Bičepangre 16:1 - O Debleskro Drom 2021 (Sinte)

¹ Jon wan ninna an i forja Derbe un Listra. Koi his i terno patslo mursh. Kowa kharas Timoteo. Leskri dai his i biboldetsa. Un joi his patslo. Leskro dad his kek biboldo.

O Debleskro Lab 2024 (Sinte-Manouche)

¹ Yon van ninna an i forya Derbe oun Listra. Koy his i terno patslo morsh. Kova kharas Timoteo. Leskri day his i biboldetsa. Oun yoy his patslo. Leskro dad his kek biboldo.

Bičepangre 16:1 Iomraidhean Croise

Esra 9:2

Jon lan kolengre djuwjen penge un pengre mursh tchawenge ninna. Un jaake hi mank o Debleskre menshende sawe, kai gar lendar hi. I pralstune un i tchatchepangre mursha his i erste, kai kowa kran, un peran o Deblestar tele.”

Bičepangre 14:1

An o foro Ikonion djas o Paulo un o Barnabas pale an i biboldengri kangri, un penan i menshenge o Debleskro lab jaake, kai wan bud bibolde patslo, ninna bud wawar, kai kek bibolde hi.

Bičepangre 14:21

An ko foro penan le o latcho lab o Jesus Kristestar, un bud menshe wan patslo. Palle djan jon pale an kol forja Listra, Ikonion un Antiochia,

Bičepangre 14:6

Har o Paulo un o Barnabas kowa haiwan, nashan le penge an o them Likaonia, an kol forja Listra un Derbe.

Bičepangre 17:14

Koi bitchran kol patsle o Paules sik dureder pash o baro pani. O Silas un o Timoteo atchan an o foro Berea.

Bičepangre 18:5

Har o Silas un o Timoteo dran o them Macedonia wan, tchiwas o Paulo peskri budi ap i rig, te nai penell lo i menshenge o Debleskro lab. An o Debleskro lab sikras lo i biboldende, kai o Jesus ko baro rai hi, koles o Dewel bitchras.

Bičepangre 19:22

Un job bitchras dujen, kai budran leske, o Timotes un o Erastes, an o them Macedonia. Job atchas i tsiro an o them Asia.

Remarja 16:21

O Timoteo, kai mantsa budrella, penell tumenge latche laba. Ninna o Luka, un o Jason, un o Sosipater, – kolla hi lauter bibolde har me, – jon penenn tumenge latche laba.

1. Korintarja 16:10

Te well o Timoteo pash tumende, palle len les jaake mishto pre, te well les kek traash. Un te dikell kek ap leste tele! Job budrell ninna o Debleske har me. Te well lo pale pash mande, djan i kotar drom leha! Me un i phrala, kai pash mande hi, atchah kate jaake rah, bis te was lo pash mende pale.

1. Korintarja 4:17

Me bitchrom o Timoteste pash tumende. Kowa hi miro kamlo un latcho tchawo an o patsepen. Job penell tumenge, har me ko drom djau, hoi o Jesus Kristo sikras mande, un har rakrau lestar an hake gaba un forja, kai i patsle khetne wenna.

1. Korintarja 7:14

O Dewel dikell latches ap o romeste, kones i patsli romni hi. Un o Dewel dikell latches ap i romjate, kai lat i patslo rom hi. Te wals kowa gar jaake, wans tumare tchawe har i tchawe kolendar, kai prindjrenn o Debles gar. Kowa hi gar jaake. Glan o Debleste hi le har tchawe, kolengro dad un dai, kolla dui, patslo hi.

2. Korintarja 1:1

Kau liil tchinau me, o Paulo. Me hom o Jesus Kristeskro bitchepaskro, jaake har o Dewel kowa kamell. Un me un maro phraal, o Timoteo, mer tchinah kau liil ap i patslende, kai wenn khetne an o Debleskro lab an o foro Korint. Kau liil hi ninna i tsele Debleskre tchawenge an o them Achaja.

2. Korintarja 1:19

O Debleskro tchawo, o Jesus Kristo, kolestar o Silwano, o Timoteo un me tumenge penam, job rikras ninna peskre laba. Lauter hi tchatcho, hoi job penas.

