Bičepangre 1:5 - O Debleskro Drom 2021 (Sinte)

⁵ Har o Johanni taufras tumen, tchiwas lo tumen an o pani. O Dewel tchiwell o Debleskro Ducho ap tumende. Un o tsiro well sik, kai kowa wella.”

O Debleskro Lab 2024 (Sinte-Manouche)

⁵ Har o Yohanni taufras t'men, čivas lo t'men an o pani. O Devel čivell o Debleskro Dourho ap t'mende. Oun o tsiro vell sik, kay kova vella.”

Bičepangre 1:5 Iomraidhean Croise

Mateo 3:11

Me tchiwau tumen an o pani. Kowa sikrella, kai tumer mukan tumaro tchilatcho drom, un djan kanna ap o Debleskro drom. Pal mande well jek, kowa hi sorleder har me. Un me hom gar moldo, te hidjrap leskre kircha leske. Kowa tchiwell o Debleskro Ducho ap tumende. Kowa hi har i jag.

Mateo 3:6

Un jon penan glan i menshende hawo tchilatcho koowa jon kran, un mukan pen lestar an o pani Jordan te taufrell.

Markus 1:8

Me tchiwom tumen an o pani, te well diklo, kai mukan tumaro phuro djipen. Kowa, kai well pal mande, tchiwell o Debleskro Ducho ap tumende.”

Louka 3:16

Koi penas o Johanni ap lauterende: “Me tchiwau tumen an o pani. Jek wella, kowa hi sorleder har me. Me hom gar moldo, te krap leskre kircha pre. Job tchiwell o Debleskro Ducho ap tumende, un krell tumen djudjo, har i jag o saster djudjo krella.

Johanni 1:26

Penas o Johanni lenge: “Me taufrau len an o pani. Mashkral tumende hi jek, koles prindjrenn tumer gar.

Johanni 1:31

Me djinom gar, koon kowa hi. Me wom, te taufrap i menshen an Israel an o pani, te sikrap nai len, koon job hi.”

Johanni 1:33

Un me prindjrom les gar. Kowa, kai bitchras man, te taufrap i menshen an o pani, kowa penas ap mande: Tu dikeh, har well o Debleskro Ducho ap i mursheste un atchell ap leste. Kowa hi ko mursh, kai dell i menshen o Debleskro Ducho.

Bičepangre 10:45

Kol patsle biboldenge, kai o Petreha wan, atchas o rakepen krik, har jon dikan, kai peras o Debleskro Ducho ninna ap kolende, kai kek bibolde hi.

Bičepangre 19:4

Koi penas lenge o Paulo: “O Johanni taufras kolen, kai kaman te sikrell, kai mukan le pengro phuro djipen. Un job penas i menshenge, te hunte patsenn le ap koleste, kai pal leste wella. Un kowa hi o Jesus.”

1. Korintarja 12:13

Kolla, kai ap o Jesus Kristeste patsenna hi bibolde un kolla, kai kek bibolde hi, hi raja un budepangre. Kolla lauter lan o Debleskro Ducho. Ko Ducho anas len lauteren khetne.

Tito 3:5

un anas men pash peste. Hams gar moldo, te kras job kowa. Ninna te kram gar latcho un tchatcho koowa, his o Debles i baro dji menge. Doleske thowas lo mari doosh mendar tele, un mer wam leskre tchawe. Kau newo djipen das men o Debleskro Ducho.