, un kras baro shukar koowa ap i menshende.

Debleskri gili 111:4

Job mukell men gar te bistrell, hoi lo an peskri bari soor kras. Latcho un kamlo hi lo.

Debleskri gili 136:4

Job kokres krell baro koowa, hoi kek wawar nai krella. Leskro latchepen atchella hako tsireske!

Debleskri gili 26:7

un parkrau man pash tute, un rakrau pral ko tselo baro koowa, hoi tu lauter kral.

Debleskri gili 40:5

Bachtelo hi ko mensho, kai rikrell pes ap o baro Debleste, un djal gar kolentsa, kai hi pre-phurde un chochene.

Debleskri gili 71:17

Miro Dewel, tu hal miro sikepaskro fun tiknes pre, un ninna kanna rakrau me pral ko baro koowa, hoi tu lauter kral.

Debleskri gili 77:11

Kote penom me: Kawa hi miro nasslepen, te kras pes o Dewel wawartchandes. I soor o pralstunestar well buder gar diklo.

Debleskri gili 78:4

kowa kamah gar te khatrell glan mare tchawende; na-a, kolenge, kai pal mende wenna, kamah te penell, har sorelo o baro Dewel hi un hawo baro koowa job kras an peskri soor.

Debleskri gili 89:5

I menshe, kai tutar wenna, hako tsireske jon atchenna. Dran tiro kheer i bare raja wenna, un hako tsiro i raja atchenna.”

Debleskri gili 96:3

Penenn kolenge, kai les gar prindjrenna, hawo railepen les hi. Penenn i menshenge an hake themma hawo baro koowa job kras.

2. Mose 15:11

Kek hi jaake har tu, o baro Dewel. Kek hi jaake har tu mank lauterende, kai kharenn pen Dewel! Tu hal o tchatcho Dewel, un kek wawar hi jaake sorelo har tu! Tu kral dareno koowa, hoi kek wawar nai krella.

Jesaja 13:20

Kek djiwell buder an ko foro kek tsireske, un kek mukell pes buder kote tele. Kek Arabari tchiwell kote peskro plachteno kheer pre. Un kolla, kai denn jak ap i bakre, mukenn kolen gar kote te chal.

Jesaja 21:13

Kate sikrell o Dewel, hoi pral o them Arabia wella. Tumer mursha dran o foro Dedan, atchenn tumare khamelentsa win an o diwjo them! Atchenn pral i rati mank i burra!

Jesaja 25:1

Baro Dewel, tu hal miro Dewel. Tut sharau, un tuke giwau. Tu kral baro koowa, hoi kek wawar nai krella. Hoi tu penal i glan rah tsiro, ap kowa rikral tut un kral kowa.

Jesaja 28:29

Ninna kawa djal win o baro Deblestar, ko rajestar pral o bolepen un i phub. Kowa, hoi job peske glan las, hi jaake shukar, te atchell menge o rakepen krik. Un leskro goswepen hi baro.

Jeremia 25:24

i tsele bare raja an Arabia; i tsele bare raja pral i menshende an o mulo tato them;

Jeremia 3:2

Ap hawi berga hals tu gomme gar i mursheha tchiddo? Ap o drom hal tu beshdo, un lureh ap lende, har i Arabari an o mulo tato them. Un tu kreh ko them pale-tchiddo tiro wi-ladjedo un djungelo koweha.

Bičepangre 2:12

Un i bibolde dan i wasta pral o shero khetne, un djinan gar buder, hoi kowa hi. Un jek putchas i wawarestar: “Hoi well kowa?”

Bičepangre 27:12

Kote, kai maro shiffo tchiddo his, his gar mishto, te atchas mer pral o wend. Doleske kaman i budester mursha dureder te ulerell, te wenn jon glan o wend an o foro Fenix. Kawa his o feteder foro an o them Kreta, kai jon nai atchans pral o wend.

Bičepangre 27:13

Har i latcho baro ducho phurdas, patsan le, kai ko tsiro was, te nai ulerams dureder. Un jon uleran, jaake neesh har djala, langs ko them Kreta.

Bičepangre 27:7

Bud diwessa wam gar sik dureder, un maram men tele, te was pash ko foro Knidus. O baro ducho phurdas jaake soreles pral o pani, te nashte djam gar, kai kamam. Jaake uleram pash o them Kreta, un dureder trul ko kotar them, kai kharella Salmone.

1. Korintarja 12:10

I wawares dell job i soor, te krell job baro koowa, hoi kek kokres pestar nai krella. Un pale i wawar penell i menshenge, hoi o Dewel leste sikras. Un pale i wawar haiwella, hoi o Deblestar wella, un hoi gar o Deblestar wella. Wawar rakrenn an wawar rakepen, hoi o Debleskro Ducho len das. Un pale wawar penenn, hoi koi rakedo was.

1. Korintarja 12:28

Kote, kai i patsle khetne wenna, das o Dewel hakenes i budi. Peskre bitchepangren das lo koi budi, te penenn le i menshenge peskro lab. Un wawar hi o Debleskre rakepangre, kai penenna, hoi o Dewel len sikras. Koi hi ninna sikepangre, kai sikrenn i menshende o Debleskro drom, un kolla, kai krenn baro koowa an o Debleskri soor, kai kek kokres pestar nai krella. Wawaren das job i soor, te krenn le i nasselen sasto. Hi patsle, kai hi o wawarenge koi, un ninna wawar, kai rikrenn i patslen khetne, un pale wawar, kai rakrenn nai an i wawar rakepen, hoi o Debleskro Ducho len das.

Galatarja 1:17

djom witar gar an o foro Jerusalem pash kolende, kai glan mande o Jesusestar bitchedo wan, te penenn le i menshenge leskre laba. Lendar putchom gar, hoi te krap. Na-a, me djom an o them Arabia un wom pale pale an o foro Damaskus.

Galatarja 4:25

I Hagar hi har i berga Sinai an Arabia. Jaake har kote i menshe ap o Moseskre laba pandlo wan, jaake hi kanna o foro Jerusalem peskre menshentsa ap o Moseskre laba pandlo.

Tito 1:12

Jek lendar, kowa djiwas ninna an o them Kreta, his i sikepaskro un penas pral lende: “I Kretarja chochenn hako tsiro. Har diwje vieche hi le! Jon haidjrenn pengro pesso per o tselo diwes un budrenn tchi.”

Tito 1:5

Me mukom tut an o them Kreta pale, te kress tu kowa, hoi me buder gar krom, un te rodess tu phureden win mashkral i patslende an hako foro, te rikrenn le i patslen ap o tchatcho drom. Te kreh tu kowa, ma biste, hoi me tuke penom!

Hebrearja 2:4

Un o Dewel das len peskri soor, te krenn le baro un sorelo koowa, hoi kek wawar mensho nai krella. Jaake sikras lo, te penan le o tchatchepen. Ninna das lo i patslende peskro Ducho un peskri soor, te krenn le peskri budi mashkral i menshende. Hakeneste das lo i soor, te krell job koi budi, hoi o Dewel lestar kamas.