Bičepangre 17:4 - O Debleskro Drom 2021 (Sinte)

⁴ Mank i biboldende his sawe, kai patsan kowa, hoi o Paulo lenge penas. Un jon rikran pen ap i rig o Paulestar un o Silasestar. Ninna bud, bud griche, kai lan o biboldengro patsepen an, patsan kowa, hoi o Paulo penas. Mank lende his ninna bud an-dikle djuwja.

O Debleskro Lab 2024 (Sinte-Manouche)

⁴ Mank i biboldende his save, kay patsan kova, hoy o Paulo lenge penas. Oun yon rikran pen ap i rig o Paulestar oun o Silasestar. Ninna boud, boud griche, kay lan o biboldengro patsepen an, patsan kova, hoy o Paulo penas. Mank lende his ninna boud an-dikle djouvya.

Bičepangre 17:4 Iomraidhean Croise

Gosewe laba 13:20

Kowa, kai khetne hi kolentsa, kai gosewo hi, kowa well ninna gosewo. Kowa kai i maal hi i dinelentsa, kowa well bibachtelo.

Gosewe laba 9:6

Ma dja kolentsa, kolen tchi an o shero hi! Palle djiweh. Dja kolentsa, kai gosewe hi!

Kamlepaskri gili 6:1

Kai djas kanna tiro pirno koi, tu shukester mashkral i djuwjende? Hawo drom nashas tiro pirno, te nai rodas les tuha?

Zakarie 2:11

Stenn pre, tumer menshe dran Zion, kai djiwenn an o them Babilonia, nashenn tumenge!”

Johanni 7:35

“Kai kamell job te djal, kai hatsah mer les gar?” putchas jek i wawarestar. “Kamell job pash kol biboldende te djal, kai djiwenn an o grichtikro them, te penell lo kote i menshenge o Debleskro lab?

Bičepangre 13:43

Un har i menshe dran i biboldengri kangri win djan, nashan bud lendar o Pauleske un o Barnabeske palla. Kolla his bibolde un sawe, kai lan i biboldengro patsepen an. Un o Paulo un o Barnabas rakran budeder lentsa un penan lenge: “Rikrenn ap ko patsepen, kai o Dewel i doosh kolendar krik lella, kai patsenn ap leskro tchaweste.”

Bičepangre 13:50

Koi djan i pralstune bibolde pash kol brawele djuwjende, kai lan i biboldengro patsepen an, ninna pash kol pralstunende an ko foro, rakran lentsa un kran, te wan le chojedo ap o Pauleste un ap o Barnabeste. Un khetne lentsa lan le len palla un tradan len dran ko foro win.

Bičepangre 14:1

An o foro Ikonion djas o Paulo un o Barnabas pale an i biboldengri kangri, un penan i menshenge o Debleskro lab jaake, kai wan bud bibolde patslo, ninna bud wawar, kai kek bibolde hi.

Bičepangre 14:4

I menshe an ko foro djinan gar, koneske te patsenn le. His sawe, kai rikran kol biboldentsa khetne. Wawar rikran pen ap o Jesuseskre bitchepangre.

Bičepangre 15:22

O Jesuseskre bitchepangre un i phureder mank i patslende, khetne i tsele patslentsa rodan murshen mashkral i patslende win, te djan jon o Pauleha un o Barnabeha an o foro Antiochia. Kol mursha his o Judas, koles his ninna ko lab Barsabas, un o Silas. Kolla his pralstune mursha mashkral kol patslende.

Bičepangre 15:27

Kol dui murshen, kai bitchram kanna pash tumende, o Judas un o Silas, kolla penenn tumenge kol emlige laba, hoi mer tchinam:

Bičepangre 15:32

O Judas un o Silas his o Debleskre rakepangre. Jon rakran kol patslentsa, un mangan len, te atchenn le an o patsepen. Un lengre labentsa dan jon len soor, te djan jon dureder ap o Jesuseskro drom.

Bičepangre 15:40

O Paulo rodas peske o Silases win, un djas peske leha. Un kol patsle penan lenge: “O Dewel djal tumentsa!”

Bičepangre 16:3

Koles kamas o Paulo peha te lell ap o drom. Job las les un tchinas les ap o mass, har kowa pash i bibolde hi, te tchingrenn i bibolde gar koi pral. I bibolde djinan lauter, kai leskro dad kek biboldo hi.

Bičepangre 17:10

An koi rat bitchran kol patsle o Paules un o Silases an o foro Berea. Har jon koi wan, djan jon an i biboldengri kangri.

Bičepangre 17:12

Bud lendar wan patslo, ninna bud brawele griche, djuwja har mursha.

Bičepangre 17:14

Koi bitchran kol patsle o Paules sik dureder pash o baro pani. O Silas un o Timoteo atchan an o foro Berea.

Bičepangre 17:17

Job rakras an i biboldengri kangri ap i biboldende, un ninna ap kol grichende, kai lan o biboldengro patsepen an. Un hako diwes rakras lo mashkral an o foro ap kol menshende, kai job kote dikas.

Bičepangre 17:34

His mursha koi, kai djan leha un wan patslo. Mashkral lende his ninna o Dionisio, i pralstuno ap o Areopag, un i djuwel, kai kharas Damaris, un ninna wawar.

Bičepangre 18:4

Hako Debleskro diwes djas job an i biboldengri kangri un sikras i menshende o Debleskro drom. Un hoi job penas, sikras i biboldende un kolende, kai kek bibolde hi, kai o Jesus hi o Kristo, ko baro rai, koles o Dewel bitchras.

Bičepangre 19:10

Kowa kras job dui bersha, te shunan i bibolde un kolla, kai kek bibolde hi, an o them Asia o Debleskro lab.

Bičepangre 2:44

Kolla, kai patslo wan, atchan lauter khetne. Un jon tchiwan pengro tselo brawlepen khetne, un kowa his lauterenge koi.

Bičepangre 21:28

un dan gole: “Murshale dran o them Israel, awenn pash mende! Kawa hi ko mursh, kai i tsele menshen ap i phub dinelo krella. Job rakrell djungeles pral i biboldende, pral o Moseskre lila, un pral o Debleskro baro kheer. Kanna anas job ninna kolen, kai kek bibolde hi, an o Debleskro baro kheer, un kras maro Debleskro baro kheer pale-tchiddo.”

Bičepangre 28:24

Bud lendar patsan leske un penan: “Leskro hi tchatcho.” Wawar lendar patsan leske gar.

Bičepangre 4:23

Un har kolla mukan len te djal, wan jon pash i patslende, un penan lenge, hoi kol bare rashaja, un kol biboldengre phureder ap lende penan.

2. Korintarja 8:5

Kowa, hoi jon kran, his budeder har mer patsam. Jon tchiwan pen an o wast o Jesusestar, maro rajestar, un pal kowa an mare wasta, jaake har o Dewel kowa kamas.