Bičepangre 13:1 - O Debleskro Drom 2021 (Sinte)

¹ Mashkral i patslende an o foro Antiochia his Debleskre rakepangre un sikepangre. Kolla his o Barnabas un o Simon, ap koleste penan le Kalo, ninna o Lucio dran o foro Kirene, un o Manaen. Kowa his i maal o baro rajestar Herodes Antipas. Un o Saulo his ninna mank lende.

O Debleskro Lab 2024 (Sinte-Manouche)

¹ Mashkral i patslende an o foro Antiochia his Debleskre rakepangre oun sikepangre. Kolla his o Barnabas oun o Simon, ap koleste penan le Kalo, ninna o Lucio dran o foro Kirene, oun o Manaen. Kova his i maal o baro rayestar Herodes Antipas. Oun o Saulo his ninna mank lende.

Bičepangre 13:1 Iomraidhean Croise

Mateo 27:32

Har jon dran o foro win djan, dikan le i murshes dran o foro Kirene. Leskro lab his Simon. Koles tapran le i sorjah, un kran, te hidjrell lo o Jesuseskro trushel.

Louka 3:1

His ap ko tsiro, kai o Tiberio an o foro Rom deesh-te-pantch bersha baro rai his. Un o Pontio Pilato his o rai pral o them Judea. Un o Herodes his o rai pral o them Galilea. Un peskro phraal Filipo his o rai pral i themma Iturea un Trakonitis. Un o Lisanio his o rai pral o them Abilene.

Bičepangre 11:30

Un jon dan o Barnabes un o Saules kol lowe, te denn jon kol lowe kolende, kai hi i phureder mank i patslende an o them Judea.

Bičepangre 12:25

O Barnabas un o Saulo anan kol lowe i patslenge an o foro Jerusalem. Palle wan le pale an o foro Antiochia. Lentsa djas o Johanni Marko.

Bičepangre 13:9

O Saulo, kai kharell ninna Paulo, pherdo Debleskro Ducho, dikas ap leste,

Bičepangre 15:32

O Judas un o Silas his o Debleskre rakepangre. Jon rakran kol patslentsa, un mangan len, te atchenn le an o patsepen. Un lengre labentsa dan jon len soor, te djan jon dureder ap o Jesuseskro drom.

Bičepangre 15:35

O Paulo un o Barnabas atchan an o foro Antiochia. Un jon khetne bud wawarentsa sikran i menshende o Jesuseskro drom, un penan lenge, hoi o rai Jesus lenge penas un kras.

Bičepangre 19:6

Un o Paulo tchiwas i wasta ap lende, un o Debleskro Ducho was ap lende. Un jon rakran an wawar rakepen, un penan kowa, hoi o Dewel lende sikras.

Bičepangre 21:9

Koles his star tcha, kai gar romedino his. Kolla tcha his pherdo Debleskro Ducho, un jon penan i patslenge, hoi o Dewel lende sikras.

Bičepangre 4:36

Jaake kras kowa ninna o Josef. Kowa his i Levitari un was dran o them Ciprus. O Jesuseskre bitchepangre dan les ninna Barnabas gole. Ko kharella ap lengro rakepen: O mursh, kai rakrell i menshentsa latcho, te hi lengro dji pharo.

Bičepangre 9:1

An ko tsiro his o Saules i bari choli ap kolende, kai djan o Jesuseskro drom, kamas len te marell, un djas pash ko baro rashajeste,

Remarja 16:21

O Timoteo, kai mantsa budrella, penell tumenge latche laba. Ninna o Luka, un o Jason, un o Sosipater, – kolla hi lauter bibolde har me, – jon penenn tumenge latche laba.

1. Korintarja 11:4

Hako mursh, kai mangell o Debles an, un hako mursh, kai penella, hoi o Dewel leste sikras, un les hi i stadi ap o shero, kowa anell ladj ap peste.

1. Korintarja 13:2

Te wals man gar o Debleskro kamlepen an o dji, palle molals ninna kowa tchi, te penoms me i menshenge, hoi o Dewel mande sikras. Te wals man gar o Debleskro kamlepen an o dji, palle molals ninna kowa tchi, te djinoms halauter, hoi i wawar gar djinenna un te haiwoms ko tselo Debleskro drom. Te wals man gar o Debleskro kamlepen an o dji, palle molals ninna kowa tchi, te wals man jek sorelo patsepen, te penoms ap i berge: ‘Hadenn tumen’, un jon hadenna pen.

1. Korintarja 13:8

Well i tsiro, kai tchiwell o Debleskro Ducho i patslenge buder kek lab an o dji. Well i tsiro, kai dell lo len buder kek wawar rakepen. Well i tsiro, kai hunte well men buder kek goswepen. Jek atchella: o Debleskro kamlepen.

1. Korintarja 14:29

Kolla, kai penenna i menshenge i lab, hoi o Deblestar wella, kolendar mukenn te rakrenn dui te triin! Un kol wawar denn garda, te hi kowa tchatcho, hoi rakedo wella!

1. Korintarja 14:32

Kones i lab well o Deblestar, kowa nai rikrell pes pale, jaake rah har ko wawar rakrella.

1. Korintarja 9:6

Me putchau tumendar: Hunte budrap me un o Barnabas maro chapaske kokres?

Galatarja 2:13

Jaake har o Kefas dui tchipjentsa rakras, kran ninna kol wawar patsle bibolde. Har o Barnabas len dikas, kras job ninna jaake har jon, un tserdas pes kol patslendar pale, kai kek bibolde hi, te well lo an-diklo pash i biboldende.

Galatarja 2:9

Kol pralstune mank i patslende his o Jakobo, un o Kefas, un o Johanni. Har jon haiwan, kai o Dewel mange latcho hi un man koi budi das, dan jon man un o Barnabas o tchatcho wast, te dikenn halauter, kai ham mer phrala. Mer kram win, te djas mer pash kolende, kai kek bibolde hi, un jon te djan pash i biboldende.

Efesarja 4:11

Job hi kowa, kai das i patslen pengri budi. Koi hi kolla, kolen job bitchras, te penenn le i menshenge lestar. Wawar rakrenna, hoi job lenge an o dji tchiwas, hoi kek wawar djinella. Wawar anenn kol menshen, kai gar patslo hi, pash o Jesus Kristeste. Pale wawar rikrenn i patslen khetne, un sikrenn lende o Debleskro drom.

1. Tessalonikarja 5:20

Shunenn ap kol laba, hoi o Dewel i patsleske an o dji tchiwas!