Bičepangre 14:1 - O Debleskro Drom 2021 (Sinte)

¹ An o foro Ikonion djas o Paulo un o Barnabas pale an i biboldengri kangri, un penan i menshenge o Debleskro lab jaake, kai wan bud bibolde patslo, ninna bud wawar, kai kek bibolde hi.

O Debleskro Lab 2024 (Sinte-Manouche)

¹ An o foro Ikonion djas o Paulo oun o Barnabas pale an i biboldengri kangri, oun penan i menshenge o Debleskro lab yaake, kay van boud bibolde patslo, ninna boud vavar, kay kek bibolde hi.

Bičepangre 14:1 Iomraidhean Croise

Johanni 12:20

Mashkral i biboldende, kai wan an o foro Jerusalem, te mangenn le o Debles an ap o festo Passa, his ninna menshe dran o grichtikro them.

Johanni 7:35

“Kai kamell job te djal, kai hatsah mer les gar?” putchas jek i wawarestar. “Kamell job pash kol biboldende te djal, kai djiwenn an o grichtikro them, te penell lo kote i menshenge o Debleskro lab?

Bičepangre 11:21

Un o rajeskri soor his lentsa. Un bud kolendar, kai kek bibolde hi, wan patslo, un wan ap o Jesuseskro drom.

Bičepangre 13:43

Un har i menshe dran i biboldengri kangri win djan, nashan bud lendar o Pauleske un o Barnabeske palla. Kolla his bibolde un sawe, kai lan i biboldengro patsepen an. Un o Paulo un o Barnabas rakran budeder lentsa un penan lenge: “Rikrenn ap ko patsepen, kai o Dewel i doosh kolendar krik lella, kai patsenn ap leskro tchaweste.”

Bičepangre 13:46

O Paules un o Barnabes his kek traash lendar, un penan lenge: “Tumenge hunte was o Debleskro lab glan kol tsele wawar menshende penlo. Har kamenn tumer kanna tchi kolestar te djinell, sikrenn tumer, te han gar moldo, te lenn ko djipen, hoi gar pre-herella. Doleske djah mer kanna pash kolende, kai hi kek bibolde.

Bičepangre 13:5

Un har jon an ko foro Salamis wan, penan le o Debleskro lab kote an i biboldengre kangria. Un o Johanni Marko budras lentsa.

Bičepangre 13:51

Un o Paulo un o Barnabas dan koi tchik pengre pirendar tele, te djinan kolla an ko foro, hawo djungelo koowa jon kran. Un pal kowa djan o Paulo un o Barnabas an o foro Ikonion.

Bičepangre 14:19

Koi wan bibolde dran i forja Antiochia un Ikonion an kau foro. Kolla lan bud menshen ap pengri rig, lan barra, witsran i barrentsa ap o Pauleste, tserdan les dran o foro win, un dikan ap leste, un penan: “Kowa hi mulo.”

Bičepangre 14:2

Kol bibolde, kai wan gar patslo, penan, te wals kowa gar tchatcho, hoi o Paulo penas, un kran, te wan kolla, kai kek bibolde hi, chojedo ap i patslende.

Bičepangre 14:21

An ko foro penan le o latcho lab o Jesus Kristestar, un bud menshe wan patslo. Palle djan jon pale an kol forja Listra, Ikonion un Antiochia,

Bičepangre 16:1

Jon wan ninna an i forja Derbe un Listra. Koi his i terno patslo mursh. Kowa kharas Timoteo. Leskri dai his i biboldetsa. Un joi his patslo. Leskro dad his kek biboldo.

Bičepangre 16:2

O Timoteo his i mursh, pral koleste rakran i patsle mishto an i forja Listra un Ikonion.

Bičepangre 17:12

Bud lendar wan patslo, ninna bud brawele griche, djuwja har mursha.

Bičepangre 17:17

Job rakras an i biboldengri kangri ap i biboldende, un ninna ap kol grichende, kai lan o biboldengro patsepen an. Un hako diwes rakras lo mashkral an o foro ap kol menshende, kai job kote dikas.

