Bičepangre 14:23 - O Debleskro Drom 2021 (Sinte)

²³ Un an hake gaba un forja, kai i patsle khetne wan, rodas o Paulo un o Barnabas phralen win, te wenn le phureder mank i patslende. Un o Paulo un o Barnabas lan penge i tsiro, kai chan le tchi o Debleske, un mangan o Debles lauterenge, kai ap leste patslo wan, te dell lo ap lende jak.

O Debleskro Lab 2024 (Sinte-Manouche)

²³ Oun an hake gaba oun forya, kay i patsle khetne van, rodas o Paulo oun o Barnabas phralen vin, te venn le phoureder mank i patslende. Oun o Paulo oun o Barnabas lan penge i tsiro, kay rhan le či o Debleske, oun mangan o Debles lauterenge, kay ap leste patslo van, te dell lo ap lende yak.

Bičepangre 14:23 Iomraidhean Croise

Markus 3:14

Job rodas deesh-te-dujen lendar win, te wenn le leskre bitchepangre. “Me rodom tumen win, te atchenn pash mande,” penas lo. “Me bitchrau tumen pash i menshende, te penenn lenge o Debleskro lab.

Louka 2:37

Palle meras lakro rom. Un kanna his li ochta-deesh-te-star bersha phuro. Un joi his o tselo diwes un i tseli rati an o Debleskro baro kheer, te mangell li o Debles an. Un bud kope chas un pijas li tchi o Debleske.

Louka 23:46

Un o Jesus das bari gole: “Miro dad, an tire wasta tchiwau me miro djipen!” Un palle meras lo.

Bičepangre 1:22

ko tsirestar, kai mukas job pes o Johannestar te taufrell, bis ap ko diwes, kai was lo mendar an o bolepen lino. Kau mursh hunte penell mentsa khetne i menshenge, kai o Jesus i mulendar pre stas.

Bičepangre 1:24

Palle mangan jon o Debles un penan: “Rai, tu prindjreh i tsele menshengre djia. Sike mende, kones tu kol dujendar win rodal,

Bičepangre 11:30

Un jon dan o Barnabes un o Saules kol lowe, te denn jon kol lowe kolende, kai hi i phureder mank i patslende an o them Judea.

Bičepangre 14:26

Kote djan le ap o shiffo, un wan an o foro Antiochia. Kowa his kau foro, kai bitchran i patsle o Paules un o Barnabes an wawar forja, te penan jon kote o latcho lab o Jesus Kristestar, un jon mangan o Debles, te djal lo lentsa. Kai budi his kanna kerdo.

Bičepangre 15:23

An ko liil, hoi jon peha lan, his tchinlo: “Kau liil tchinan o Jesuseskre bitchepangre un i phureder mank i patslende. Mer ham tumare phrala un tchinah kau liil ap i patslende, kai kek bibolde hi, un kai djiwenna an kol themma Antiochia, Syria un Cilicia.

Bičepangre 15:4

Palle was o Paulo un o Barnabas pash i patslende an o foro Jerusalem. Un i phureder un o Jesuseskre bitchepangre his ninna kote, un lan len o djijestar pash pende pre. Un o Paulo un o Barnabas penan lenge, kai o Dewel lentsa his, un har bud koowa job mashkral kolende kras, hoi kek bibolde hi.

Bičepangre 15:6

Un i Jesuseskre bitchepangre un i phureder mank i patslende wan khetne, te rakrenn le pral ko koowa.

Bičepangre 20:17

Har hams an o foro Milet, bitchras o Paulo jek phrales an o foro Efesus, un mukas kol phureden mank i patslende gole te dell, te wenn le pash leste.

Bičepangre 20:32

Me tchiwau tumen kanna an o Debleskro wast, te dell job jak ap tumende. Atchenn pash o Debleste un pash leskro lab! Leskro lab sikrell tumende o Debleskro latchepen. Les hi i soor, te krell lo tumen soreles an o patsepen. Un o Dewel dell tumen jek brawlepen an o bolepen. Kowa hi o djipen, hoi gar pre-herella. Kowa dell job lauterende, kai leskre tchawe hi.

2. Korintarja 8:19

Un kowa hi gar lauter! I patsle rodan les win, te djal lo mentsa khetne ap maro drom pash kol patslende, kolen mer kol lowe anah. Kowa krah, te well o Dewel sharedo, un te dikenn kol patsle kote maro kamlepen, hoi men lenge hi.

1. Timoteo 5:1

Ma tchinge ap i phureste! Tu te peneh o phuro mursheske, kai kowa gar mishto hi, hoi job kras, palle rake leha, har te wals job tiro dad! Un i terne murshentsa rake, har te wans le tire phrala!

1. Timoteo 5:22

Ma tchip sik tire wasta ap jekeste pre! De jak, te well i doosh i wawarestar gar ap tute! Rike tiro dji djudjo!

2. Timoteo 1:12

Doleske hunte lap kawa lauter ap mande kate an o stilepen, un me ladjau gar. Me djinau, ap koneste patsaua. Un me djinau, kai o Jesus Kristo rikrell peskre wasta pral kowa, hoi job an miro wast das, bis te job pale wella.

2. Timoteo 2:2

Tu hals pashel, har penom bud menshen o Debleskro lab. Kowa, hoi shunal mandar, sike kanna wawar patslen, kai krenn, hoi tu lenge peneh, un kolendar tu djineh, te haiwenn le mishto o Debleskro lab te penell!

Tito 1:5

Me mukom tut an o them Kreta pale, te kress tu kowa, hoi me buder gar krom, un te rodess tu phureden win mashkral i patslende an hako foro, te rikrenn le i patslen ap o tchatcho drom. Te kreh tu kowa, ma biste, hoi me tuke penom!

Jakobo 5:14

Te hi jek tumendar nasselo, kharell lo kolen, kai hi i phureder mank i patslende, te mangenn le o Debles leske, un te makenn le les o djeteha dren an o Jesuseskro lab.

1. Petro 5:1

Kanna rakrau ap kolende, kai hi i phureder mank tumende. Me hom ninna i phureder, un dikom mire jakentsa, har o Jesus Kristo ap o trushel meras. Un ap ko diwes, kai well peskro tselo railepen diklo, hom me ninna pash leste. Tumenge penau soreles:

1. Petro 5:10

I tikno tsiro well pharo koowa ap tumende. An kau tsiro lenn tumer i soor, te atchenn ap o Debleskro drom. O Dewel, kolestar well o tselo latchepen, job das tumen gole, te djiwenn hako tsiro khetne o Jesus Kristeha un lenn leskro railepen. Job dell tumen ninna i soor, te atchenn soreles an o patsepen un an o djipen.

2. Johanni 1:1

Me, i phureder, tchinau ap koi rajetsa, kolat o Dewel peske win rodas, un ap lakre tchawende. Me kamau tumen o tselo djijestar, un gar me kokres, ninna kol wawar, kai prindjrenn o tchatchepen, kamenn tumen o djijestar.

3. Johanni 1:1

Me, i phureder mank i patslende, tchinau tuke, latcho Gajo, kau liil. Me kamau tut o tselo djijestar.