Bičepangre 18:18 - O Debleskro Drom 2021 (Sinte)

¹⁸ O Paulo atchas i tsiro an o foro Korint. Koi pal penas lo i patslenge: “Atchenn o Debleha!” Un job uleras ap o shiffo pral o baro pani an o them Syria. I Priska un o Akwila his pash leste. Glan kowa, har jon an o foro Kenchrea ap o shiffo djan, das pes o Paulo sowel un mukas peskre balla tele te tchinell.

O Debleskro Lab 2024 (Sinte-Manouche)

¹⁸ O Paulo ačas i tsiro an o foro Korint. Koy pal penas lo i patslenge: “Ačenn o Debleha!” Oun yob ouleras ap o shiffo pral o baro pani an o them Syria. I Priska oun o Akvila his pash leste. Glan kova, har yon an o foro Kenkrea ap o shiffo djan, das pes o Paulo sovel oun moukas peskre balla tele te činell.

Bičepangre 18:18 Iomraidhean Croise

4. Mose 6:18

Un ko mursh, kai his i tsireske o Debleske koi, hunte tchinell o bal ap peskro shero, hoi mukas lo lengsto te well o Debleske. Un job tchinell les pash o wudar glan o Debleskro plachteno kheer, un lell les un witsrell les ap i jag, kai chatchrenn kol thulle kotja ko bakrestar, hoi chan le khetne glan o Debleste.

4. Mose 6:2

Pen ap i Israelitarja: Te dell jek pes sowel, – nai well i mursh, ninna i djuwel, – un penell o baro Debleske, te well lo leske i tsireske koi,

Mateo 4:24

Un ninna an o tselo them Syria shunan le lestar. Un jon anan lauteren pash leste, kai nasselo hi. Mashkral lende his kolla, kai hi len bare duka, un kolla, kai hi an lende benga, un kolla, kai hi nasselo an pengro shero, un kolla, kai hi bango. Un job kras len sasto.

Markus 6:46

Har job bitchras len pestar, djas lo ap i berga, te rakrell lo o Debleha.

Bičepangre 1:15

An kolla diwessa wan bud patsle khetne, sheel-te-biish menshe. Mashkral lende stas o Petro pre un penas:

Bičepangre 15:23

An ko liil, hoi jon peha lan, his tchinlo: “Kau liil tchinan o Jesuseskre bitchepangre un i phureder mank i patslende. Mer ham tumare phrala un tchinah kau liil ap i patslende, kai kek bibolde hi, un kai djiwenna an kol themma Antiochia, Syria un Cilicia.

Bičepangre 15:41

Un o Paulo un o Silas djan an i themma Syria un Cilicia, un jon dan i tsele patslen soor an o patsepen.

Bičepangre 18:2

Koi tapras job i biboldes dran o foro Pontus. Leskro lab his Akwila. Kowa was glan i tikno tsiro peskri romjah, i Priska, dran o them Italia. O baro rai an o foro Rom, o Klaudio, penas, te djan i tsele bibolde dran o foro Rom win. Pash lende djas o Paulo kanna.

Bičepangre 18:26

O Apollo djas an i biboldengri kangri, un les his kek traash, te penell lo kote i biboldenge o Jesusestar. Har o Akwila un i Priska les shunan, lan le les pash pende khere, un sikran leste o Debleskro drom feteder un budeder.

Bičepangre 18:27

Palle kamas o Apollo an o them Achaja te djal. Un i patsle an o foro Efesus dan les i liil peha. An ko liil mangan le i phralendar an o them Achaja, te lenn jon o phrales Apollo pash pende pre. Un har job kote was, djas lo pash kolende, kai patslo wan dran o Debleskro latchepen, un sikras len o Debleskro drom feteder un budeder.

Bičepangre 21:23

Doleske shuness tu, hoi mer tuke penah: Men hi star mursha. Kolla dan pen sowel, kai pijenn jon i tsiro kek mool un mukenn pengre balla gar tele te tchinell.

Bičepangre 21:24

Ko tsiro hi sik trujel. Le len pash tute, un thob tut lentsa khetne pal o biboldengro tchatchepen, un de len lowe, te mukenn jon pengre balla tele te tchinell! Jaake dikenn i tsele bibolde, kai kowa gar tchatcho hi, hoi jon pral tute penan. Un jon dikenna, kai tu pal o biboldengro tchatchepen djiweh.

Bičepangre 21:3

Har wam jaake dur, te dikam nai o them Ciprus, mukam kowa serwes tchiddo, un uleram ap o shiffo an o them Syria, un wam an o foro Tirus. Koi anan jon o tselo koowa, hoi o shiffo hidjras, an o foro.

Remarja 16:1

Te well mari pheen, i Febe, pash tumende, mangau tumendar, len lat latches pash tumende pre. Joi hi o Debleskri budepaskretsa an o foro Kenchrea. Lenn lat jaake latches pash tumende pre, har maro rai Jesus kowa i patslendar kamella. Denn lat lauter kowa, hoi lat hunte well djipaske! Joi his bud patslenge koi, ninna mange.

1. Korintarja 9:20

Te hom pash i biboldende, palle djiwau har i biboldo, un rikrau man ap o Moseskre laba, te anap i bibolden pash o Jesuseste, ninna te hom me gar tel o Moseskre laba tardo.

Galatarja 1:21

Pal kowa wom me an i themma Syria un Cilicia.