Bičepangre 15:3 - O Debleskro Drom 2021 (Sinte)

³ Un i phrala penan ap o Pauleste un ap o Barnabeste: “Djan o Debleha!” Un kol dui kran pen ap o drom un wan an i themma Fenicia un Samaria. Un kote penan le i menshenge, har kolla, kai kek bibolde hi, patslo wan. Koi pral wan i tsele patsle bachtelo.

O Debleskro Lab 2024 (Sinte-Manouche)

³ Oun i phrala penan ap o Pauleste oun ap o Barnabeste: “Djan o Debleha!” Oun kol douy kran pen ap o drom oun van an i themma Fenicia oun Samaria. Oun kote penan le i menshenge, har kolla, kay kek bibolde hi, patslo van. Koy pral van i tsele patsle barhtelo.

Bičepangre 15:3 Iomraidhean Croise

Louka 15:32

Mer hunte was bachtelo. Tiro phraal his mulo un was djido. Job his nashedo un hatsas pale khere.

Bičepangre 1:15

An kolla diwessa wan bud patsle khetne, sheel-te-biish menshe. Mashkral lende stas o Petro pre un penas:

Bičepangre 13:48

Har kolla, kai hi kek bibolde, kowa shunan, wan le bachtelo, un sharan o Debleskro lab. Un lauter kolla wan patslo, kai o Deblestar win rodedo wan, te lenn jon ko djipen, hoi gar pre-herella.

Bičepangre 13:52

Un kolla, kai wan patslo, wan pherdo Debleskro Ducho, un lengro dji his bachtelo.

Bičepangre 14:27

Un o Paulo un o Barnabas wan kanna pale pale an kau foro. Kote dan le i patslen khetne gole, un penan lenge, kai o Dewel lentsa his, un har bud koowa job kras, un har job ninna kolen, kai kek bibolde hi, pash peste gole das, un jon ap leskro drom wan.

Bičepangre 15:1

Koi wan mursha dran o them Judea an o foro Antiochia tele, un penan kol patslenge, kai kek bibolde hi: “Tumer hunte mukenn tumen ap o mass te tchinell, har o Mose kowa an peskre lila tchinas. Te mukenn tumen gar ap o mass te tchinell, palle nai wenn tumer gar o Debleskre tchawe.”

Bičepangre 15:12

Koi tchingran kol tsele menshe buder gar lentsa, un shunan ap o Pauleste un o Barnabeste, har kolla lenge penan, hawo baro un sorelo koowa o Dewel mashkral kolende kras, kai kek bibolde hi.

Bičepangre 15:22

O Jesuseskre bitchepangre un i phureder mank i patslende, khetne i tsele patslentsa rodan murshen mashkral i patslende win, te djan jon o Pauleha un o Barnabeha an o foro Antiochia. Kol mursha his o Judas, koles his ninna ko lab Barsabas, un o Silas. Kolla his pralstune mursha mashkral kol patslende.

Bičepangre 15:32

O Judas un o Silas his o Debleskre rakepangre. Jon rakran kol patslentsa, un mangan len, te atchenn le an o patsepen. Un lengre labentsa dan jon len soor, te djan jon dureder ap o Jesuseskro drom.

Bičepangre 15:4

Palle was o Paulo un o Barnabas pash i patslende an o foro Jerusalem. Un i phureder un o Jesuseskre bitchepangre his ninna kote, un lan len o djijestar pash pende pre. Un o Paulo un o Barnabas penan lenge, kai o Dewel lentsa his, un har bud koowa job mashkral kolende kras, hoi kek bibolde hi.

Bičepangre 17:15

Kolla, kai djan o Pauleha, anan les an o foro Athen. Glan kowa, har jon khere djan penas o Paulo lenge, te penenn le ap o Silaseste un ap o Timoteste, te wenn jon jaake sik har djala pash leste.

Bičepangre 20:38

Ko lab, hoi o Paulo penas, te dikenn le les buder gar pale, kras len bare duka an o dji. Palle djan le leha pash o shiffo.

Bičepangre 21:5

Pal efta diwessa djam mer dureder. Mentsa djan i phrala pengre romjentsa un i tchawentsa dran o foro win pash o pani. Un kote djam mer ap i tchanga un mangam o Debles an.

Bičepangre 28:15

Un har kol patsle an o foro Rom shunan, te wah mer, djan le dran o foro win, te tapran le men mashkral i forja Forum Appii un Tres-Tabernae. Har o Paulo len dikas, parkras lo pes pash o Debleste, un las newi soor.

Bičepangre 8:14

Un kol Jesuseskre bitchepangre an o foro Jerusalem shunan, kai kol menshe an o them Samaria patslo wan. Un jon bitchran o Petres un o Johannes pash lende.

Remarja 15:24

Ap miro drom an o them Spania, kamoms te dikap tumen, un te atchap i tikno tsiro pash tumende. Te hom tumentsa khetne, lau newi soor. Palle djau dureder, un tumer nai denn man lauter, hoi man hunte well ap o drom.

1. Korintarja 16:6

Kamau i tsiro pash tumende te atchell. Te djala, ninna pral o wend. Te djau me dureder, palle wals shukar, te wenn tumer mantsa i tikno kotar drom.

2. Korintarja 1:16

Ap miro drom an o them Macedonia kamom pash tumende te well. Un ninna te djau pale, kamom pash tumende te well. Palle nai dans tumer man kowa, hoi man hunte well djipaske ap o drom an o them Judea.

Tito 3:13

O Zenas, ko tchatchepaskro, un o Apollo, kolen de lauter djipaske, te djan le ap o drom dureder!