Bičepangre 1:4 - O Debleskro Drom 2021 (Sinte)

⁴ Har job lentsa khetne his, penas job lenge soreles: “Atchenn an o foro Jerusalem, un djan gar krik, jaake rah har bitchras miro dad an o bolepen gomme gar peskro Ducho ap tumende, jaake har penom les tumenge.

O Debleskro Lab 2024 (Sinte-Manouche)

⁴ Har yob lentsa khetne his, penas yob lenge zoreles: “Ačenn an o foro Yerusalem, oun djan gar krik, yaake rah har bičras miro dad an o bolepen gomme gar peskro Dourho ap t'mende, yaake har penom les t'menge.

Bičepangre 1:4 Iomraidhean Croise

4. Mose 9:22

Te atchas koi wolka dui diwessa, jek tchon, ninna budeder tsiro pral o kheer tardo, jaake atchan i Israelitarja, un djan gar dureder. Un te hadas pes koi wolka, djan jon dureder.

Mateo 10:20

Tumer han gar kolla, kai rakrenna. Kowa hi o Debleskro Ducho, kai dran tumende rakrella.

Louka 11:13

Ninna te han tumer tchilatche menshe, denn tumer tumare tchawen latcho koowa. Har bud budeder dell tumaro dad an o bolepen peskro Ducho kolende, kai les mangenna.”

Louka 12:12

O Debleskro Ducho sikrell tumen ap ko tsiro, hoi tumer hunte penenna.

Louka 24:49

Un me bitchrau tumenge koles, kolestar miro dad penas, te well job pash tumende. Atchenn an o foro Jerusalem jaake rah, bis te lan i soor dran o bolepen!”

Johanni 14:16

Un me mangau o dadestar, te bitchrell job tumenge i rakepaskres, kai well ap tumari rig. Job djal buder gar krik tumendar.

Johanni 15:26

Te hom pash o dadeste, palle bitchrau tumenge o rakepaskres, kai wella ap tumari rig. Kowa hi o Debleskro Ducho. An leste hi o tchatchepen. Job wella o dadestar, un penell o tchatchepen pral mande.

Johanni 20:22

Un har job kowa penas, phurdas job ap lende, un penas: “Lenn o Debleskro Ducho!

Johanni 7:39

Job penas kowa pral o Debleskro Ducho, hoi kolla lenna, kai ap leste patsenna. O Debleskro Ducho his gomme gar koi. Ap ko tsiro his o Jesus gomme gar pash o Debleste an o bolepen, te bitchras lo les ap lende.

Bičepangre 10:41

Job mukas pes gar i tsele menshendar te dikell. Na-a. Men rodas o Dewel win, te dikas les. Un har job i mulendar djido was, cham un pijam mer leha. Kowa penah i menshenge, un kowa hi tchatcho.

Bičepangre 2:33

Un o Dewel kras les rai pral halauter, un tchiwas o Debleskro Ducho ap leste, jaake har job penas. Un ko Debleskro Duches tchiwas o Jesus ninna ap mende. Kawa shunenn un dikenn tumer kate.