Bičepangre 12:11 - O Debleskro Drom 2021 (Sinte)

¹¹ Kanna djinas o Petro, kai kowa kek suni his, un job penas: “Kanna djinau tchatchepah, kai bitchras o rai Jesus peskro bolepaskres mange. Un kowa las man dran o Herodeskre wasta win, ninna dran halauter, hoi kaman i bibolde mantsa te krell.”

O Debleskro Lab 2024 (Sinte-Manouche)

¹¹ Kanna djinas o Petro, kay kova kek souni his, oun yob penas: “Kanna djinau čačepah, kay bičras o ray Yezous peskro bolepaskres mange. Oun kova las man dran o Herodeskre vasta vin, ninna dran halauter, hoy kaman i bibolde mantsa te krell.”

Bičepangre 12:11 Iomraidhean Croise

1. Mose 15:13

Un o Dewel penas ap o Abrameste: “Tchatchepah, tu djiness: Tire menshe, kai tutar wenna, wenn wi-themarja an i them, kai gar lengro hi. Un i menshe an ko them djan soreles ap lende un krenn budepangre lendar. Un jon hunte budrenn lenge 400 (star-sheel) bersha.

1. Mose 18:13

Koi penas o baro Dewel ap o Abrahameste: “Hoske sanas i Sara un penas: ‘Kanna, kai phuro hom, lau me i ternepen?’

1. Mose 26:9

Koi mukas o Abimelech o Isaakes te kharell un penas ap leste: “Dik! Koja hi tiri romni. Hoske penal tu, kai joi tiri pheen hi?” Penas o Isaak ap leste: “Me darom, te denn man le mulo un lenn jon lat.”

2. Samuel 22:1

O David rakras glan o baro Debleste kol laba koi giljatar an ko tsiro, kai o baro Dewel les win las dran i wasta lauterendar, kai kaman les te marell, ninna dran o Sauleskre wasta. Un job penas:

2. Familjakro liil 16:9

O baro Debleskre jaka dikenn an i tsele themma, te dell lo soor kolenge, kai rikrenn pen pengro tselo djijeha ap leste. Tu rikral tut dineles an kau koowa. Doleske well fun kau tsiro kurepen pral tute.”

Hiob 31:31

Na-a, lauter kai pash mande djiwenn, djinenn, hakeno, kai pash mande was, las latches un doha te chal.

Hiob 5:19

Hako kopo, kai perell i bibacht ap tute, lell lo tut win. Un kek tchilatchepen nai taprell tut an.

Debleskri gili 109:31

Job well o tchorweleske ap i rig, un lell les win dran i wasta kolendar, kai penenn: “Job hunte well maredo.”

Debleskri gili 33:18

Kowa hi o baro Dewel, kai dell garda ap kolende, kai djiwenn leha, kolla, kai dikenn ap leste, te well lo lenge latcho,

Debleskri gili 33:19

un lell lengro djipen dran o merepen win. Ninna te well bari bok pral o them, merenn le gar.

Debleskri gili 34:22

O tchilatcho merell dran peskro tchilatchepen. Un kolla, kai kamenn tchilatchepen ap i latchende te anell, lenna pengri phagi.

Debleskri gili 34:7

Ake hi jek, kai gole das ap o baro Debleste, har leske djungeles djas, un job shunas les un las les win dran lauter, hoi leske o djipen phares kras.

Debleskri gili 41:2

Bachtelo hi kowa, kai dell jak ap kolende, kai gar soreles hi. Ap ko diwes, kai les i bibacht taprella, lell o baro Dewel les win.

Debleskri gili 97:10

Tumer, kai o baro Debles kamenna, stakrenn o tchilatchepen khetne. O baro Dewel rikrell peskre wasta pral o djipen kolendar, kai leskre hi, un lell len win dran o wast i tchilatchendar.

Daniel 3:25

Job penas: “Me dikau star murshen, kai an i jag trujel djan. Un jon hi buder gar pandlo, un kek dukepen hi ap lende. Un ko starto dikell win har i bolepaskro.”

Daniel 3:28

Un o Nebukadnezar penas: “Sharedo well o Dewel, koles o Shadrach un o Meshach un o Abed-Nego an-mangenn. Job bitchras peskro bolepaskres un las peskre budepangren dran o merepen win. Kolla rikran ap leste, un shunan gar ap miro lab, un dan pengro djipen an o merepen. Jon kaman kek wawar debles an-mangenn har pengro Debles kokres.

Daniel 6:22

Kote rakras o Daniel o baro rajeha un penas: “Baro rai, te djiwess hako tsireske!

Louka 15:17

Un job penas ap peste: Miro dades hi bud budepangre. Kolen hi bud te chal, un me merau kate i bokatar.

Bičepangre 12:7

Ap jek kopo his an ko stilepen i soreli momeli, un o Debleskro bolepaskro his koi tardo, un das o Petres an i rig, djangras les pre, un penas: “Ste sik pre!” Un kol sasterne shelle peran leskre wastendar tele.

Bičepangre 24:27

Har dui bersha trujel his, was o Festo Porcio an o foro Cesarea, un kras kanna koi budi, hoi o Felix glan leste kras. O Felix kamas tchomone te krell, hoi his mishto an i biboldengre jaka. Doleske mukas lo o Paules an o stilepen.

Bičepangre 25:9

O Festo kamas tchomone te krell, hoi hi mishto an i biboldengre jaka. Doleske penas lo ap o Pauleste: “Kameh tu, te anap tut an o foro Jerusalem, te penap kote i phagi pral tute win?”

Bičepangre 5:19

An i rati was i bolepaskro o Deblestar un kras kol wudja an o stilepen pre, un anas len win, un penas ap lende:

Hebrearja 1:14

I tsele bolepangre hi leskre budepangre. Kolen bitchras o Dewel ap i rig kolendar, kai djan ap o Debleskro drom, te lenn le o Debleskro djipen, hoi gar pre-herella.

2. Petro 2:9

O Dewel, maro rai, haiwell garda te dell ap kolende, kai les kamenna, te perenn le gar o tchatcho dromestar tele. Job haiwell ninna kol tchilatchen pandlo te rikrell, te lenn le pengri phagi ap ko diwes, kai well o tchatchepen wi-rakedo pral i tsele menshende.