Bičepangre 10:31 - O Debleskro Drom 2021 (Sinte)

³¹ Un job penas ap mande: Kornelio, o Dewel shunas tut, un hoi tu dal kol tchorwelende, dikas o Dewel ninna.

O Debleskro Lab 2024 (Sinte-Manouche)

³¹ Oun yob penas ap mande: Kornelio, o Devel shounas tout, oun hoy tou dal kol čorvelende, dikas o Devel ninna.

Bičepangre 10:31 Iomraidhean Croise

Jesaja 38:5

Dja pash o Hiskija, un pen leske: “Kawa penell o baro Dewel, ko Dewel tiro dadestar, o Davidestar: Me shunom tiro mangepen, un me dikom tire swa. Shun, me kamau pash tiro djipen gomme 15 (deesh-te-pantch) bersha pashel te tchiwell.

Daniel 10:12

Un job penas ap mande: “Daniel, ma dare! O Dewel shunas tire laba fun o ersto diwes an, har kamal tiro tselo djijeha o dikepen te haiwell, un tut tiknes kral glan tiro Debleste. Un kol labenge, hoi tu rakral, wom me.

Daniel 9:23

Har mangal o Debles, un rakral tire erste laba win, lom i lab lestar. Un me wom, te penap tuke kau lab. Tu hal kutch o Debleske. Kanna de jak, hoi penau, te haiwess, hoi ko dikepen kamell te penell.

3. Mose 2:2

Un job anell kowa pash i rashajende dran o kheer Aron. Jek lendar lell i wast pherdo jarro o djeteha un ko tselo sungepaskro koowa, un mukell kowa ap i chatchepaskri te chatchrell. Kowa sikrell, kai ko tselo chapen, hoi anlo was, o Debleske hi. Un o latcho sungepen, hoi well win, sungell mishto o baro Debleske.

3. Mose 2:9

Un o rashai lell tchomone lestar un chatchrell les ap i chatchepaskri. Kowa sikrell, kai ko tselo chapen, hoi anlo was, o Debleske hi. Un o latcho sungepen, hoi well win, sungell mishto o baro Debleske.

3. Mose 5:12

Job anell ko jarro pash o rashajeste, un o rashai lell i wast pherdo, un mukell kawa ap i chatchepaskri te chatchrell o baro Debleske. Kawa sikrell, kai ko tselo chapen, hoi anlo was, o baro Debleske hi. Kawa hi i chapen, hoi o baro Debleske anlo well, te well i doosh krik lino.

Louka 1:13

Koi penas o bolepaskro ap leste: “Ma traash, Zachari! O Dewel shunas tut, har tu mangal lestar, te well tumen i ternepen. Tiri romni Elisabet lella i mursh tchawes. Un koles dess tu ko lab Johanni.

Bičepangre 10:30

Koi penas o Kornelio: “Glan star diwessa, his trinenge, mangom o Debles an miro kheer an. Koi his ap jek kopo i mursh glan mande tardo. Koleskre koola his bijalo.

Bičepangre 10:32

Kanna bitche murshen an o foro Joppe, te anenn le o Petres pash tute. Kowa hi an o kheer, kai ko Simon djiwella, kai budrell i viechengri mortsi. Leskro kheer hi pash o baro pani tchiddo.

Bičepangre 10:4

Koles his daar, har job dikas les, un penas ap leste: “Hoi kameh tu mandar, rai?” Un kowa penas ap leste: “O Dewel shunas, har tu les an-mangal. Un job dikas ko latchepen, hoi tu kral i tchorwelenge. Un job bistras kowa gar.

Filiparja 4:18

Kanna hi man lauter, hoi man hunte well djipaske, un budeder har doha. O Epafrodito anas mange kowa lauter, hoi tumer mange bitchran. Kowa hi jaake, har te anans tumer o Debleske latcho koowa, hoi sungell mishto, un kai dikell lo latches pre un hi bachtelo pral kowa.

Hebrearja 6:10

O Dewel hi latcho un tchatcho, un bistrell gar tumaro kamlepen ap leste, har budran i patslenge, un krenn kowa gomme kanna dureder.

Debleskro tsiro 5:8

Un har las job o liil, peran kol star sorele bolepangre un kol biish-te-star tchatchepangre phure glan o terno bakro tele. Un hakenes lendar his i bashepaskri. Un jon bashran i shukar bashepen. Len his ninna sonakangre tchare pherdo gudlo kasht, hoi o Debleske chatchedo wella, un mishto sungella. Ko gudlo kasht hi o mangepen, hoi o Debleskre menshe pengro Deblestar mangan.