Bičepangre 18:15 - O Debleskro Drom 2021 (Sinte)

¹⁵ Tumer tchingrenn pral o biboldengro patsepen, un pral o Moseskre laba. Doleske anenn les glan tumare tchatchepangre! Me dau les gar i phagi.”

O Debleskro Lab 2024 (Sinte-Manouche)

¹⁵ T'mer čingrenn pral o biboldengro patsepen, oun pral o Moseskre laba. Doleske anenn les glan t'mare čačepangre! Me dau les gar i phagi.”

Bičepangre 18:15 Iomraidhean Croise

Mateo 27:24

Har o Pilato dikas, te nai krell lo tchi, un te wenn le diwjeder, las lo pani, thowas peskre wasta glan i tsele menshende, un penas: “Me anau kek doosh ap mande, te well lo maredo. Koi doosh well ap tumende.”

Mateo 27:4

Un job penas ap lende: “Me anom doosh ap mande. Me phukrom ap koleste, kai kek doosh ap peste anas.” Penan le: “Kowa hi gar maro koowa. Kowa hi tiro koowa.”

Johanni 18:31

“Ake, lenn les un denn les tumer i phagi pal o biboldengro tchatchepen!” penas o Pilato ap lende. “Mer nai marah kekes pal o Remarjengro tchatchepen,” penan kol bibolde.

Bičepangre 18:13

un penan koleske: “O Mose sikras men, har mer hunte mangas o Debles an. Un kanna well kau mursh un penell menge, te mangas mer o Debles wawartchandes an.”

Bičepangre 23:29

Me hatsom win, te haiwell lo i biboldengro tchatchepen wawartchandes har jon. Kowa hi leskri doosh. Me hatsom tchi, te nai marams les, witar kek doosh, te nai tchiwams les an o stilepen.

Bičepangre 25:11

Te kroms me i tchilatcho koowa, kai hunte marans le man, mangoms tutar gar, te atchap djido. Te krom me kowa gar, hoi jon pral mande penan, palle nai tchiwenn tumer man gar an lengre wasta. Me kamau, te well miro koowa glan o baro rajeste an o foro Rom.”

Bičepangre 25:19

Jon tchingran pen pral o biboldengro patsepen un pral i mursheste, kai kharas Jesus, un kai meras. Un kolestar penas o Paulo, te hi lo djido.

Bičepangre 26:3

Me djinau, kai tu prindjreh o biboldengro patsepen. Tu djineh, har i bibolde djiwenna. Un tu djineh ninna pral hawo koowa jon pen tchingrenna. Doleske mangau tutar: De man ko tsiro, te penap tuke halauter!

1. Timoteo 1:4

Pen lenge, te rodenn jon gar o tchatchepen an i parmisse, witar gar an kol bare lila, kai i phurengre laba tchinlo hi. Kowa anell tchingepen, un anell men gar ap o Debleskro drom dureder.

1. Timoteo 6:4

palle hi job pre-phurdo un haiwell tchi. Job kamell te tchingrell pes hako labeske. Kowa hi jaake har i nasslepen. Dran sawo koowa well, te silwerenn le, te tchingrenn pen le, te rakrenn le djungeles jek pral o wawareste, te dikell ko jek tchilatche jakentsa ap o wawareste.

2. Timoteo 2:23

Te tchingrenn i menshe pral i laba, ma muk tut an ko dinelo rakepen dren tserdell, hoi tchi molella! Tu djineh, kowa anell tchingepen.

Tito 3:9

Ma shun ap ko dinelo rakepen, hoi tchi molella! Ma tchinge lentsa pral kol lila, kai hi i phurengre laba dren tchinlo, witar gar pral kowa, hoi an o Moseskre lila tchinlo hi. Sawo tchingepen hi gar mishto i menshenge, un hi tchi moldo.