Bičepangre 13:39 - O Debleskro Drom 2021 (Sinte)

³⁹ Koon ap o Jesuseste patsella, koleskri doosh lell o Dewel lestar krik.

O Debleskro Lab 2024 (Sinte-Manouche)

³⁹ Koon ap o Yezouseste patsella, koleskri doosh lell o Devel lestar krik.

Bičepangre 13:39 Iomraidhean Croise

Hiob 25:4

Glan o Debleskre jaka hi kek mensho an o tchatchepen tardo. Kek mensho hi erligo glan leste.

Hiob 9:20

Ninna te waus an o tchatchepen, miro rakepen anals i phagi pral mande. Ninna te wals kek doosh ap mande, dals lo man i doosh.

Debleskri gili 143:2

De man, tiro budepaskres, kek phagi; glan tute hi kek mensho an o tchatchepen tardo.

Jesaja 53:11

Job las jaake bud daar un duka ap peste, doleske dikell job ninna i momeli, un leskro dji well tchalo. Miro budepaskro hi tardo an o tchatchepen. Un dran kowa lauter, hoi ap leste was, nai tchiwell job ninna bud menshen an o tchatchepen. Un lengri doosh lell job ap peste.

Jeremia 31:32

Kowa hi gar har kowa, hoi lengre phurentsa win krom, har lom len pash o wast un lom len dran o them Egiptia. Kol laba, hoi lende dom, te rikrenn le pen ap lende, phagan le, ninna te hom me lenge i latcho rai.

Habakuk 2:4

Kawa hi, hoi hunte tchiness pre: Kones i pre-phurdo un i chocheno dji hi, kowa nashrell peskro djipen. Koon an o tchatchepen tardo hi, kowa djiwell dran peskro patsepen ap mande.

Louka 10:25

His i diwes, koi was i biboldengro tchatchepaskro pash o Jesuseste. Un kowa putchas lestar tchomone, te djinell lo, har gosewo o Jesus hi. Un job putchas lestar: “Sikepaskro, hoi hunte krap me, te lap o djipen, hoi gar pre-herella?”

Louka 10:28

Penas o Jesus leske: “Tiro hi tchatcho. Kre lauter jaake, un tu djiweh!”

Louka 18:14

Un o Jesus penas: “Me penau tumenge: O Dewel dikas ap kaleste, un his leske latcho un gar ko wawareske. Kowa, kai pes bares krella, koles sharell o Dewel gar. Un kowa, kai pes gar bares krella, koles krell o Dewel bares.”

Johanni 1:17

O Mose das men kol laba, kai penenna, har mer djiwas. O Jesus Kristo anas menge o Debleskro latchepen un tchatchepen.

Johanni 5:24

Tchatchepah, me penau tumenge: Koon miro lab shunella, un patsell ap koleste, kai man bitchras, koles hi ko djipen, hoi gar pre-herella. Pral leste well kek phagi wi-rakedo. Job mukas ko merepen pal peste, un djas an o djipen.

Bičepangre 10:43

Kolestar rakrenn i tsele Debleskre rakepangre an pengre lila. Jon penenn, kai lell o Dewel i doosh hakenestar krik, koon ap o Jesus Kristeste patsella.”

Remarja 10:10

Koon o tselo djijestar ap leste patsella, koles tchiwell o Dewel an o tchatchepen. Un koon i menshenge penella: O Jesus hi o rai, koleste dell o Dewel o djipen, hoi gar pre-herella.

Remarja 10:4

Job bitchras o Jesus Kristes. Koon ap leste patsella, kowa hi tchatcho glan o Debleste. O Moseskre laba hi buder gar o drom pash o Debleste.

Remarja 3:19

Mer djinah: Kowa, hoi an o Moseskre laba penlo hi, hi kolenge penlo, kai lan kol laba. Kolla hi i bibolde. Jaake nai penell kek mensho, witar kek biboldo: Man hi kek doosh. Kek mensho krell o tchatchepen. Doleske hi kek mensho tchatcho glan o Debleste.

Remarja 3:20

Te kamell lo te krell, hoi o Dewel an o Moseskre laba penell, haiwell lo ninna, te nai krell lo kowa gar. Kol laba sikrenn les, te hi lo tchilatcho glan o Debleste.

