Bičepangre 18:26 - O Debleskro Drom 2021 (Sinte)26 O Apollo djas an i biboldengri kangri, un les his kek traash, te penell lo kote i biboldenge o Jesusestar. Har o Akwila un i Priska les shunan, lan le les pash pende khere, un sikran leste o Debleskro drom feteder un budeder. Faic an caibideilO Debleskro Lab 2024 (Sinte-Manouche)26 O Apollo djas an i biboldengri kangri, oun les his kek traash, te penell lo kote i biboldenge o Yezousestar. Har o Akvila oun i Priska les shounan, lan le les pash pende khere, oun sikran leste o Debleskro drom feteder oun boudeder. Faic an caibideil |
O Paulo atchas i tsiro an o foro Korint. Koi pal penas lo i patslenge: “Atchenn o Debleha!” Un job uleras ap o shiffo pral o baro pani an o them Syria. I Priska un o Akwila his pash leste. Glan kowa, har jon an o foro Kenchrea ap o shiffo djan, das pes o Paulo sowel un mukas peskre balla tele te tchinell.
Un i bibolde un o Paulo kran penge i diwes win, kai wenn le pale khetne an koi kertchima. Har ko diwes was, wan bud pash leste. Un o Paulo penas lenge, te was ko tsiro, kai o Dewel i menshen pash peste gole della, te lell lo len dran o tchilatchepen win. Un job sikras lende, hoi o Mose un o Debleskre rakepangre pral o Jesuseste tchinan. Un pral kowa rakras o Paulo lentsa o tselo diwes.
Kanna kamah te rakras pral kowa, hoi kolenge hi, kai hi phure an o patsepen, un buder gar pral kowa, hoi mer kolenge penah, kai hi terno an o patsepen. Mer kamah buder gar pral kowa te rakrell, hoi tumer shunan, har patslo wan! Ap ko tsiro was tumenge penlo, te mukenn tumaro tchilatcho drom, hoi an o merepen anella, un te patsenn ap o Debleste, un te djan ap leskro drom.