Bičepangre 13:11 - O Debleskro Drom 2021 (Sinte)

¹¹ Kanna dikeh tu, har o rai Jesus tuke i phagi della. Tu weh korelo, un dikeh i tsiro o kham buder gar.” Ap jek kopo was lauter tamlo glan leskre jaka. Un job djas trujel, te nai rodell lo jekes, kai lell les pash o wast.

O Debleskro Lab 2024 (Sinte-Manouche)

¹¹ Kanna dikeh tou, har o ray Yezous touke i phagi della. Tou veh korelo, oun dikeh i tsiro o kham bouder gar.” Ap yek kopo vas lauter tamlo glan leskre yaka. Oun yob djas trouyel, te nay rodell lo yekes, kay lell les pash o vast.

Bičepangre 13:11 Iomraidhean Croise

1. Mose 19:11

Palle kran le, te wenn kol tsele mursha korelo, kai glan o kheer tardo hi. Lauter, tikne un bare, dikan buder tchi. Jaake nashte hatsan jon buder gar o wudar.

2. Rajengro liil 6:8

Ko baro rai pral Syria his an o kurepen i Israelentsa, un rakras peskre pralstune lurdentsa, hoi jon nai krenna. Un job penas: “Mer khatrah men un perah lenge koi tchorchanes an o dumo.”

Hiob 19:21

Mire mala, krenn tumare djia mange pre! Awenn mange latches! O Debleskro wast das man!

Debleskri gili 32:4

Miro Dewel, diwes un rati his tiro wast phares ap mande tchiddo, un miri djipaskri soor djas jaake peske mandar, har o senlepen peskri soor nashrella an o tato nijal.

Debleskri gili 38:2

Baro Dewel, ma tchinge ap mande an tiri choli! Ma de man i phagi an tiri choli!

2. Mose 9:3

palle dikeh tu, te well o baro Debleskro wast pral tire viechende: pral tire graja, tire burike, tire khamele, tire grumja un tire bakre un busja. Jek baro nasslepen well ap lende.

Jesaja 29:10

O baro Dewel tchiwas i sopaskro ducho ap tumende. O Debleskre rakepangre hunte wans tumare jaka, – o Dewel kras len korelo, un i dikepangre dikenn buder tchi, har te wals i diklo trul lengre jaka pandlo.

Johanni 9:39

Un o Jesus penas: “Me wom ap kai phub, te sikrap i menshen, koon i doosh ap peste anas, un koon kek doosh ap peste anas, jaake kai kolla, kai dikenn nai gar, dikenn nai. Un kolla, kai dikenn nai, kolende sikrau me, kai jon tchi dikenna.”

Bičepangre 9:17

O Anania djas koi, was an ko kheer, tchiwas i wasta ap o Sauleste un penas: “Miro phraal Saulo, maro rai Jesus bitchras man, kowa, kai mukas pes ap ko drom tutar te dikell. Job kamell, te dikess tu nai pale, un te wess pherdo Debleskro Ducho.”

Remarja 11:25

Mire phrala, me kamau tumenge i baro tchatchepen te penell, hoi djinenn i menshe gar. Te djinenn tumer kowa, palle penenn tumer gar: “Har gosewo ham mer!” Tumer hunte djinenn, hoske hi bud bibolden i dji dran bar, un patsenn gar ap o Jesus Kristeste. Kowa atchella jaake rah, bis te wan kol tsele menshe dran i wawar themma ap o Jesuseskro drom, kolendar o Dewel kamell, te wenn le pash leste.

Hebrearja 10:31

Hawi bari phagi well pral kolende, ap lende o djido Dewel chojedo hi!

2. Petro 2:17

Kol menshe hi har i brunna, kai hi kek pani dren. Jon hi har o bolepen, kai dell kek brishin. Ap ko diwes, kai lenn jon pengri phagi, wenn le an i kali rat witsedo.

1. Samuel 5:11

Koi dan le pale i tsele rajen pral i Filistarja khetne gole un penan: “Bitchrenn o mochton o Israeleskro Deblestar pale, kai lo was, te marell lo men un mare menshen gar.” I bari daar his an o tselo foro, fothe phares his o Debleskro wast ap lende tchiddo.

1. Samuel 5:9

Un har jon ko mochton kote anan, was o baro Debleskro wast phares ap o foro, un lauter, tikne un bare lan ko djungelo nasslepen. Un i bari daar tapras len.