Bičepangre 16:30 - O Debleskro Drom 2021 (Sinte)

³⁰ Un job anas len win, un penas ap lende: “Tumer raja, hoi krap, te lap o Debleskro djipen?”

O Debleskro Lab 2024 (Sinte-Manouche)

³⁰ Oun yob anas len vin, oun penas ap lende: “T'mer raya, hoy krap, te lap o Debleskro djipen?”

Bičepangre 16:30 Iomraidhean Croise

Hiob 25:4

Glan o Debleskre jaka hi kek mensho an o tchatchepen tardo. Kek mensho hi erligo glan leste.

Hiob 34:32

Sike tu man, hoi me gar dikau! Te his kowa tchilatches, hoi me krom, krau me les palle buder gar.”

Jesaja 58:6

Kanna penau tuke, hoi i diwes hi, hoi glan mire jaka mishto hi: I diwes, kai kreh tu kol shelle pre kolendar, kai pandlo wan, un kai kek tchilatchepen kran. Muk kolen te djan, ap kolende pharo koowa tchiwal! Le ko koowa krik, koleha len tele rikral! Un phage kol shelle, hoi trul lengre menja pandlo hi.

Jesaja 58:9

Palle deh tu gole, un o baro Dewel rakrell ap tute pale! Hako kopo, kai deh gole ‘ab ap miri rig’, penell job: ‘Kate hom.’ Tu rikress kekes tele pash tute, un aness tchi ap jekeste pre, hoi gar tchatcho hi, un rakress gar djungeles pral leste.

Mateo 3:8

Sikrenn i menshende, te djan tumer ap o Debleskro drom un buder gar ap o tchilatcho drom!

Mateo 5:7

Bachtele hi kolla, kai hi len i baro dji i wawar menshenge. O Debles hi i baro dji lenge.

Louka 3:10

Un i menshe putchan o Johannestar: “Hoi te kras mer?”

Bičepangre 14:15

“Murshale, hoi krenn tumer kote? Mer ham menshe har tumer, un penah tumenge o latcho lab o djido Deblestar. Job kamell, te wenn tumer ap leskro drom, un mangenn buder gar kol chochene deblen dran kasht un bar an. Job hi ko Dewel, kai kras o bolepen un i phub, un o baro pani, un lauter, hoi djiwella.

Bičepangre 16:17

Koja las o Paules un men palla, un das gole: “Kalla mursha budrenn ko baro Debleske! Kalla sikrenn tumenge o drom pash leste.”

Bičepangre 16:24

Har jon kowa ap leste penan, witsras job len an o palstuno stilepen, un tchiwas lengre pire an o kasht, un pandas len.

Bičepangre 2:37

Har kol menshe kowa shunan, djas lenge kowa an lengro dji. Un jon putchan o Petrestar un kol wawar Jesuseskre bitchepangrendar: “Murshale, mire phrala, hoi kras mer?”

Bičepangre 22:10

Me putchom: Rai, hoi krap? Un o rai penas ap mande: Ste pre un dja an ko foro Damaskus! Kote well tuke penlo, hoi tu hunte kress.

Bičepangre 9:6

Ste pre un dja an ko foro! Koi penenn le tuke, hoi te kress.”

Jakobo 2:13

Ma bistrenn! Well jek diwes, kai rakrell o Dewel o tchatchepen win pral tumende. Te hi jekes kek dji i wawareske, koleske hi o Debles witar kek dji. Kones hi i dji i wawarenge, koles hunte well kek daar ap ko diwes, kai rakrell o Dewel o tchatchepen pral i menshende win.