Bičepangre 16:13 - O Debleskro Drom 2021 (Sinte)

¹³ Ap o Debleskro diwes djam mer win glan o foro pash o pani. Mer patsam, te wenn pash o pani menshe khetne, kai mangenn kote o Debles an. Koi besham men tele, un rakram kolla djuwjentsa, kai kote wan.

O Debleskro Lab 2024 (Sinte-Manouche)

¹³ Ap o Debleskro dives djam mer vin glan o foro pash o pani. Mer patsam, te venn pash o pani menshe khetne, kay mangenn kote o Debles an. Koy besham men tele, oun rakram kolla djouvyentsa, kay kote van.

Bičepangre 16:13 Iomraidhean Croise

Mateo 13:2

Un bud menshe wan kote pash leste. Doleske djas lo an i bero, un beshas pes kote. Un i tsele menshe his pash o pani tardo.

Markus 16:15

Un job penas ap lende: “Djan pash i tsele menshende ap i phub un sikrenn hakeneste miro drom!”

Louka 13:10

His i Debleskro diwes, koi his o Jesus an i biboldengri kangri un penas i menshenge o Debleskro lab.

Johanni 8:2

O wawar diwes taissarlake was job pale an o Debleskro baro kheer. Un i tsele menshe wan pash leste. Un job beshas pes tele, un penas lenge o Debleskro lab.

Bičepangre 13:14

Jon djan dran o foro Perge dureder, un wan an o foro Antiochia. Kowa hi an ko them Pisidia tchiddo. Ap ko Debleskro diwes djan jon an i biboldengri kangri, un beshan pen kote tele.

Bičepangre 13:42

Har o Paulo un o Barnabas dran i biboldengri kangri win djan, mangan i menshe lendar un penan: “Awenn pale ap o wawar Debleskro diwes, un penenn menge o Debleskro lab!”

Bičepangre 16:16

Jek diwes, har mer djam pale pash o pani, kai jon mangan o Debles an, tapram mer i rakli, an kolate his i beng, kowa das lat o durkepen. Lakro durkepah anas li lakre rajenge bud lowe dren.

Bičepangre 16:6

O Paulo un o Silas djan dureder. Un har o Debleskro Ducho gar kamas, te penan le o Debleskro lab an o them Asia, djan le an i themma Frigia un Galatia.

Bičepangre 17:2

Har pash o Pauleste kowa jaake his, djas lo pash lende dren, un penas lenge ap triin Debleskre diwessa o Debleskro lab.

Bičepangre 18:4

Hako Debleskro diwes djas job an i biboldengri kangri un sikras i menshende o Debleskro drom. Un hoi job penas, sikras i biboldende un kolende, kai kek bibolde hi, kai o Jesus hi o Kristo, ko baro rai, koles o Dewel bitchras.

Bičepangre 20:7

Ap o kurko wam mer khetne, te phagas o maro. Un o Paulo penas o Debleskro lab i menshenge. Un o wawar diwes kamas job ap o shiffo dureder te ulerell. Doleske rakras job jaake rah bis deesh-te-dujenge an i rati.

Bičepangre 21:5

Pal efta diwessa djam mer dureder. Mentsa djan i phrala pengre romjentsa un i tchawentsa dran o foro win pash o pani. Un kote djam mer ap i tchanga un mangam o Debles an.

Bičepangre 9:20

un rakras an i biboldengre kangria, un sikras len, kai o Jesus o Debleskro tchawo hi.

Galatarja 3:28

Jaake djiwah lauter o Jesuseha khetne. Kanna hi jek, koon tumer han: bibolde un kolla, kai kek bibolde hi, budepangre un raja, mursha un djuwja. An o Jesus Kristeste hi jek har o wawar.

Kolossarja 1:23

Jek koowa hunte krenn tumer: Atchenn ap o Jesuseskro drom! Patsenn soreles ap leste! Mukenn gar tele, te dikenn ap kowa, hoi tumen hi pash o Debleste! Rikrenn soreles ap leskro latcho lab, hoi tumenge penlo was! Ko lab was penlo ap i tseli phub. Ninna me, o Paulo, hunte penap ko lab i menshenge. Kowa hi miri budi.