Bičepangre 13:22 - O Debleskro Drom 2021 (Sinte)

²² Palle tchiwas o Dewel o Saules ap i rig te atchell lo buder gar baro rai, un las peske o Davides, un kras les baro rai. Kolestar penas job: Me hatsom i murshes, pral leste hom bachtelo. Job hi o David, koleskro dad hi o Isai. Me rodom o Davides win, te krell lo lauter, hoi me leske penau.

O Debleskro Lab 2024 (Sinte-Manouche)

²² Palle čivas o Devel o Saules ap i rig te ačell lo bouder gar baro ray, oun las peske o Davides, oun kras les baro ray. Kolestar penas yob: Me hatsom i morshes, pral leste hom barhtelo. Yob hi o David, koleskro dad hi o Isay. Me rodom o Davides vin, te krell lo lauter, hoy me leske penau.

Bičepangre 13:22 Iomraidhean Croise

2. Samuel 2:4

Un kol mursha dran o them Juda wan, un makan o Davides dren o djeteha, te well job baro rai pral ko kheer Juda. Un har o Davideske penlo was, kai kol mursha dran o foro Jabesh an o them Gilead o Saules paskran,

2. Samuel 7:15

Miro latchepen lau gar lestar krik, har me miro latchepen o Saulestar krik lom, koles krik lom, te wess tu baro rai.

2. Samuel 7:8

Doleske hunte peness tu ap miro budepaskro o David: Jaake penell o baro Dewel, ko rai pral o bolepen un i phub: Me lom tut i bakrendar krik, kai tu pre garda dal, te wess tu rai pral mire menshende Israel.

1. Rajengro liil 15:3

Un o Abija kras ko emligo tchilatchepen, hoi leskro dad glan leste kras. Un job rikras pes gar kokres ap peskro baro Debleste, har kowa leskro papo, o David, kras.

1. Rajengro liil 15:5

O David kras, hoi glan o baro Debleskre jaka mishto his, un rikras pes peskro tselo djipen ap kol tsele laba, hoi o baro Dewel leske penas; win lino hi ko koowa, hoi kras lo ko mursheha Urija, ko Hetari.

1. Familjakro liil 10:13

O Saul meras doleske, kai job gar kras, hoi o baro Dewel leske penas, un kai job pash koi djuwjate djas, kai i mulentsa rakras, un lat putchas.

1. Familjakro liil 2:12

Un koleskro tchawo his o Obed, un koleskro tchawo his o Isai.

Debleskri gili 2:6

“Ap i berga Zion, kai mange hi, tchiwom me i baro rajes, koles me wi-rodom.”

Jeremia 33:21

jaake nai lell kek ko lab pale, hoi dom Davideske, kai mange koi his. Leske penom, te hi hako tsiro jek leskre tchawendar o baro rai pral Juda. Witar gar nai lell jek ko lab pale, hoi dom i Levitarenge, kol rashajenge, kai mange budrenn.

Jeremia 33:26

jaake tchiwau me gar mire menshen pale, kai wenna pal o David, kowa, kai mange koi his, un pal o Jakobeskre wawar tchawende. Dran o Davideskro kheer lau jekes, kai well o baro rai pral i menshende, kai wenna pal o Abraham, o Isaak un o Jakob. Me krau te well mire menshenge halauter pale mishto. Un me krau miro dji lenge pre.

Ezekiel 34:23

Un me mukau jek bakrengro lenge pre te stell, kai dell jak ap lende. Kowa well dran i familja o Davidestar, un hi har o David miro budepaskro. Job well lengro bakrengro un dell jak ap lende.

Hosea 3:5

Pal ko tsiro wenn i Israelitarja palpale pash o baro Debleste, kai lengro Dewel hi, un pash lengro baro rajeste – jekeste dran o kheer David. Un trisslepah wenn le pash o baro Debleste. Un job well lenge latches an ko tsiro, hoi wella.

Bičepangre 13:36

Un o David his an peskro djipen o Debleske koi. Un job meras un was paskedo pash peskre menshende. Un leskro mass ferdjas tel i phub.

Bičepangre 15:8

O Dewel, kai prindjrell i menshengre djia, sikras mende, kai das job ninna kolen o Debleskro Ducho, kai kek bibolde hi.

Bičepangre 7:46

Ap koleste dikas o Dewel latches. Un o David mangas lestar, te nai krell lo leske i kheer dran barra, kai i tsele Israelitarja nai mangenn les an.

1. Samuel 12:25

Tumer te atchenn ap tumaro tchilatcho drom, palle djan tumer un tumaro rai nashedo.”

1. Samuel 15:11

“Man dukella, te tchiwom me o Saules pral o Israel, te well lo lengro baro rai. Job sikras mange o dumo, un kras gar, hoi me leske penom.” Kowa dukas o Samueles an o dji, un job das i tseli rat ap o baro Debleste gole.

1. Samuel 15:23

Te shuneh tu gar ap leste, leh tu doosh ap tute, har te durkrals tu. Te kreh tu gar, hoi o Dewel tutar kamella, hi kowa jaake tchilatcho, har te mangals khereskre deblen un wawar chochene deblen an. Tu witsral o lab o baro Deblestar ap i rig. Doleske witsras lo tut ninna ap i rig, jaake te wess tu buder kek baro rai.”

1. Samuel 15:26

“Na-a”, penas o Samuel, “me djau gar tuha pale; tu witsral o baro Debleskro lab ap i rig. Un o baro Dewel witsras tut ninna ap i rig, jaake te wess tu buder kek rai pral o Israel.”

1. Samuel 15:28

Koi penas o Samuel ap leste: “Jaake har lal tu sorjah ko kotar than dran miri baja win, jaake las o baro Dewel peskre menshen Israel sorjah dran tiro wast win, te wess tu buder kek rai pral lende. Un job kras i wawares rai pral lende, jekes kai hi feteder har tu.

1. Samuel 16:1

Un o baro Dewel penas ap o Samuel: “Har rah kameh tu gomme pal o Saul te rowell, koles me pale tchiwom, te well lo buder gar o rai pral o Israel? Le kanna i tushni djet tuha, un kre tut ap o drom! Me bitchrau tut pash o Isai an o foro Betlehem. Mank leskre mursh tchawende hi kowa, koles me mange win rodom, te well job baro rai.”

1. Samuel 16:13

Kote las o Samuel o djet un tchoras les ap o Davideskro shero, glan i jaka peskre phralendar. Un o baro Debleskro ducho was pral leste ap ko diwes un atchas ap leste. Un o Samuel djas pale an Rama.

1. Samuel 28:16

Un o Samuel penas: “Hoske putcheh tu mandar, te djas o baro Dewel tutar, un job buder gar tuha hi?

1. Samuel 31:6

Jaake meras o Saul un leskre triin tchawe, un leskro hidjepaskro lurdo, un kol tsele mursha, kai pash leste his, ap ko jek diwes.