Bičepangre 18:12 - O Debleskro Drom 2021 (Sinte)

¹² An ko tsiro, har his o Gallio o pralstuno un tchatchepaskro rai pral o them Achaja, tchiwan pen kol bibolde khetne, un anan o Paules glan leste,

O Debleskro Lab 2024 (Sinte-Manouche)

¹² An ko tsiro, har his o Gallio o pralstouno oun čačepaskro ray pral o them Akaya, čivan pen kol bibolde khetne, oun anan o Paules glan leste,

Bičepangre 18:12 Iomraidhean Croise

Mateo 27:19

Har o Pilato ap o tchatchepaskro beshepaskro beshdo his, te rakrell lo o tchatchepen pral leste win, mukas leskri romni leske te penell: “Ko mursh anas kek doosh ap peste. Muk les te djal! Taissar rati his man i tchilatchi suni, un man his bare duka dran leste.”

Johanni 19:13

Har o Pilato kol laba shunas, anas job o Jesuses win un beshas pes ap ko tchatchepaskro beshepaskro, hoi kharella Barrengri Phub. Ap o biboldengro rakepen kharella kowa Gabbata.

Bičepangre 13:12

Har ko pralstuno kowa dikas, was job patslo, un kras bare jaka pral kowa, hoi job pral o rai Jesuseste shunas.

Bičepangre 13:50

Koi djan i pralstune bibolde pash kol brawele djuwjende, kai lan i biboldengro patsepen an, ninna pash kol pralstunende an ko foro, rakran lentsa un kran, te wan le chojedo ap o Pauleste un ap o Barnabeste. Un khetne lentsa lan le len palla un tradan len dran ko foro win.

Bičepangre 13:7

Job his pash ko pralstuneste pral o them Ciprus. Leskro lab his Sergio Paulo. Kowa his i gosewo mursh. Job mukas o Barnabes un o Saules gole te dell, te penenn jon leske o Debleskro lab.

Bičepangre 13:8

Ko durkepaskro, o Elimas, – jaake his leskro lab ap grichtikes, – kamas kowa gar un kras lauter, te rikrell lo ko pralstunes pale, te well job gar patslo.

Bičepangre 14:19

Koi wan bibolde dran i forja Antiochia un Ikonion an kau foro. Kolla lan bud menshen ap pengri rig, lan barra, witsran i barrentsa ap o Pauleste, tserdan les dran o foro win, un dikan ap leste, un penan: “Kowa hi mulo.”

Bičepangre 14:2

Kol bibolde, kai wan gar patslo, penan, te wals kowa gar tchatcho, hoi o Paulo penas, un kran, te wan kolla, kai kek bibolde hi, chojedo ap i patslende.

Bičepangre 17:13

Har shunan kol bibolde an o foro Tessalonika, te penas o Paulo ninna i menshenge an o foro Berea o Debleskro lab, wan le kote un kran tchingepen. Jon kaman, te wenn i menshe chojedo ap lende.

Bičepangre 17:5

I bibolde, kai gar ap o Jesuseste patsan, silweran ap o Pauleste un ap o Silaseste. Un jon djan ap o drom, rodan tchilatche murshen, un lentsa kran le i menshen an ko foro diwjo. Un jon djan pash ko kheer, kai djiwas o Jason. Jon patsan, te wans o Paulo un o Silas pash leste. Un i bibolde un i tchilatche kaman len dran o kheer win te anell glan i tsele menshende.

Bičepangre 18:11

Un o Paulo atchas jek bersh un shob tchon an kau foro, un penas lenge o Debleskro lab.

Bičepangre 18:27

Palle kamas o Apollo an o them Achaja te djal. Un i patsle an o foro Efesus dan les i liil peha. An ko liil mangan le i phralendar an o them Achaja, te lenn jon o phrales Apollo pash pende pre. Un har job kote was, djas lo pash kolende, kai patslo wan dran o Debleskro latchepen, un sikras len o Debleskro drom feteder un budeder.

Bičepangre 19:21

Pal kau koowa kamas o Paulo pral i themma Macedonia un Achaja an o foro Jerusalem te djal, un penas: “Un pal kowa hunte dikap me o foro Rom ninna.”

Bičepangre 25:10

O Paulo penas ap leste: “Me hom kate glan o tchatchepaskro tardo, koles o baro rai an o foro Rom an peskri budi tchiwas. Kote hunte well o tchatchepen pral mande win kerdo. I biboldenge krom kek tchilatcho koowa. Un kowa djineh tu mishto!

Remarja 16:5

Penenn ninna latche laba mandar ap kol patslende, kai an lengro kheer khetne wenna, un ap miro latcho maal, o Epaineto. Job was o ersto patslo an o them Asia.

1. Korintarja 16:15

Mire phrala, tumer prindjrenn o Stefano un kolla, kai an leskro kheer djiwenna. Jon hi kol patsle, kai glan i tsele wawarende an o them Achaja ap o Jesuseste patsan. Jon budrenna pengri tseli sorjah i patslenge. Mangau tumen,

2. Korintarja 1:1

Kau liil tchinau me, o Paulo. Me hom o Jesus Kristeskro bitchepaskro, jaake har o Dewel kowa kamell. Un me un maro phraal, o Timoteo, mer tchinah kau liil ap i patslende, kai wenn khetne an o Debleskro lab an o foro Korint. Kau liil hi ninna i tsele Debleskre tchawenge an o them Achaja.

2. Korintarja 11:10

An kau koowa sharenn man i menshe. Un pash o Jesus Kristeskro tchatchepen, hoi an mande hi, penau tumenge: Kek mensho an ko tselo them Achaja lell kau sharepen mandar krik!

2. Korintarja 11:26

Ap miro drom an bud wawar forja un themma his bud kope o merepen glan mire jaka. Me nai tassoms an i diwje panja, un kol tchorepangre nai dans man mulo. Un i bibolde, un ninna kolla, kai kek bibolde hi, kolla lan man palla. An o mulo them un an o baro pani, kai homs, his o merepen glan mire jaka, un ninna, har homs mank kol phralende, kai hi kek tchatche phrala.

2. Korintarja 9:2

Me djinau, tumer kamenn o tselo djijestar kol patslenge an o foro Jerusalem lowe khetne te tchiwell. Dran kowa sharom tumen pash kolende an o them Macedonia un penom: “Glan jek bersh lan kol phrala an o them Achaja lowe khetne.” Har jon kowa shunan, kaman bud lendar jaake te krell, har tumer kran.

1. Tessalonikarja 2:14

Mire phrala, tumare menshe lan tumen palla. Jaake djas tumenge har kol patsle biboldenge an o them Judea. Lengre menshe, i bibolde, lan len ninna palla.

1. Tessalonikarja 2:16

Jon mukenn men gar, te penas mer o latcho lab i wawarenge, kai kek bibolde hi, te nai wenn kolla ninna ap o Debleskro drom. Jaake was i biboldengri doosh jaake baro, bareder djal gar. Un o Debleskri choli was soreles pral lende.

Jakobo 2:6

Har hi kowa pash tumende? I tchorwele hi tumenge tchi moldo. I brawele hi tumenge budeder moldo. Un jon hi kolla, kai rikrenn tumen tele, un anenn tchilatcho koowa ap tumende un anenn tumen glan i tchatchepangre.