Bičepangre 11:26 - O Debleskro Drom 2021 (Sinte)

²⁶ Har o Barnabas les hatsas, anas lo les an o foro Antiochia. Un kol dui atchan i tselo bersh kote pash i patslende, un penan bud menshenge o Debleskro lab. Kote dan jon i patslen ko lab Kriste.

O Debleskro Lab 2024 (Sinte-Manouche)

²⁶ Har o Barnabas les hatsas, anas lo les an o foro Antiochia. Oun kol douy ačan i tselo bersh kote pash i patslende, oun penan boud menshenge o Debleskro lab. Kote dan yon i patslen ko lab Kriste.

Bičepangre 11:26 Iomraidhean Croise

Jesaja 65:15

Pash mire wi-rodede menshe hi tumare laba sawe laba, kolentsa jon i bibacht pral jekeste win rakrenn, un penenn: “O baro Dewel maro rai, mu dell tut mulo har kales un koles.” Lengre budepangren dell job i newo lab.

Mateo 28:19

Doleske djan pash i menshende an hake themma, un penenn lenge mire laba, te patsenn le ap mande! Taufrenn len ap o lab o dadestar, o tchawestar un o Debleskro Ducho!

Johanni 2:2

Kol bijabengre mangan o Jesuses ninna ap ko bijab te well peskre malentsa, un jaake his lo lentsa ninna ap ko bijab.

Bičepangre 1:15

An kolla diwessa wan bud patsle khetne, sheel-te-biish menshe. Mashkral lende stas o Petro pre un penas:

Bičepangre 11:20

Mashkral kol patslende his ninna mursha dran Ciprus un Kirene. Kolla wan an o foro Antiochia, un penan ninna kolenge, kai kek bibolde hi, o latcho lab o rai Jesusestar.

Bičepangre 11:22

Un i patsle an o foro Jerusalem shunan kowa, un bitchran o Barnabes an o foro Antiochia.

Bičepangre 11:27

An kol diwessa wan Debleskre rakepangre dran o Jerusalem an o foro Antiochia.

Bičepangre 11:29

Koi penan kol patsle an o foro Antiochia: “Mer dah mare phralen an o them Judea jaake bud lowe, har hakeno nai della.”

Bičepangre 14:20

Har o Pauleskre mala trul leste tardo his, stas job pre un djas an ko foro. Ap o wawar diwes djas lo o Barnabeha an o foro Derbe.

Bičepangre 14:22

djan pash i patslende un dan len soor an o dji, un rakran lenge an o dji, te atchenn jon an o patsepen. Un jon penan ap kol patslende: “Ap maro drom pash o Debleste an o bolepen krenn menge i menshe o djipen phares.”

Bičepangre 14:23

Un an hake gaba un forja, kai i patsle khetne wan, rodas o Paulo un o Barnabas phralen win, te wenn le phureder mank i patslende. Un o Paulo un o Barnabas lan penge i tsiro, kai chan le tchi o Debleske, un mangan o Debles lauterenge, kai ap leste patslo wan, te dell lo ap lende jak.

Bičepangre 14:27

Un o Paulo un o Barnabas wan kanna pale pale an kau foro. Kote dan le i patslen khetne gole, un penan lenge, kai o Dewel lentsa his, un har bud koowa job kras, un har job ninna kolen, kai kek bibolde hi, pash peste gole das, un jon ap leskro drom wan.

Bičepangre 14:28

Un o Paulo un o Barnabas atchan i rah tsiro pash kol patslende.

Bičepangre 18:27

Palle kamas o Apollo an o them Achaja te djal. Un i patsle an o foro Efesus dan les i liil peha. An ko liil mangan le i phralendar an o them Achaja, te lenn jon o phrales Apollo pash pende pre. Un har job kote was, djas lo pash kolende, kai patslo wan dran o Debleskro latchepen, un sikras len o Debleskro drom feteder un budeder.

Bičepangre 19:9

Koi his ninna menshe pashel, kai kaman o Jesusestar tchi te djinell un kaman gar ap leste te patsell. Un glan i menshende rakran le djungelo koowa pral o patsepen ap o Jesuseste. Koi mukas o Paulo kol wawar patslentsa i biboldengri kangri, un rakras hako diwes an ko sikepaskro kheer, kai o Tiranno o sikepaskro hi.

Bičepangre 20:1

Har i menshe buder gar diwjo his, das o Paulo i patslen pash peste gole, un das len soor an lengro patsepen. Palle penas lo lenge: “Atchenn o Debleha!” un djas peske, te djal lo an o them Macedonia.

Bičepangre 20:30

Ninna dran tumende wenn mursha, kai penenn i patslenge chochene laba, hoi gar o Deblestar wella. Un jon tserdenn i patslen ap pengri rig.

