Bičepangre 15:10 - O Debleskro Drom 2021 (Sinte)

¹⁰ Kamenn tumer, te well o Dewel chojedo ap tumende? Ma tchiwenn pharo koowa ap lende, kai nai hidjran mare phure gar, un mer witar gar!

O Debleskro Lab 2024 (Sinte-Manouche)

¹⁰ Kamenn t'mer, te vell o Devel rhoyedo ap t'mende? Ma čivenn pharo koova ap lende, kay nay hidjran mare phoure gar, oun mer vitar gar!

Bičepangre 15:10 Iomraidhean Croise

2. Mose 17:2

Un jon tchingran ap o Moseste un penan: “De men pani te pijell!” Un o Mose penas: “Hoske tchingrenn tumer ap mande? Hoske patsenn gar, te hi o baro Dewel pash mende un dell men kowa, hoi men hunte wals?”

Jesaja 7:12

O Ahas penas: “Me kamau gar te mangap o baro Deblestar, te krell lo tchomone, te sikrell lo, kai lo ap mari rig hi.”

Mateo 23:4

Un jon krenn i menshenge o djipen pharo. Ko tselo koowa, hoi kolla hunte rikrenn, hi har i pharo gono ap lengri phik. I tchatchepangre un i Farisarja kokres rikrenn pen gar ap kowa.

Mateo 4:7

Penas o Jesus: “Ninna hi an o Debleskro lab tchinlo: Rike o Debles gar dineleske, te sikrell lo tut har sorelo job hi.”

Bičepangre 5:9

O Petro penas ap late: “Hoske kran tumer kowa win, un chochran o Debles? Kol mursha, kai paskran tiro romes, hi glan o wudar tardo, un hidjrenn ninna tut win.”

Galatarja 4:9

Kanna prindjrenn tumer o Debles. Feteder hi, te penau me: O Dewel prindjrell tumen. Har nai tchiwenn tumer tumen pale tel kol sorja, ap kolende i menshe pandlo hi? Tumer shunenn pale ap laba, hoi tchi moldo hi, un an lende kek soor hi.

Galatarja 5:1

O Jesus Kristo las men win dran hako koowa, ap kowa pandlo hams. Atchenn soreles un mukenn tumen buder gar te pandell!

Hebrearja 3:9

Ninna te dikan le star-deesh bersha, hoi me, o Dewel, lenge krom, patsan le man gar, un mire laba his lenge tchi moldo.

Hebrearja 9:9

I glanstuni isema sikrell mende ko tsiro, an hoi mer kanna djiwah. I menshe anenn viechen, un wawar koowa o Debleske. Kowa lauter nai krell lengro dji gar djudjo. An lengro dji haiwenn le, te hi le gomme tchilatcho.