Bičepangre 19:22 - O Debleskro Drom 2021 (Sinte)

²² Un job bitchras dujen, kai budran leske, o Timotes un o Erastes, an o them Macedonia. Job atchas i tsiro an o them Asia.

O Debleskro Lab 2024 (Sinte-Manouche)

²² Oun yob bičras douyen, kay boudran leske, o Timotes oun o Erastes, an o them Macedonia. Yob ačas i tsiro an o them Asia.

Bičepangre 19:22 Iomraidhean Croise

Bičepangre 13:5

Un har jon an ko foro Salamis wan, penan le o Debleskro lab kote an i biboldengre kangria. Un o Johanni Marko budras lentsa.

Bičepangre 16:1

Jon wan ninna an i forja Derbe un Listra. Koi his i terno patslo mursh. Kowa kharas Timoteo. Leskri dai his i biboldetsa. Un joi his patslo. Leskro dad his kek biboldo.

Bičepangre 16:3

Koles kamas o Paulo peha te lell ap o drom. Job las les un tchinas les ap o mass, har kowa pash i bibolde hi, te tchingrenn i bibolde gar koi pral. I bibolde djinan lauter, kai leskro dad kek biboldo hi.

Bičepangre 18:5

Har o Silas un o Timoteo dran o them Macedonia wan, tchiwas o Paulo peskri budi ap i rig, te nai penell lo i menshenge o Debleskro lab. An o Debleskro lab sikras lo i biboldende, kai o Jesus ko baro rai hi, koles o Dewel bitchras.

Bičepangre 19:10

Kowa kras job dui bersha, te shunan i bibolde un kolla, kai kek bibolde hi, an o them Asia o Debleskro lab.

Bičepangre 19:21

Pal kau koowa kamas o Paulo pral i themma Macedonia un Achaja an o foro Jerusalem te djal, un penas: “Un pal kowa hunte dikap me o foro Rom ninna.”

Bičepangre 19:29

Un i tsele menshe an kau foro wan diwjo. Un jon tapran kol dui murshen, o Gajes un o Aristarches, kai wan o Pauleha dran o them Macedonia. Un lauter khetne nashan le an o khelepaskro kheer un tserdan kol dui murshen sorjah peha.

Bičepangre 20:1

Har i menshe buder gar diwjo his, das o Paulo i patslen pash peste gole, un das len soor an lengro patsepen. Palle penas lo lenge: “Atchenn o Debleha!” un djas peske, te djal lo an o them Macedonia.

Remarja 16:23

O Gajo, – kowa las man an leskro kheer dren, – penell tumenge latche laba. An leskro kheer wenn i tsele patsle khetne. Ninna o Erasto, kai dell garda ap o foreskre lowe, un o Kwarto, miro latcho phraal an o patsepen, penenn tumenge latche laba.

2. Korintarja 1:16

Ap miro drom an o them Macedonia kamom pash tumende te well. Un ninna te djau pale, kamom pash tumende te well. Palle nai dans tumer man kowa, hoi man hunte well djipaske ap o drom an o them Judea.

2. Korintarja 11:9

Har me pash tumende homs, un mange his gar doha djipaske, mangom kekestar tumendar tchomone. I patsle phrala, kai wan dran o them Macedonia, anan mange jaake bud, te nai djiwom pash tumende. Jaake perom kekeske tumendar ap i possita. Un jaake kamau kowa ninna te krell an ko tsiro, hoi wella.

2. Korintarja 2:13

Miro phraal, o Tito, kamas ninna an kau foro te well. Har was lo gar, was man i daar, un me penom lenge: “Atchenn mo Debleha!” un djom mange an o them Macedonia.

2. Korintarja 8:1

Mire phrala, mer kamah tumenge te penell, hawo latchepen o Dewel kote kras, kai i patsle an o them Macedonia khetne wenna.

2. Korintarja 8:19

Un kowa hi gar lauter! I patsle rodan les win, te djal lo mentsa khetne ap maro drom pash kol patslende, kolen mer kol lowe anah. Kowa krah, te well o Dewel sharedo, un te dikenn kol patsle kote maro kamlepen, hoi men lenge hi.

1. Tessalonikarja 1:8

Tumendar djas o latcho lab o Jesusestar, maro rajestar, dureder, gar kokres an i themma Macedonia un Achaja. Na-a, ninna an bud wawar themma shunan i menshe, har tumer patsenn ap o Debleste. Jaake hunte penas mer lenge buder tchi pral kowa.

2. Timoteo 4:20

O Erasto atchas an o foro Korint, un o Trofimes hunte mukom nasselo an o foro Milet.