Filiparja 1:1

Mer, o Paulo un o Timoteo, tchinah kau liil. Mer budrah o Jesus Kristeske, un tchinah kau liil ap lauterende, kolen o Dewel win gole das an o foro Filipi, te patsenn le ap o Jesus Kristeste. Kau liil hi ninna i pralstunenge, kai denn garda ap i patslende, ninna kolenge, kai krenn o Debleskri budi mashkral i patslende.

Filiparja 2:19

Kamau te bitchrap o Timotes sik pash tumende, un patsau, te krell maro rai Jesus i drom, te bitchrap les. O Timoteo, te well lo pale pash mande, nai penell lo mange, har tumenge djala, te wap bachtelo pral tumende.

Kolossarja 1:1

Me, o Paulo, tchinau kau liil khetne maro phraleha, o Timoteo. O Jesus Kristo bitchras man, te penap i menshenge leskro lab. Jaake kamell kowa o Dewel. Mer tchinah kau liil ap o Debleskre tchawende an o foro Kolossa. Tumer han mare phrala un phenja an o patsepen ap o Jesus Kristeste. Latchepen un bacht tumenge! Kowa dell tumen o Dewel, maro dad, an o dji!

1. Tessalonikarja 1:1

Mer, o Paulo, o Silwano un o Timoteo, tchinah kau liil ap tumende, kol patslende, kai wenna khetne an o foro Tessalonika. Tumer patsenn ap o Debleste, maro dadeste, un ap maro rajeste, o Jesus Kristeste. Latchepen un bacht tumenge!

1. Tessalonikarja 3:2

un te djal maro phraal, o Timoteo, pash tumende. Kowa hi o Debleskro budepaskro, kai penell i menshenge o latcho lab o Jesus Kristestar. Mer bitchram les pash tumende, te krell lo tumen soreles an o dji un an tumaro patsepen,

1. Tessalonikarja 3:6

Kanna was o Timoteo pale, un penas latcho koowa pral tumaro patsepen un kamlepen. Lestar djinah, mer ham hako tsiro an tumaro dji. Un tumer kamenn men pale te dikell, jaake har kamah mer tumen pale te dikell.

2. Tessalonikarja 1:1

Mer, o Paulo, o Silwano un o Timoteo, tchinah kau liil ap tumende, kol patslende, kai wenna khetne an o foro Tessalonika. Tumer patsenn ap o Debleste, maro dadeste, un ap maro rajeste, o Jesus Kristeste.

1. Timoteo 1:18

Miro tchawo Timoteo, kowa penau tuke, te rikress tu kowa an tiro dji. Ma biste kol laba, hoi glan i tsiro pral tute glan-wi penlo wan! Kolla laba denn tut i soor, te mukess gar tele te krell o Debleskri budi, jaake har i latcho kurepaskro gar pre dell an o kurepen.

1. Timoteo 1:2

Me tchinau kau liil ap tute, Timoteo. Tu hal mange har miro tchawo an o patsepen. Latchepen, kamlepen un bacht tuke! Kowa dell tut o Dewel, maro dad, un o Jesus Kristo, maro rai, an o dji!

2. Timoteo 1:2

Me tchinau ap tute, Timoteo. Tu hal miro latcho tchawo an o patsepen. Latchepen, kamlepen un bacht tuke! Kowa dell tut o Dewel, maro dad, un o Jesus Kristo, maro rai, an o dji!

2. Timoteo 1:5

Dikom tiro patsepen, an koleste kek chochepen hi. Kau patsepen his ninna an tiri mamjate Lois, un an tiri date Eunike. Un me djinau, kai djiwell kau patsepen ninna an tute.

2. Timoteo 3:11

Tu djineh, har lan le man palla an i forja Antiochia, Ikonion un Listra. Un tu djineh, hawe duka jon mange kran. Un kowa lauter rikrom win. Un dran lauter kowa las man o rai Jesus win.

Filemon 1:1

Me, o Paulo, kai stildo hom o Jesus Kristeske, un maro phraal, o Timoteo, mer tchinah kau liil ap tute, Filemon! Tu hal maro kamlo phraal un kreh mentsa khetne o Debleskri budi.

Hebrearja 13:23

Djinenn, maro phraal Timoteo was dran o stilepen win. Te well lo sik pash mande, wau leha pash tumende.