Bičepangre 14:21 - O Debleskro Drom 2021 (Sinte)

²¹ An ko foro penan le o latcho lab o Jesus Kristestar, un bud menshe wan patslo. Palle djan jon pale an kol forja Listra, Ikonion un Antiochia,

O Debleskro Lab 2024 (Sinte-Manouche)

²¹ An ko foro penan le o lačo lab o Yezous Kristestar, oun boud menshe van patslo. Palle djan yon pale an kol forya Listra, Ikonion oun Antiochia,

Bičepangre 14:21 Iomraidhean Croise

Mateo 28:19

Doleske djan pash i menshende an hake themma, un penenn lenge mire laba, te patsenn le ap mande! Taufrenn len ap o lab o dadestar, o tchawestar un o Debleskro Ducho!

Bičepangre 13:14

Jon djan dran o foro Perge dureder, un wan an o foro Antiochia. Kowa hi an ko them Pisidia tchiddo. Ap ko Debleskro diwes djan jon an i biboldengri kangri, un beshan pen kote tele.

Bičepangre 13:51

Un o Paulo un o Barnabas dan koi tchik pengre pirendar tele, te djinan kolla an ko foro, hawo djungelo koowa jon kran. Un pal kowa djan o Paulo un o Barnabas an o foro Ikonion.

Bičepangre 14:1

An o foro Ikonion djas o Paulo un o Barnabas pale an i biboldengri kangri, un penan i menshenge o Debleskro lab jaake, kai wan bud bibolde patslo, ninna bud wawar, kai kek bibolde hi.

Bičepangre 14:15

“Murshale, hoi krenn tumer kote? Mer ham menshe har tumer, un penah tumenge o latcho lab o djido Deblestar. Job kamell, te wenn tumer ap leskro drom, un mangenn buder gar kol chochene deblen dran kasht un bar an. Job hi ko Dewel, kai kras o bolepen un i phub, un o baro pani, un lauter, hoi djiwella.

Bičepangre 14:19

Koi wan bibolde dran i forja Antiochia un Ikonion an kau foro. Kolla lan bud menshen ap pengri rig, lan barra, witsran i barrentsa ap o Pauleste, tserdan les dran o foro win, un dikan ap leste, un penan: “Kowa hi mulo.”

Bičepangre 14:26

Kote djan le ap o shiffo, un wan an o foro Antiochia. Kowa his kau foro, kai bitchran i patsle o Paules un o Barnabes an wawar forja, te penan jon kote o latcho lab o Jesus Kristestar, un jon mangan o Debles, te djal lo lentsa. Kai budi his kanna kerdo.

Bičepangre 14:6

Har o Paulo un o Barnabas kowa haiwan, nashan le penge an o them Likaonia, an kol forja Listra un Derbe.

Bičepangre 14:7

Un jon penan i menshenge an ko them o latcho lab o Jesus Kristestar.

Bičepangre 14:8

An o foro Listra his i mursh beshdo. Koles his nassele pire, un nai nashas gar jaake rah har job djiwas.

Bičepangre 15:36

Pal jek tsiro penas o Paulo ap o Barnabeste: “Djas pale pale an kol tsele forja, kai mer o Debleskro lab i menshenge penam! Dikas pal mare phralende an i wawar themma, har lenge djala!”

Bičepangre 16:2

O Timoteo his i mursh, pral koleste rakran i patsle mishto an i forja Listra un Ikonion.

Bičepangre 2:47

Jon sharan o Debles, un i tsele menshe dikan latches ap lende. Un hako diwes wan wawar menshe koi pashel, hoi patslo wan.

2. Timoteo 3:11

Tu djineh, har lan le man palla an i forja Antiochia, Ikonion un Listra. Un tu djineh, hawe duka jon mange kran. Un kowa lauter rikrom win. Un dran lauter kowa las man o rai Jesus win.