Bičepangre 19:11 - O Debleskro Drom 2021 (Sinte)

¹¹ Un o Dewel his pash o Pauleste, un job nai kras bud baro un sorelo koowa an o Debleskri soor.

O Debleskro Lab 2024 (Sinte-Manouche)

¹¹ Oun o Devel his pash o Pauleste, oun yob nay kras boud baro oun zorelo koova an o Debleskri zoor.

Bičepangre 19:11 Iomraidhean Croise

Johanni 14:12

Tchatchepah, me penau tumenge: Koon ap mande patsella, krell ninna kowa, hoi me krau. Un job krell bareder koowa har me, kanna, kai djau me pash o dadeste.

Bičepangre 14:3

Un o Paulo un o Barnabas atchan i rah tsiro an ko foro. Un len his kek traash, te sikrenn le i menshende o Jesuseskro drom. Un o rai Jesus das len i soor, te kran le baro un sorelo koowa, hoi kek wawar nai kras. Jaake sikras job, kai kowa, hoi jon pral leskro baro latchepen penan, tchatcho hi.

Bičepangre 15:12

Koi tchingran kol tsele menshe buder gar lentsa, un shunan ap o Pauleste un o Barnabeste, har kolla lenge penan, hawo baro un sorelo koowa o Dewel mashkral kolende kras, kai kek bibolde hi.

Bičepangre 16:18

Kowa das li gole hako diwes. O Paulo was chojedo, un rissras pes trujel, un penas ap ko bengeste, kai hi an late: “Me penau tuke an o Jesus Kristeskro lab: Dja dran late win!” Koi djas o beng dran kai rakli win.

Bičepangre 5:12

Un o Jesuseskre bitchepangre kran bud baro un sorelo koowa an o Debleskri soor ap i menshende. Un i tsele patsle his an o Salomeskri bari isema an o Debleskro baro kheer khetne.

Bičepangre 8:13

Koi was ninna o Simon patslo, un mukas pes te taufrell. Palle atchas lo pash leste. Un har o Simon ko baro un sorelo koowa dikas, hoi o Filipo an o Debleskri soor kras, atchas leske o rakepen krik.

Galatarja 3:5

O Dewel das tumen peskro Ducho un kras pash tumende bud baro un sorelo koowa, hoi kek wawar nai krella. Kras lo kowa, har djiwan tumer pal o Moseskre laba? Na-a! Job kras kowa, har tumer shunan o Jesusestar un ap leste patsan.

Hebrearja 2:4

Un o Dewel das len peskri soor, te krenn le baro un sorelo koowa, hoi kek wawar mensho nai krella. Jaake sikras lo, te penan le o tchatchepen. Ninna das lo i patslende peskro Ducho un peskri soor, te krenn le peskri budi mashkral i menshende. Hakeneste das lo i soor, te krell job koi budi, hoi o Dewel lestar kamas.