Bičepangre 12:23 - O Debleskro Drom 2021 (Sinte)

²³ Jaake mukas pes o Herodes i menshendar te sharell, har te wals job o Dewel. Un har job kowa kras, das les o Debleskro bolepaskro i nasslepen, te chan i kirme les pre, un job meras.

O Debleskro Lab 2024 (Sinte-Manouche)

²³ Yaake moukas pes o Herodes i menshendar te sharell, har te vals yob o Devel. Oun har yob kova kras, das les o Debleskro bolepaskro i nasslepen, te rhan i kirme les pre, oun yob meras.

Bičepangre 12:23 Iomraidhean Croise

2. Rajengro liil 19:35

Un an koi rati was o baro Debleskro bolepaskro kote, kai i lurde dran o them Assur sowan, un maras 185.000 (sheel-ochta-deesh-te pantch serja) mursha lendar. Un har le taissarlakro pre stan, his kote lauter mule tchiddo.

2. Familjakro liil 32:21

Kote bitchras o baro Dewel i bolepaskres. Kowa maras i tsele lurden, ninna lengre pralstunen un bare lurden ap i lurdengri platsa o baro rajestar dran o them Assur. Un i ladjatar djas lo pale an peskro them. Har job an o kheer leskro deblestar was, maran les leskre tchawe o chareha.

Hiob 19:26

Ninna te hi miro mass jaake dukedo un wom jaake sano, well ko tsiro, kai dikau miro Debles.

Hiob 7:5

Miro mass ap mande hi tchakedo kirmentsa un tchik. Miri hauta phagell pre, un djelto pani nashell win.

Debleskri gili 115:1

Tu kokres, baro Dewel, wess sharedo! Tu hunte wess sharedo, gar mer! Tu hal kowa, kai latcho hi un hako tsiro peskro lab rikrell.

2. Mose 10:3

Kote djas o Mose un o Aron pash o Farao dren un penan ap leste: “Kawa penell o baro Dewel, o Dewel pral i Hebrearja: ‘Har rah kameh tu gar te dikell, kai hom sorleder har tu? Muk mire menshen te djal, te nai mangenn le man an!

2. Mose 12:12

Un me djau an kaja rat mashkral o tselo them Egiptia, un dau i tsele mursh tchawen temerl, kai hi i phureder tchawe pengre dajendar, kolla, kai i menshestar, ninna i viechestar boldo wan. Jaake dau me kolende lauterende i phagi, kai kharenn pen dewel, un kolen i Egiptarja an-mangenna. Me hom o baro Dewel.

2. Mose 12:23

Un o baro Dewel djala mashkral o them, te dell lo i Egiptarja temerl. Te dikell lo o rat pral ap o wudar un ap kol dui kashta, hoi tchatches un serwes pash o wudar hi, palle djal job dureder un mukell koles, kai anell o merepen, gar pash tumende dren te djal, te dell lo jekes tumendar temerl.

2. Mose 12:29

Un mashkral an i rat maras o baro Dewel i tsele mursh tchawen, kai his i phureder tchawe pengre dajendar, an o tselo them Egiptia: o Faraeskro phureder tchawes, kai ap o rajeskri beshepaskri beshdo hi, un ninna i phureder tchawen kolendar, kai stilde hi. Awa, ninna i mursh vieche, hoi his i phureder tchawe pengre dajendar, wan temerl dino.

2. Mose 9:17

Tu patseh, tu nai kreh mire menshentsa, hoi kameh, un mukeh len gar te djal.

Gosewe laba 12:8

Kones gosewo koowa an o shero hi, kowa well sharedo. Kones dinelo koowa an o shero hi, ap koleste dikenn le tele.

Jesaja 14:11

Tiro railepen, hoi trul tute his, was witsedo an o telstunepen, un i bashepangre bashrenn buder gar tuke. I kirme hi kanna tiro tchiben, un kirmentsa tchakreh tut.

Jesaja 37:23

Koon hi kowa, pral koleste tchilatche laba rakral? Un kones tire labentsa praassal? I pre-phurdo hal, un ap mande tele dikal, pral o Israeleskro Debleste tut hadal!

Jesaja 51:8

Lenge djal har i ripen dran bakrengro bal, hoi i kirme paash chan. Miro tchatchepen atchell hako tsiro tardo, un hako tsireske lau tumen dran i bibacht win.

Jesaja 66:24

Un jon djan win, te dikenn le penge kol mule menshen an, kai mantsa phagan. Kolengro kirmo merell gar, un lengri jag djal gar win. Un jon hi tchadepaske halauterenge, kai dikenn le.

Ezekiel 28:2

Tu mensho, pen ap o rajeste pral o foro Tirus: Kawa penell o baro Dewel, maro rai: Tiro dji hadas pes un penas: “Me hom i dewel! Un hom beshdo ap i debleskri beshepaskri mashkral dren an baro pani!” Ninna te kreh, har te wals i dewel, hal tchi har i mensho!

Ezekiel 28:9

Te dikeh tu palle kolenge an o mui, kai tut mulo denn, peneh buder gar: “Me hom o Dewel!” Te hal an i wasta kolendar, kai marenn tut, haiweh, te hal i mensho un kek dewel.

Bičepangre 12:22

Kol menshe dan gole: “Jaake rakrell kek mensho. Jaake rakrell i dewel!”

Bičepangre 5:19

An i rati was i bolepaskro o Deblestar un kras kol wudja an o stilepen pre, un anas len win, un penas ap lende:

2. Tessalonikarja 2:4

Job hadell pes pral o Debleste un pral halauter, hoi i menshe an-mangenna, un beshell pes an o Debleskro baro kheer, un krell, har te wals job o Dewel.

1. Samuel 25:38

Un pal deesh diwessa, kote das o baro Dewel o Nabales, un job meras.