Bičepangre 17:4

Mank i biboldende his sawe, kai patsan kowa, hoi o Paulo lenge penas. Un jon rikran pen ap i rig o Paulestar un o Silasestar. Ninna bud, bud griche, kai lan o biboldengro patsepen an, patsan kowa, hoi o Paulo penas. Mank lende his ninna bud an-dikle djuwja.

Bičepangre 18:4

Hako Debleskro diwes djas job an i biboldengri kangri un sikras i menshende o Debleskro drom. Un hoi job penas, sikras i biboldende un kolende, kai kek bibolde hi, kai o Jesus hi o Kristo, ko baro rai, koles o Dewel bitchras.

Bičepangre 18:8

O Krispo, ko pralstuno pral i biboldengri kangri, was peskre tsele menshentsa patslo ap o rajeste, o Jesuseste. Ninna bud menshe an o foro Korint wan patslo un mukan pen te taufrell.

Bičepangre 19:10

Kowa kras job dui bersha, te shunan i bibolde un kolla, kai kek bibolde hi, an o them Asia o Debleskro lab.

Bičepangre 19:17

I menshe, kai an o foro Efesus djiwan, shunan kowa lauter. Un i bibolde, ninna kolla, kai kek bibolde hi, lan bari traash. Un ko lab o rai Jesusestar was soreles sharedo.

Bičepangre 19:8

Triin tchon atchas o Paulo kote un rakras an i biboldengri kangri. Un les his kek traash un penas i menshenge i bari sorjah, kai o Dewel o Jesus Kristes bitchras, te lell lo len dran o tchilatchepen win.

Bičepangre 2:47

Jon sharan o Debles, un i tsele menshe dikan latches ap lende. Un hako diwes wan wawar menshe koi pashel, hoi patslo wan.

Bičepangre 20:21

Me penom i biboldenge un kolenge, kai kek bibolde hi, te mukenn le pengro tchilatcho drom, un te djan le ap o Debleskro drom, un te patsenn le ap maro rajeste, o Jesuseste.

Bičepangre 21:28

un dan gole: “Murshale dran o them Israel, awenn pash mende! Kawa hi ko mursh, kai i tsele menshen ap i phub dinelo krella. Job rakrell djungeles pral i biboldende, pral o Moseskre lila, un pral o Debleskro baro kheer. Kanna anas job ninna kolen, kai kek bibolde hi, an o Debleskro baro kheer, un kras maro Debleskro baro kheer pale-tchiddo.”

Bičepangre 9:20

un rakras an i biboldengre kangria, un sikras len, kai o Jesus o Debleskro tchawo hi.

Remarja 1:16

Me ladjau gar glan i menshende, te penap lenge o latcho lab o Jesus Kristestar. An kau lab hi o Debleskri soor. Un o Debleskri soor lell kolen dran o tchilatchepen un o merepen win, kai ap ko lab patsenna, – i bibolden un kolen, kai kek bibolde hi.

Remarja 10:12

Kau lab hi i tsele menshenge: i biboldenge, ninna kolenge, kai kek bibolde hi. Len halauteren hi jek rai. Un job dell o djipen lauterende, kai les mangenna.

Galatarja 2:3

O Tito, kai kek biboldo hi, his pash mande. Un kol patslengre pralstune penan gar, kai hunte well job ap o mass tchinlo.

Galatarja 3:28

Jaake djiwah lauter o Jesuseha khetne. Kanna hi jek, koon tumer han: bibolde un kolla, kai kek bibolde hi, budepangre un raja, mursha un djuwja. An o Jesus Kristeste hi jek har o wawar.

Kolossarja 3:11

Kote, kai o Dewel i menshen newes kras, kote hi jek jaake bud moldo har o wawar: I bibolde un kolla, kai kek bibolde hi; kolla, kai ap o mass tchinlo hi un kolla, kai gar ap o mass tchinlo hi; wi-themarja un diwje; raja un budepangre. O Jesus Kristo djiwell an hakeneste mendar.

2. Timoteo 3:11

Tu djineh, har lan le man palla an i forja Antiochia, Ikonion un Listra. Un tu djineh, hawe duka jon mange kran. Un kowa lauter rikrom win. Un dran lauter kowa las man o rai Jesus win.