Bičepangre 15:9 - O Debleskro Drom 2021 (Sinte)

⁹ Leske hi jon gar wawartchandes har mer, i bibolde. Jon te patsenn ap leste, palle krell lo lengro dji djudjo.

O Debleskro Lab 2024 (Sinte-Manouche)

⁹ Leske hi yon gar vavarčandes har mer, i bibolde. Yon te patsenn ap leste, palle krell lo lengro dji djoudjo.

Bičepangre 15:9 Iomraidhean Croise

Debleskri gili 51:10

Muk man pale bacht te haiwell! Tu phagal man, kanna muk man pale te stell!

Ezekiel 47:22

Kau them hi tumare familjenge, un well o dadestar ap o tchaweste dureder dino. Te witsrenn tumer kashta, hoi sikrenn, koon hawo kotar them lella, palle bistrenn gar kol wi-themarjen, kai mank tumende djiwenn, un kolenge pash tumende tchawe boldo wan! Jon hunte wenn tumenge har jek fun tumendar Israelitarja. Un khetne tumentsa lenn le pengro kotar them, un kowa atchell an lengre familje.

Bičepangre 10:15

Un job shunas i duito kopo, har jek leha rakras un penas: “Ma kre pale-tchiddo, hoi o Dewel erligo kras!”

Bičepangre 10:28

Un o Petro penas ap lende: “Tumer djinenna, te hi kowa i biboldeske pale-tchiddo, te djal lo an o kheer dren, hoi gar i biboldeskro hi. Un kek wi-themari well pash i biboldeste an o kheer dren. Mande sikras o Dewel, te rikrap kekes pale-tchiddo.

Bičepangre 10:34

Un o Petro penas: “Kanna haiwau me tchatchepah: O Dewel dikell gar koi pre, hawe menshendar jek wella: te well lo i biboldendar, – te well lo kolendar, kai kek bibolde hi. Job dikell latches ap hakeneste, kai mangell les an, un kai krell o tchatchepen.

Bičepangre 11:12

Un o Debleskro Ducho penas ap mande: Pats, hoi jon tuke penenna! Dja lentsa! Un me djom shob phralentsa an o kheer ko murshestar, kai kol triin murshen pash mande bitchras.

Bičepangre 14:1

An o foro Ikonion djas o Paulo un o Barnabas pale an i biboldengri kangri, un penan i menshenge o Debleskro lab jaake, kai wan bud bibolde patslo, ninna bud wawar, kai kek bibolde hi.

Bičepangre 14:27

Un o Paulo un o Barnabas wan kanna pale pale an kau foro. Kote dan le i patslen khetne gole, un penan lenge, kai o Dewel lentsa his, un har bud koowa job kras, un har job ninna kolen, kai kek bibolde hi, pash peste gole das, un jon ap leskro drom wan.

Remarja 3:9

Hoi hi kanna? Hi i bibolde feteder glan o Debleste tardo har kolla, kai kek bibolde hi? Na-a, jaake har penom: I bibolde, har kolla, kai kek bibolde hi, halauter kran tchilatcho koowa.

Remarja 9:24

Un mank kolende ham mer. Dran i tsele menshende rodas lo men win, gar dran i bibolde kokres.

1. Korintarja 1:2

ap i patslende, kai wenn khetne an o Debleskro lab an o foro Korint. Kolen rodas o Dewel win, te wenn le leskre tchawe, un te djiwenn o Jesus Kristeha khetne. Kau liil hi ninna kol tsele wawarenge, kai o Jesus Kristes an hake gaba un forja an-mangenna. Job hi lengro un maro rai.

1. Korintarja 7:18

Te was jek ap o mass tchinlo pal i biboldengro tchatchepen, atchell lo pashel. Te was jek gar ap o mass tchinlo, mukell pes job gar te tchinell.

Galatarja 3:28

Jaake djiwah lauter o Jesuseha khetne. Kanna hi jek, koon tumer han: bibolde un kolla, kai kek bibolde hi, budepangre un raja, mursha un djuwja. An o Jesus Kristeste hi jek har o wawar.

Galatarja 5:6

O Jesus Kristeske molell tchi, te hi i mursh ap o mass tchinlo, witar gar, te hi lo gar tchinlo. Kowa, hoi hi budeder moldo har lauter, hi o patsepen. Ko patsepen dikah mer ap o kamlepen, kai jekes hi i wawareske.

Efesarja 3:6

Job sikras len, te nai wenn ninna kolla o Debleskre tchawe, kai kek bibolde hi, te djiwenn le leha khetne. O latcho lab o Jesus Kristestar hi ninna lenge, jaake har o Dewel glan i rah tsiro penas.

Kolossarja 3:11

Kote, kai o Dewel i menshen newes kras, kote hi jek jaake bud moldo har o wawar: I bibolde un kolla, kai kek bibolde hi; kolla, kai ap o mass tchinlo hi un kolla, kai gar ap o mass tchinlo hi; wi-themarja un diwje; raja un budepangre. O Jesus Kristo djiwell an hakeneste mendar.

1. Petro 1:22

Tumer shunan ap o tchatcho lab, un tchiwan o tchilatchepen dran tumaro djipen krik. Kanna nai kamenn tumen tchatchepah har phrala un phenja. Mukenn gar tele, te kamenn tumen o tselo djijestar!