Bičepangre 13:10 - O Debleskro Drom 2021 (Sinte)

¹⁰ un penas: “Tu bengeskro tchawo! Tu hal pherdo tchilatchepen. Un chochepen hi an tute. Tu kameh gar o tchatchepen. Un mukeh gar tele o Debleskre tchatche dromma banges te krell.

O Debleskro Lab 2024 (Sinte-Manouche)

¹⁰ oun penas: “Tou bengeskro čavo! Tou hal pherdo čilačepen. Oun rhorhepen hi an toute. Tou kameh gar o čačepen. Oun moukeh gar tele o Debleskre čače dromma banges te krell.

Bičepangre 13:10 Iomraidhean Croise

1. Mose 18:19

Me rodom les mange win, te penell lo peskre tchawenge un kolenge, kai pal leste wenna, te rikrenn pen le ap miro drom un krenn, hoi mishto un tchatcho hi, te nai mukap me halauter ap o Abrahameste te well, hoi me leske penom.”

1. Mose 3:15

Tu un koi romni, tumen hi choli jek ap o wawareste. Ninna tire tchawen hi choli ap lakre tchawende. Un lakre tchawen hi choli ap tire tchawende. Jek lakre tchawendar stakrell tiro shero khetne. Un tu dandreh les an leskri heri.”

2. Familjakro liil 17:6

Un leskro dji was sorelo un sorleder, har djas lo ap o baro Debleskro drom, un jaake mukas lo an o tselo them Juda kol mulne platse, kai i mule debla an-mangedo wan, paash te krell, ninna i figuren, hoi sikran i debletsa Ashera.

Sikepaskro 9:3

Kowa hi koi bibacht pash halauter, hoi djal ap kai phub, te djal ko jekeske har ko wawareske djala. Un koi pashel hi o dji o menshendar pherdo tchilatchepen un pherdo dinlepen, jaake rah har jon djiwenna; pal kowa merenn le!

Jeremia 23:36

Ma penenn buder: ‘Man hi i lab o baro Deblestar, hoi phares ap mande tchiddo hi.’ Kowa, hoi hi phares tchiddo ap i mensheste, well i menshendar un gar o baro Deblestar. Ma krenn sawo koowa i labentsa o djido Deblestar! Job hi o rai pral o bolepen un i phub, un maro Dewel.

Hosea 14:9

Palle penell o Efrajim ap mande: Hoi te krap kanna i mule deblentsa? Me shunau un dikau ap tute. Me hom har i baro senelo ruk. Kowa, hoi ap mande bares well, well tutar.

Mateo 13:38

Un ko kotar them, kolla hi i tsele menshe ap i phub. Un o latcho djob, kolla hi kol menshe, kai mukenn o Debles pengro rai te well. Un ko djungelo senlepen, kolla hi i tchilatche, pral kolende o beng o rai hi.

Mateo 15:19

Dran o mensheskro dji well o tchilatcho koowa, hoi an leskro shero trujel djal. Dran leskro dji well, te dell lo i wawares mulo. Te chochell i mursh peskri romjat, well kowa dran leskro dji. Te chochell i djuwel peskro romes, well kowa dran lakro dji. Dran o dji wella o wi-ladjedo koowa, o tchorepen, o chochepen, un o praassepen.

Mateo 23:13

Tumer tchatchepangre un Farisarja! Kowa, hoi tumer krenna, ko hi gar mishto. Tumaro patsepen ap o Debleste hi chochepen! Tumer krenn o wudar pandlo, te well kek ap o Debleskro drom. Tumer djan gar koi dren. Witar gar mukenn i wawaren dren te djal.

Mateo 3:7

Ninna bud Farisarja un Sadduzarja wan pash leste, te mukenn le pen lestar te taufrell. Har job kolen dikas, penas lo ap lende: “Tumer tchilatche sapa! Tumer nai nashenn gar krik glan o Debleskri choli, hoi wella pral i menshende.

Louka 11:39

Koi penas o Jesus ap leste: “Tumer Farisarja, tumer thowenn tumare khore un tchare wrijal. Un tumaro dji hi pherdo tchorepen un tchilatchepen.

Louka 11:52

Tumer tchatchepangre, hoi tumer krenna, ko hi gar mishto. Tumer lan o klidepaskro krik, hoi krell o wudar ap o Debleskro drom pre. Tumer djan gar ap ko drom. Un kolla, kai kamenn ap o Debleskro drom te djal, mukenn tumer gar koi pre.”

Johanni 1:23

Job penas: “Me hom kowa, kai dell gole an o mulo them: Lenn halauter krik, hoi o Debleske an o drom tchiddo hi. Jaake penas kowa o Debleskro rakepaskro, o Jesaja, glan i rah tsiro.”

Johanni 8:44

Tumaro dad hi o beng. Un tumer krenna, hoi tumaro dad ninna kamella. Job hi jek, kai marell i menshen hako tsiro. Un job hi gar an o tchatchepen tardo. O tchatchepen hi gar an leste. Te rakrell job o chochepen, well kowa dran leste. Job hi i chocheno, un anas o chochepen ap kai phub.

Bičepangre 20:30

Ninna dran tumende wenn mursha, kai penenn i patslenge chochene laba, hoi gar o Deblestar wella. Un jon tserdenn i patslen ap pengri rig.

2. Korintarja 11:3

Me darau, te was wawar koowa an tumaro shero, un tumer djiwenn buder gar djudjes un kokres o Jesus Kristeske. Me darau, te djas tumenge har i Evake, har o gosewo sap chochras lat, un joi mukas o tchatcho drom.

Galatarja 1:7

Tchatchepah, dell kek wawar drom, te wenn tumer pash o Debleste! Kolla menshe kamenn tumen dinelo te krell. Jon rissrenn o tchatchepen pral o Jesus Kristeste trujel.

Efesarja 4:14

Palle ham buder gar har tikne tchawe, kai lauter patsenna, kau diwes jaake un ko wawar diwes wawartchandes. Un mer shunah buder gar ap kolende, kai chochenna, un kamenn men o tchatcho dromestar tele te anell.

2. Petro 2:15

O tchatcho drom mukan le, un nashran pen. Jon djan ap ko tchilatcho drom, kai djas ninna o Bileam, – leskro dad hi o Beor. O Bileam kamas i tchilatcho koowa te krell, te lell lo lowe.

1. Johanni 3:8

Kolla, kai djiwenn an o tchilatchepen, kolla hi o bengestar. O beng krella o tchilatchepen jaake rah, har job koi hi. Doleske was o Debleskro tchawo ap kai phub, te phagell lo o bengeskri soor.