Bičepangre 18:3 - O Debleskro Drom 2021 (Sinte)

³ Un har job koi emligi budi kras har jon, atchas lo pash lende un budras lentsa.

O Debleskro Lab 2024 (Sinte-Manouche)

³ Oun har yob koy emligi boudi kras har yon, ačas lo pash lende oun boudras lentsa.

Bičepangre 18:3 Iomraidhean Croise

2. Rajengro liil 6:2

Mer kamah pash o Jordan te djal, te las menge ruka, un krah menge i bareder kheer, kai mer khetne wah.” Job penas: “Djan koi!”

1. Korintarja 4:12

Mer marah men tele mare wastentsa, te well men tchomone te chal. Jon praassenn men, un mer rakrah o Debleskri bacht pral lende win. Jon te lenn men palla, rikrah mer win.

1. Korintarja 9:14

Jaake penas maro rai Jesus ninna, te lenn kolla, kai leskro lab i menshenge penenna, kowa, hoi len hunte well djipaske.

1. Korintarja 9:15

Kau tchatchepen lom mange gar: Me lom tchi tumendar. Me tchinau kowa gar, te wap me kanna tumendar plaissedo. Feteder wals, me meroms, har te penenn i menshe mange palla, te plaissrenn tumer man. Me nai sharau man, te penau i menshenge o latcho lab o Jesusestar tchitcheske.

1. Korintarja 9:18

Hoi lau me koleske? Me lau tchi. Mange hi shukeder te penap o latcho lab o Jesus Kristestar tchitcheske, har te wap me plaissedo.

2. Korintarja 11:7

Krom me man baro, har lom kek lowe tumendar, har penom tumenge o Debleskro latcho lab? Lom me doleske i doosh ap mande? Na-a, me krom tumen baro.

2. Korintarja 11:9

Har me pash tumende homs, un mange his gar doha djipaske, mangom kekestar tumendar tchomone. I patsle phrala, kai wan dran o them Macedonia, anan mange jaake bud, te nai djiwom pash tumende. Jaake perom kekeske tumendar ap i possita. Un jaake kamau kowa ninna te krell an ko tsiro, hoi wella.

2. Korintarja 12:13

Me krom tumenge jaake bud, har krom ninna i wawar patslenge, kai an wawar forja khetne wenna. Jek koowa hi wawartchandes: Tumendar lom kek lowe. Te his kowa i doosh, mangau tumendar, bistrenn koi doosh!

1. Tessalonikarja 2:9

Mire phrala, tumer djinenna, har phari mari budi his, har hams pash tumende, un sikram tumende o Debleskro drom. Ap o diwes un an i rat budram, te djiwas gar dran tumari possita.

1. Tessalonikarja 4:11

Djiwenn tumaro djipen jaake, te nai rakrenn i menshe gar djungeles pral tumende! Krenn tumari budi! Budrenn jaake, te well tumen doha djipaske, jaake har tumenge penam!