Bičepangre 16:25 - O Debleskro Drom 2021 (Sinte)

²⁵ Deesh-te-dujenge an i rat sharan o Paulo un o Silas o Debles, un giwan leske i gili. Un kol wawar stilde shunan kowa, har jon giwan.

O Debleskro Lab 2024 (Sinte-Manouche)

²⁵ Deesh-te-douyenge an i rat sharan o Paulo oun o Silas o Debles, oun givan leske i gili. Oun kol vavar stilde shounan kova, har yon givan.

Bičepangre 16:25 Iomraidhean Croise

Hiob 35:10

Un kek lendar putchell pal o Debleste, kai les kras. Un job hi kowa, kai krell, te nai giwell i mensho gilja an i kali rat.

Debleskri gili 119:55

Rati weh tu mange an o shero, baro Dewel, te djap ap tiro drom.

Debleskri gili 119:62

Mashkral an i rat stau me pre, te sharap tut, kai lal tu o tchatchepen an o wast.

Debleskri gili 22:2

Mo Dewel, mo Dewel, hoske mukal tu man? Me dau gole ap tute, un tu weh gar ap miri rig. Hoske atcheh dur mandar?

Debleskri gili 34:1

I gili o Davidestar, hoi job giwas, har job pash o Abimelech kras, har te wals lo dinelo, un kowa les krik tradas.

Debleskri gili 42:8

Tire panja perenn bari sorjah un goljah tele. Jek baro pani pal o wawar djal pral mande wergel.

Debleskri gili 50:15

Un de gole ap mande ap ko diwes, kai hal an i bibacht! Palle lau tut win, un tu sharess man.”

Debleskri gili 71:7

Ninna te patsenn bud, kai praassal tu man, hal tu mange har i sorelo kheer, kai nai khatrau man.

Debleskri gili 77:2

Me dau gole ap miro Debleste, dau bari gole ap leste. Awa, ap o Debleste dau gole, bis te shunell lo man.

Debleskri gili 77:6

Mange was o phuro tsiro an o shero, kol bersha, hoi glan i rah tsiro his, stan an mande pre.

Debleskri gili 91:15

Job dell ap mande gole. Doleske shunau me ap leste, un hom pash leste, te djal leske gar mishto. Me lau les win dran i bibacht un krau les bares.

Jesaja 30:29

Tumer, o Debleskre menshe, giwenna gilja, har pash i baro chapen an i rat, kai sharenn o Debles un giwenn leske. Tumer wenn jaake bachtelo, har te djans bashepah pre ap i berga o baro Deblestar, kai ap o Israeleskri rig hi.

Zakarie 3:8

Shun kanna, Jeshua, tu baro rashai: Tu un tire phrala, kai glan tute beshdo hi, tumer han i sikepen, hoi o baro Dewel kamell te krell an o tsiro, hoi wella: Me bitchrau miro budepaskres, kai kharell ‘newo ruk’.

Louka 22:44

Un o Jesus mangas o Debles sorleder, un rat nashas leskro sherestar tele ap i phub, jaake soreles was i daar ap leste.

Bičepangre 15:22

O Jesuseskre bitchepangre un i phureder mank i patslende, khetne i tsele patslentsa rodan murshen mashkral i patslende win, te djan jon o Pauleha un o Barnabeha an o foro Antiochia. Kol mursha his o Judas, koles his ninna ko lab Barsabas, un o Silas. Kolla his pralstune mursha mashkral kol patslende.

Bičepangre 16:19

Har lakre raja dikan, kai nashte anas joi lenge buder kek lowe, wan le tchilatcho, un tapran o Paules un o Silases. Un jon anan len an o foro glan i pralstunende.

Bičepangre 16:33

An koi rati thowas o rai pral o stilepen lengro rat tele, un mukas pes un peskre tsele menshen te taufrell.

Bičepangre 5:41

Koi djan jon penge i pralstunendar. Un jon his bachtelo, te hi le o Debleske jaake bud moldo, te rodas lo len win, te chan le dawa o Jesuseske.

Remarja 12:12

Awenn bachtele un dikenn ap o latchepen, hoi ap tumende wella an ko tsiro, hoi wella! Te well tumaro djipen pharo, rikrenn win! Mangenn o Debles hako tsiro!

Remarja 5:3

Kowa hi gar lauter. Ninna ham bachtelo pral i duka, hoi hunte las mer ap mende. Mer djinah, kol duka krenna, te dikas ap o Debleste.

2. Korintarja 6:10

Menge hi ropaske, un mer nai sanah. Mer ham tchorwelo, un krah i wawaren brawelo. Men hi tchi ap kai phub, un lauter hi menge.

Efesarja 5:19

Giwenn lauter khetne o Debleskre gilja un sawe gilja, hoi sharenn o Debles, ninna sawe gilja, hoi o Debleskro Ducho an tumende tchiwella! Giwenn un bashrenn o tselo djijestar o Jesuseske, maro rajeske!

Filiparja 2:17

Me anom tumen ap o Debleskro drom. Doleske hom me glan leste tardo har i rashai, kai anell leske tumaro patsepen. Ninna te meroms pash miri budi o Jesus Kristeske, hom me kanna bachtelo tumentsa khetne pral tumaro patsepen.

Kolossarja 1:24

Un kanna hom bachtelo an kol duka, hoi anom tumenge ap mande. Jaake har o Jesus Kristo anas duka ap peste i patslenge, jaake hunte anap me ninna duka ap mande i patslenge.

Hebrearja 5:7

Har o Jesus ap i phub djiwas, kras lo lauter, hoi o Dewel kamas. Doleske shunas les o Dewel. An i daar mangas o Jesus o Debles i ropah un bari goljah. Job djinas, kowa nai lell les dran o merepen win.

Jakobo 1:2

Mire phrala, te well pharo koowa ap tumende, palle dikenn koi pre, har te well kowa i bacht tumenge.

Jakobo 5:13

Te hi jekes tumendar i pharo tsiro, penell lo o Debleske, hoi leske phares hi! Te hi jek bachtelo, giwell lo o Debleske gilja!

1. Petro 4:14

Te praassenn le tumen doleske, kai patsenn tumer ap o Jesus Kristeste, nai wenn tumer bachtelo. Palle nai djinenn: O Debleskro railo Ducho hi ap tumende tchiddo.