Bičepangre 13:19 - O Debleskro Drom 2021 (Sinte)

¹⁹ Palle tradas job efta natsjone dran ko them Kanaan win, un das kau them mare menshende.

O Debleskro Lab 2024 (Sinte-Manouche)

¹⁹ Palle tradas yob efta natsyone dran ko them Kanaan vin, oun das kava them mare menshende.

Bičepangre 13:19 Iomraidhean Croise

1. Mose 12:5

Job las peskri romjat Sarai peha un peskro phraleskro tchawes Lot. Job las ninna pengro tselo koowa peha, pengre viechen un pengre budepangren, kai lengre an o foro Haran wan. Un jon tserdan win un wan an ko them Kanaan.

1. Mose 17:8

Un me dau tut un tire tchawen kau them, kai tu kanna i wi-themari hal. Kau tselo them Kanaan well lengro hako tsiro. Un me hom lengro Dewel.”

1. Rajengro liil 6:1

An o starto bersh, har o Salomo o baro rai pral Israel his, an o tchon Siw, kowa hi o duito tchon an o bersh, kran pen i budepangre o Salomestar ap i budi, te krenn le o baro Debleskro kheer. Kowa his 480 (star-sheel-te-ochta-deesh) bersha pal kowa, kai i Israelitarja dran o them Egiptia djan.

Nehemia 9:24

Un i tchawe wan an ko them un lan les dren. Un tu kral len sorleder har i Kanaanitarja, kolla, kai an ko them djiwan, un dal lengre bare rajen un ninna i menshen an lengro wast, un jon nai kran lentsa, hoi jon kaman.

Debleskri gili 135:11

O Sihon, ko baro rai pral i Amorarja, un o Og, ko baro rai pral Bashan, un i tsele bare raja an o them Kanaan.

Debleskri gili 78:55

Job tradas i tsele wawar menshen glan lende win, un das lengro them peskre menshende, hakeneste kol deesh-te-dui bare familjendar das lo lengro kotar, te well ko them lengro. An i plachtene khera kol wawar menshendar mukas lo i Israelitarjen te djiwell.

Jesaja 34:17

Un job das len ko them, hakenes peskro kotar; un hakenes hi peskri platsa, kai lo khere hi, te djiwenn jon un pengre tchawe an ko them hako tsireske, jaake rah, har sawe lendar koi hi.

Bičepangre 7:45

Mare phure hidjran kau kheer lentsa, bis te anas len o Josua an o them Kanaan. Kote djiwan wawar menshe, kai o Debles gar prindjrenna. Kolen tradas o Dewel win, un das ko them mare phurende. O Debleskro tikno kheer dran viechengre balla atchas an o them Kanaan un his gomme koi, har o David o baro rai was.

5. Mose 7:1

Tumaro baro Dewel anell tumen an ko them, hoi tumaro well. Un job tradell bud menshen glan tumende win: I Hetarja un i Girgasharja un i Amorarja un i Kanaanitarja un i Perisarja un i Hiwarja un i Jebusarja. Kolla hi efta natsjone, kai hi bareder un sorleder har tumer.

Josua 14:1

Un kalla hi kol kotja them, hoi i Israelende dino wan an o them Kanaan. O rashai Eleasar un o Josua, koleskro dad o Nun his, khetne kol pralstunentsa pral i bare familjende, jon his kolla, kai dan ko them win, te lell haki familja peskro kotar them.

Josua 18:10

Un o Josua witsras kol barra glan o baro Debleste an o foro Shilo. Un jaake har i barra peran, das o Josua i Israelende dran kol efta khera pengro them, haki bari familjake peskro kotar.

Josua 19:51

Un jaake dan o rashai Eleasar un o Josua, koleskro dad o Nun his, khetne kol pralstunentsa pral kol 12 (deesh-te-dui) bare familje hakeneste peskro them, jaake har i barra sikran, hoi le witsran. Kowa was kerdo, har his le khetne glan o baro Debleste, glan o wudar leskro plachteno kherestar an o foro Shilo. Un jaake las kote hakeno peskro kotar them.

Josua 23:4

Dikenn, me dom tumen ko tselo them mank o pani Jordan un ko Baro Pani, hoi kote tchiddo hi, kai o kham tele djal. Jaake har i barra peran, dom tumare deesh-te-dui bare familjen lengro kotar them, ninna ko them, kolengre menshe gomme gar win tradedo hi.

Josua 24:11

Tumer djan pral o Jordan wergel, un wan pash o foro Jericho. Kote kuran pen i mursha dran Jericho tumentsa. Un me dom len an tumare wasta, un ninna kol wawar menshen, kai an kau them djiwan: i Amorarja, i Perisarja, i Kanaanitarja, i Hetarja, Girgasharja, i Hiwarja un i Jebusarja.

Čačepangre 11:26

Triin-sheel bersha djiwell o Israel kanna an i forja Heshbon un Aroer un an kol gaba trujel un an i forja pash o pani Arnon. Hoske lan ko them gar mendar krik an ko tselo tsiro?