Bičepangre 16:9 - O Debleskro Drom 2021 (Sinte)

⁹ Koi dikas o Paulo an i suni i murshes dran o them Macedonia. Kowa mangas les un penas: “Am wergel an o them Macedonia, un pen menge o Debleskro lab!”

O Debleskro Lab 2024 (Sinte-Manouche)

⁹ Koy dikas o Paulo an i souni i morshes dran o them Macedonia. Kova mangas les oun penas: “Am vergel an o them Macedonia, oun pen menge o Debleskro lab!”

Bičepangre 16:9 Iomraidhean Croise

Bičepangre 10:3

His i diwes. His trinenge. Koi dikas ko mursh i Debleskro bolepaskres, har kowa pash leste dren was. Ko bolepaskro penas ap leste: “Kornelio!”

Bičepangre 10:30

Koi penas o Kornelio: “Glan star diwessa, his trinenge, mangom o Debles an miro kheer an. Koi his ap jek kopo i mursh glan mande tardo. Koleskre koola his bijalo.

Bičepangre 16:10

Koi pre rodam mer sik i shiffo, kai lell men peha an o them Macedonia. Mer djinam, kai das men o Dewel gole, te penas kote i menshenge o latcho lab o Jesus Kristestar.

Bičepangre 16:12

Palle uleram dureder an o foro Filipi. Kowa hi i foro an ko them Macedonia. Kote djiwan bud Remarja. Mer atcham i tsiro an ko foro.

Bičepangre 18:5

Har o Silas un o Timoteo dran o them Macedonia wan, tchiwas o Paulo peskri budi ap i rig, te nai penell lo i menshenge o Debleskro lab. An o Debleskro lab sikras lo i biboldende, kai o Jesus ko baro rai hi, koles o Dewel bitchras.

Bičepangre 19:21

Pal kau koowa kamas o Paulo pral i themma Macedonia un Achaja an o foro Jerusalem te djal, un penas: “Un pal kowa hunte dikap me o foro Rom ninna.”

Bičepangre 19:22

Un job bitchras dujen, kai budran leske, o Timotes un o Erastes, an o them Macedonia. Job atchas i tsiro an o them Asia.

Bičepangre 19:29

Un i tsele menshe an kau foro wan diwjo. Un jon tapran kol dui murshen, o Gajes un o Aristarches, kai wan o Pauleha dran o them Macedonia. Un lauter khetne nashan le an o khelepaskro kheer un tserdan kol dui murshen sorjah peha.

Bičepangre 20:1

Har i menshe buder gar diwjo his, das o Paulo i patslen pash peste gole, un das len soor an lengro patsepen. Palle penas lo lenge: “Atchenn o Debleha!” un djas peske, te djal lo an o them Macedonia.

Bičepangre 20:3

Har job triin tchon an kau them his, kamas lo ap o shiffo an o them Syria te ulerell. Koi shunas lo, kai kamenn i bibolde les te marell. Doleske djas lo pale pale an o them Macedonia.

Bičepangre 27:2

Mer djam ap o shiffo. Kowa was dran o foro Adramitsjon un uleras an kol forja, kai pash o pani an o them Asia tchiddo hi. Mentsa was ninna i mursh dran o foro Tessalonika. Leskro lab his Aristarcho.

Bičepangre 9:38

O foro Joppe his pash o foro Lidda tchiddo. Un har i patsle shunan, kai o Petro an ko foro his, bitchran jon dui murshen pash leste, un mangan les, te well job jaake sik har djala pash lende.

2. Korintarja 11:9

Har me pash tumende homs, un mange his gar doha djipaske, mangom kekestar tumendar tchomone. I patsle phrala, kai wan dran o them Macedonia, anan mange jaake bud, te nai djiwom pash tumende. Jaake perom kekeske tumendar ap i possita. Un jaake kamau kowa ninna te krell an ko tsiro, hoi wella.

2. Korintarja 12:7

O Dewel kamella, te wap gar pre-phurdo pral ko baro bolepaskro koowa, hoi mukas lo man te dikell. Doleske mukas o Dewel tchomone ap mande te well, hoi dukrell man har i subjengro kasht an miro mass. Kowa hi har te dals man i bengeskro kurepaskro dawa, te wap gar pre-phurdo.

2. Korintarja 7:5

Har wam an o them Macedonia, was haki rigjatar pharo koowa ap mende. His menshe koi, kai tchingran pen mentsa. Un men his i bari daar. Jaake lam kek newi soor.

2. Korintarja 8:1

Mire phrala, mer kamah tumenge te penell, hawo latchepen o Dewel kote kras, kai i patsle an o them Macedonia khetne wenna.

2. Korintarja 9:2

Me djinau, tumer kamenn o tselo djijestar kol patslenge an o foro Jerusalem lowe khetne te tchiwell. Dran kowa sharom tumen pash kolende an o them Macedonia un penom: “Glan jek bersh lan kol phrala an o them Achaja lowe khetne.” Har jon kowa shunan, kaman bud lendar jaake te krell, har tumer kran.

5. Mose 30:13

Kau lab hi gar ap i wawar rig o baro panjestar, jaake te nai penans tumer: “Koon djal menge ap i wawar rig o baro panjestar un anell les menge, jaake te nai shunas mer les un djiwas koi pal?”

1. Tessalonikarja 4:10

Un tumer krenn o latchepen ap i patslende an o tselo them Macedonia. Mire phrala, mukenn gar tele, te krenn kowa budeder un feteder!