Bičepangre 19:19 - O Debleskro Drom 2021 (Sinte)

¹⁹ Bud durkepangre lan pengre lila un chatchran len glan halauterende. Kol lila his nai pantch-deesh serja (50.000) rupene beme moldo.

O Debleskro Lab 2024 (Sinte-Manouche)

¹⁹ Boud dourkepangre lan pengre lila oun rhačran len glan halauterende. Kol lila his nay panč-deesh zerya (50.000) roupene beme moldo.

Bičepangre 19:19 Iomraidhean Croise

1. Mose 35:4

Un jon dan o Jakobeste pengre tsele deblen dran barra un kashta, hoi jon an-mangan, un i tsele kanengre, hoi an lengre kanda his. Un o Jakob paskras len tel o baro ruk pash o foro Sichem.

1. Familjakro liil 10:13

O Saul meras doleske, kai job gar kras, hoi o baro Dewel leske penas, un kai job pash koi djuwjate djas, kai i mulentsa rakras, un lat putchas.

2. Familjakro liil 33:6

Un job mukas peskre tchawen an i jag te djal an i tala Ben-Hinnom, un shunas ap tchirklengre golja un wawar sikepen, un kras durkepen un rikras peske drawepangre un sawe menshen, kai i mulen putchan. Jaake kras lo bud koowa, hoi tchilatcho hi glan o baro Debleskre jaka, te choirell lo les.

2. Mose 32:20

Ko terno gurum, hoi kran i Israelitarja penge, witsras job an i jag, te chatchrell lo. Un das les tiknes, bis te stauba pral atchas. Koi stauba witsras lo an o pani, un das les i Israelitarja te pijell.

2. Mose 7:11

Kote mukas o Farao i gosewe murshen un i durkepangren gole te dell. Un kol egiptikre durkepangre kran emligo koowa an pengri soor.

2. Mose 7:22

Un i durkepangre an o them Egiptia kran ninna jaake an pengri soor. Un o Faraeskro dji atchas pale pandlo, un job shunas gar ap lende. Jaake was, hoi o baro Dewel penas.

Jesaja 30:22

Palle dikenn tumer ap tumare rupene un sonakangre figure har ap tchomone, hoi pale-tchiddo hi. ‘Krik kolentsa’ penenn tumer un witsrenn len krik har tchik.

Jesaja 8:19

Nai well, te penenn i menshe tumenge: “Putchenn kolen, kai i mulentsa rakrenn, un putchenn i drawepangren, kolla, kai rakrenn lokes glan pende.” Ap kolende penenn: “Hunte putchenn gar i menshe pengro debles? Putchenn le i mulen i djidenge?”

Daniel 2:2

Un o baro rai mukas khetne te kharell i tsele durkepangren un drawepangren, kolen, kai bengeskro koowa krenn un kolen, kai an i bolepangre momlia drawerenn. Jon hunte penan leske, hoi leskri suni kamell te penell. Un jon wan un his tardo glan leste.

3. Mose 13:52

Ko ripen oder kol koola, ap kolende ko djunglepen hi, hunte wenn pre chatchedo an i jag.

Louka 14:33

Doleske penau tumenge: Kek tumendar nai well miro maal, te dell job gar lauter pre, hoi les hi.”

Louka 15:8

Te hi i djuwjat deesh rupene beme, un nashrell jek, krell li i momeli an, un rodell koi bema an o tselo kheer jaake rah, bis te hatsell li lat.

Bičepangre 13:6

Jon djan an o tselo them Ciprus trujel, un wan ap i wawar rig ko themestar un djan an o foro Pafos. Kote tapran le i biboldes. Kowa kharas Bar-Jesus un his i durkepaskro. Job penas pestar, te hi lo i Debleskro rakepaskro. Kowa his i chochepen.

Bičepangre 13:8

Ko durkepaskro, o Elimas, – jaake his leskro lab ap grichtikes, – kamas kowa gar un kras lauter, te rikrell lo ko pralstunes pale, te well job gar patslo.

Bičepangre 19:18

Wan ninna bud kolendar, kai patslo wan, un penan glan i menshende, hoi jon tchilatches kran.

Hebrearja 10:34

Tumer rowan kolentsa, kai an o stilepen hi. Kolla, kai gar patslo his, lan tumendar kowa krik, hoi tumaro his. Un i bachtelo djijeha mukan tumer len kowa te krell. Tumer djinan, kai hi tumen i feteder brawlepen an o bolepen, hoi kek nai lell tumendar.