Bičepangre 15:5 - O Debleskro Drom 2021 (Sinte)

⁵ His Farisarja koi, kai ap o Jesuseste patslo wan. Kolla penan ap i phralende: “Kolla, kai kek bibolde hi, hunte wenn ap o mass tchinlo, un lenge hunte well penlo, te rikrenn le pen ap o Moseskre laba.”

O Debleskro Lab 2024 (Sinte-Manouche)

⁵ His Farisarya koy, kay ap o Yezouseste patslo van. Kolla penan ap i phralende: “Kolla, kay kek bibolde hi, hounte venn ap o mass činlo, oun lenge hounte vell penlo, te rikrenn le pen ap o Moseskre laba.”

Bičepangre 15:5 Iomraidhean Croise

Mateo 3:7

Ninna bud Farisarja un Sadduzarja wan pash leste, te mukenn le pen lestar te taufrell. Har job kolen dikas, penas lo ap lende: “Tumer tchilatche sapa! Tumer nai nashenn gar krik glan o Debleskri choli, hoi wella pral i menshende.

Bičepangre 15:1

Koi wan mursha dran o them Judea an o foro Antiochia tele, un penan kol patslenge, kai kek bibolde hi: “Tumer hunte mukenn tumen ap o mass te tchinell, har o Mose kowa an peskre lila tchinas. Te mukenn tumen gar ap o mass te tchinell, palle nai wenn tumer gar o Debleskre tchawe.”

Bičepangre 15:24

Mer shunam, te wan menshe mendar pash tumende, un kran tumen dineles, jaake te lan tumer traash. Djinenn, kolen bitchram mer gar pash tumende.

Bičepangre 21:20

Har jon kowa shunan, sharan le o Debles, un penan ap o Pauleste: Miro phraal, tu dikeh har bud serja bibolde patslo wan, un lauter rikrenn pen pengri tseli sorjah ap kowa, hoi o Mose an peskre lila penas.

Bičepangre 24:14

Kawa penau tuke: Hi tchatcho, kai me djau ap ko newo drom, hoi hi kolenge i chocheno drom. Ap kau newo drom mangau me ko Debles an, koles ninna mire phure an-mangan. Un me patsau halauter, hoi o Mose un o Debleskre rakepangre an pengre lila tchinan.

Bičepangre 24:5

Mer djinah, kai kau mursh tchilatcho hi, un kai job tchingepen krella mashkral kol tsele biboldende, kai ap i tseli phub djiwenna. Job hi i pralstuno rakepaskro kolendar, kai patsenna ap o Jesus dran Nazaret.

Bičepangre 28:22

Mer kamah tutar te shunell, hoi tu peneh menge. Mer djinah, te rakrenn le djungeles pral kau newo drom, hoi tu sikreh.”

Bičepangre 5:17

Ko baro rashai un kol Sadduzarja, kai pash leste his, kolla silweran ap o Jesuseskre bitchepangre,

1. Korintarja 7:18

Te was jek ap o mass tchinlo pal i biboldengro tchatchepen, atchell lo pashel. Te was jek gar ap o mass tchinlo, mukell pes job gar te tchinell.

Galatarja 2:11

An ko tsiro, har o Kefas an o foro Antiochia his, chas job kol patslentsa, kai kek bibolde hi. Koi wan patsle bibolde koi pashel dran o Jakobeskri kangri. Kolla rikran pen ap o Moseskre laba un chan gar kolentsa, kai kek bibolde hi. Un o Kefas trashas lendar, un tserdas pes pale, un kamas buder gar kol patslentsa khetne te well, kai kek bibolde hi. Koi penom me leske an o mui, kai kowa gar mishto hi, hoi job kras.

Galatarja 2:14

Har me dikom, kai jon gar ap o tchatcho drom djan, jaake har o Jesus les mende sikras, koi penom me ap o Kefaseste glan hakeneste: Ninna te hal i biboldo, djiweh tu gar har i biboldo. Hoske kameh i sorjah, te djiwenn kol patsle, kai kek bibolde hi, har i bibolde?