Remarja 4:15

Te djinell jek gar, hoi o Dewel lestar kamella, un krell i tchilatcho koowa, nai djinell lo gar, kai kowa tchilatcho hi. Kolla, kai djinenn, hoi o Dewel lendar kamella un krenn kowa gar, pral kolende well o Debleskri choli. Jaake anenn o Moseskre laba, hoi menge penenna, hoi o Dewel mendar kamella, tchatchepah o Debleskri choli pral i menshende.

Remarja 4:24

Kowa was ninna menge tchinlo, kai patsah ap o Debleste. Kowa kras o Jesuses, maro rajes, i mulendar djido. Mer te djinas: Maro patsepen tchiwell men ninna an o tchatchepen.

Remarja 5:1

Maro patsepen ap o rajeste, o Jesus Kristeste, kras men tchatcho glan o Debleste. Un o Debleskri choli well buder gar ap mende.

Remarja 5:20

O Dewel kamas i menshende te sikrell, har baro lengri doosh hi. Doleske das lo len peskre laba. Kolla penan lenge, hoi latcho un hoi tchilatcho hi. Jaake dikan le, har bud tchilatcho koowa jon kran. Un kote, kai o tchilatchepen baro was, kote was o Debleskro latchepen gomme bareder.

Remarja 5:9

Leskro rateha kras lo men tchatcho glan o Debleste. Doleske nai djinah soreles: O Debleskri choli well buder gar ap mende. O Jesus Kristo kras lauter mishto.

Remarja 8:1

Jaake djal kek nashedo, kai djiwell o Jesus Kristeha khetne.

Remarja 8:3

O Moseskre laba nai dan ko djipen gar. I menshe nai kran kowa gar, hoi an o Moseskre lila tchinlo hi. Ko tchilatchepen, hoi an lende his, mukas len gar te krell, hoi o Dewel lendar kamas. Doleske penas o Dewel: “O tchilatchepen hunte merell.” Un job bitchras peskro tchawes, te well lo i mensho har mer, kai tchilatcho ham. Job las maro tchilatchepen ap peste un meras. Un jaake meras o tchilatchepen leha un nashras peskri soor pral mende.

Remarja 9:31

Kowa his wawartchandes pash i Israelitarja. Kolla kaman jaake te djiwell, har o Moseskre laba penenna, te wenn le tchatcho glan o Debleste. Un jon nai djiwan gar jaake, un wan gar tchatcho glan o Debleste.

1. Korintarja 6:11

Hi menshe mank tumende, kai kran sawo koowa. Kanna was tumari doosh tele thodo. Un tumer wan erligo kerdo glan o Debleste, un han tchatcho glan leskre jaka. Kowa lauter kras maro rai, o Jesus Kristo, un o Debleskro Ducho tumenge.

Galatarja 2:19

Har krom gar, hoi o Moseskre laba penenna, penan kol laba mange: Tu hunte meress. Jaake hom lenge mulo un nai djiwau kanna o Debleske. Me merom o Jesuseha ap o trushel.

Galatarja 3:8

O Debleskro lab penas glan i rah tsiro, kai o Dewel ninna kolen tchatcho krella, kai kek bibolde hi, te patsenn le ap leste. Doleske penas lo ap o Abrahameste: Kai bacht, hoi me dau tut, djal dureder ap i tsele menshende ap i phub.

Galatarja 5:3

Un pale penau me hakeneske: Kowa, kai mukell pes ap o mass te tchinell, kowa hunte krell ninna lauter, hoi o Moseskre laba penenna.

Hebrearja 10:11

Hako rashai krell hako diwes peskri budi, un marell bud kope viechen o Debleske. Kal vieche nai lenn gar i doosh i menshendar.

Hebrearja 10:4

Della kek drom, kai lell nai o grumjengro rat un o bakrengro rat i doosh i menshendar krik.

Hebrearja 7:19

O Moseskre laba nai kran i menshen gar tchatcho glan o Debleste. Doleske sikras men o Dewel i newo un feteder drom, kai anell men pash leste.