Bičepangre 21:4

Kote rodam i patslen, un har hatsam len, atcham efta diwessa pash lende. O Debleskro Ducho penas kote i patslenge, te wenn bare duka ap o Pauleste an o foro Jerusalem. Koi penan jon ap leste, te djal lo gar an o foro Jerusalem.

Bičepangre 26:28

Koi penas o Agrippa ap o Pauleste: “Rakreh tu kate ap mande, te djap me ninna ap o Jesuseskro drom, un kawa an sawo tikno tsiro?”

Bičepangre 6:1

An kol diwessa, kai i patsle budeder wan, djas i tchingepen mashkral i patslende, kai rakran hebretikes, un kol patslende, kai rakran grichtikes. Mashkral kolla, kai rakran grichtikes, his djuwja, kolengre romma mulo his. Un kolla lan gar jaake bud chapaske har kolla, kai rakran hebretikes. Doleske his kolla, kai rakran grichtikes, chojedo ap kolende, kai rakran hebretikes.

Bičepangre 6:5

Ko rakepen his i tsele patslenge mishto. Jon rodan o Stefanes win, koles his i sorelo patsepen un his i mursh pherdo Debleskro Ducho. Jon rodan ninna win o Filipo, o Prokoro, o Nikanor, o Timon, o Parmenas un o Nikolaus. Kowa his i gricho dran o foro Antiochia, kai las i biboldengro patsepen an un patsas kanna ap o Jesuseste.

Bičepangre 9:19

Palle chas un pijas o Saulo un was pale sorelo. Un o Saulo atchas i tsiro pash kol patslende an o foro Damaskus,

Bičepangre 9:38

O foro Joppe his pash o foro Lidda tchiddo. Un har i patsle shunan, kai o Petro an ko foro his, bitchran jon dui murshen pash leste, un mangan les, te well job jaake sik har djala pash lende.

1. Korintarja 11:18

Me shunom, te wenn tumer khetne, palle tchingrenn tumer khetne, un ko jek penell: Me krau, hoi kawa penella, un ko wawar penell: Me krau hoi kowa penella. Un me patsau, i paash kolestar, hoi pral tumende shunom, hi tchatcho.

1. Korintarja 12:12

O mensho hi dran budeder kotja, har mussja, herja, un wawar. Ninna te hi lo dran bud kotja, hi lo jek mensho. Jaake hi ninna o Jesus Kristeha un kolentsa, kai ap leste patsenna.

1. Korintarja 14:23

Dikenn, te wans i tsele patsle khetne, un rakrans lauter an i wawar rakepen, un koi wals jek, kai gar patslo hi un kai prindjrell kowa gar, penals kowa: “Kalla hi lauter narwele!”

1. Korintarja 4:17

Me bitchrom o Timoteste pash tumende. Kowa hi miro kamlo un latcho tchawo an o patsepen. Job penell tumenge, har me ko drom djau, hoi o Jesus Kristo sikras mande, un har rakrau lestar an hake gaba un forja, kai i patsle khetne wenna.

Efesarja 3:15

Job hi o tchatcho dad leskre tsele tchawendar an o bolepen un ap i phub.

Jakobo 2:7

Un pral koleste, koon tumaro rai hi, rakrenn le djungeles.

1. Petro 4:14

Te praassenn le tumen doleske, kai patsenn tumer ap o Jesus Kristeste, nai wenn tumer bachtelo. Palle nai djinenn: O Debleskro railo Ducho hi ap tumende tchiddo.

1. Petro 4:16

Jek, kai patsell ap o Jesus Kristeste un lell doleske i phagi, kowa hunte ladjell gar. Na-a, job te parkrell pes pash o Debleste, te hi o Jesus Kristo leskro rai.

1. Johanni 2:27

O Jesus Kristo das tumen o Debleskro Ducho. Kowa atchell an tumende. Doleske hunte well tumen kek wawar sikepaskro. O Debleskro Ducho sikrell tumende o tselo Debleskro drom. Un lauter, hoi job tumende sikrell, kowa hi tchatcho un kek chochepen. Krenn kowa, hoi o Debleskro Ducho tumende sikrella! Jaake atchenn tumer o Jesus Kristeha khetne.

Debleskro tsiro 3:18

Doleske penau tumenge: Ginenn mandar sonakai, sawo sonakai, hoi an i jag thodo was, jaake te wenn tumer tchatchepah brawelo. Ginenn mandar ninna parne ripja, un riwenn kolla ap tumende, te han buder gar nango, un hunte ladjenn tumen buder gar. Un ginenn kutch djet, un makenn tumare jaka, te nai dikenn pale!