Bičepangre 11:14 - O Debleskro Drom 2021 (Sinte)

¹⁴ Kowa penell tuke, har leh tu un i menshe an tiro kheer o Debleskro djipen.

O Debleskro Lab 2024 (Sinte-Manouche)

¹⁴ Kova penell touke, har leh tou oun i menshe an tiro kheer o Debleskro djipen.

Bičepangre 11:14 Iomraidhean Croise

1. Mose 17:7

Kowa, hoi me tuha win krau, atchell hako tsiro mange un tuke, tire tchawenge, kolengre tchawenge un lauterenge, kai pal tute wenna. Me hom tiro Dewel un ko Dewel tire tchawendar, kai pal tute wenna.

1. Mose 18:19

Me rodom les mange win, te penell lo peskre tchawenge un kolenge, kai pal leste wenna, te rikrenn pen le ap miro drom un krenn, hoi mishto un tchatcho hi, te nai mukap me halauter ap o Abrahameste te well, hoi me leske penom.”

Debleskri gili 103:17

O latchepen o baro Deblestar hi gar jaake. Kowa atchella hako tsireske. An kek tsiro lell lo les krik kolendar, kai djiwenn leha. Ninna lengre tchawenge un kolengre tchawenge rikrell job peskro lab,

Debleskri gili 112:2

Koleskre tchawe wenn soreles an o tselo them. O baro Dewel tchiwell peskri bacht ap kolengre tchawende, kai o tchatcho drom djan.

Gosewe laba 20:7

Kowa, kai an o tchatchepen tardo hi un o Debleskro drom gar mukell, bachtelo hi leskre tchawe, kai pal leste wenna.

Jeremia 32:39

Me krau, te well len jek dji un jek djipen, te kamenn le ap mande te shunell pengro tselo djipen. Palle djal lenge mishto, ninna lengre tchawenge pal lende.

Markus 16:16

“Koon patsell ap mande un well taufedo, kowa djal gar nashedo. Koon gar ap mande patsella, kowa djal nashedo!

Louka 19:10

O Mensheskro Tchawo was, te rodell lo kolen, kai nashedo hi, un te anell lo kolen ap o Debleskro drom, kai ap o tchilatcho drom hi.”

Johanni 12:50

Me djinau, leskro lab dell tumen o djipen, hoi gar pre-herella. Doleske rakrau me kowa jaake, har miro dad les mange penas.”

Johanni 20:31

Kawa was tchinlo, te patsenn tumer, kai o Jesus ko baro rai hi, kolestar o Dewel penas, te well job. Job hi o Debleskro tchawo. Un te patsenn ap leste, lenn tumer o tchatcho djipen lestar.

Johanni 4:53

Kanna djinas ko dad, kai kowa ko tsiro his, kai o Jesus ap leste penas: “Tiro tchawo djiwella.” Un job patsas peskre tsele menshentsa ap o Jesuseste.

Johanni 6:63

O Debleskro Ducho hi kowa, kai dell o djipen. O mensheskri soor nai krell kowa gar. Mire laba, hoi me tumenge penom, wan dran o Debleskro Ducho. Doleske anenn le tumenge ko djipen.

Johanni 6:68

“Rai, pash koneste djas mer?” penas o Simon Petro. “Tut hi laba, kai denn men o djipen, hoi gar pre-herella.

Bičepangre 10:2

Kowa his i latcho mursh un patsas ap o Debleste peskre tsele menshentsa. Job das bud i tchorwelende, un mangas o Debles hako diwes an.

Bičepangre 10:22

Penan le: “O Kornelio, ko pralstuno i lurdendar, bitchras men. Kowa hi i latcho mursh, un patsell ap o Debleste. I tsele bibolde rakrenn latches pral leste. I Debleskro bolepaskro penas ap leste, te lell job tut an peskro kheer, un te shunell job, hoi tu leske kameh te penell.”

Bičepangre 10:43

Kolestar rakrenn i tsele Debleskre rakepangre an pengre lila. Jon penenn, kai lell o Dewel i doosh hakenestar krik, koon ap o Jesus Kristeste patsella.”

Bičepangre 10:6

Job hi an o kheer, kai ko Simon djiwella, kai budrell i viechengri mortsi. Leskro kheer hi pash o baro pani tchiddo.”

Bičepangre 11:13

Kowa penas menge, har dikas job i bolepaskres an peskro kheer, un kai kowa ap leste penas: Bitche murshen an o foro Joppe, te lenn le o Simones. Job kharella ninna Petro.

Bičepangre 16:15

Un joi mukas pes peskre menshentsa te taufrell, un mangas men soreles un penas: “Te patsenn tumer, kai me ap o rajeste, o Jesuseste patsau, awenn an miro kheer un atchenn kote!” Un joi mangas men o tselo djijestar, te was mer an lakro kheer.

Bičepangre 18:8

O Krispo, ko pralstuno pral i biboldengri kangri, was peskre tsele menshentsa patslo ap o rajeste, o Jesuseste. Ninna bud menshe an o foro Korint wan patslo un mukan pen te taufrell.

Bičepangre 2:39

O Dewel penas, te dell lo peskro Ducho tumende, un tumare tchawende, ninna kolende lauterende, kai kanna dur lestar hi, un kai job pash peste gole della.”

1. Korintarja 1:16

Kowa bistrom: Me taufrom ninna o Stefanes un leskri familja. Budeder djinau me gar, kai taufrom me jekes.