Bičepangre 1:10 - O Debleskro Drom 2021 (Sinte)

¹⁰ Har jon leske palla dikan, har job an o bolepen djas, his dui mursha an bijale ripja pash lende tardo.

O Debleskro Lab 2024 (Sinte-Manouche)

¹⁰ Har yon leske palla dikan, har yob an o bolepen djas, his douy morsha an biyale ripya pash lende tardo.

Bičepangre 1:10 Iomraidhean Croise

2. Rajengro liil 2:10

O Elija penas: “Tu mangal pharo koowa. Te dikeh tu, har me krik lino wau, leh tu kowa. Te dikeh man gar, leh tu kowa gar.”

Daniel 7:9

Un me dikom har bare rajengre beshepangre pre-tchiddo wan. Un jek, kai bud phuro his, beshas pes. Leskro ripen his parno har gib. Un leskre balla ap leskro shero his parno har bakrengro bal. Un leskri beshepaskri his har i bari jag. Un i rade tel i beshepaskri his har i jag, hoi pre un tele djal.

Mateo 17:2

Un glan lengre jaka las lo i bolepaskro railepen. Leskro mui was har o kham. Un leskro ripen was bijalo har i bari momeli.

Mateo 28:3

Leskro mui chatchas har i soreli momeli. Un leskro ripen his parno har i gib.

Markus 16:5

Un jon djan an o mulengro kheer dren. Kote dikan le i terno murshes ap i tchatchi rig beshdo, koles his trul peste i lengsto bijalo ripen. Un jon trashan.

Louka 24:4

Har jon koi tardo his, un djinan gar, hoi te krenn le, his kote ap jek kopo dui mursha tardo. Un lengre ripja his railes bijalo.

Johanni 20:12

Kote, kai o Jesus tchiddo his, dikas joi dui bolepangren an parne ripja beshdo. Ko jek his kote, kai leskro shero tchiddo his, un ko wawar, kai leskre herja his.

Bičepangre 10:3

His i diwes. His trinenge. Koi dikas ko mursh i Debleskro bolepaskres, har kowa pash leste dren was. Ko bolepaskro penas ap leste: “Kornelio!”

Bičepangre 10:30

Koi penas o Kornelio: “Glan star diwessa, his trinenge, mangom o Debles an miro kheer an. Koi his ap jek kopo i mursh glan mande tardo. Koleskre koola his bijalo.

Debleskro tsiro 3:4

Ninna te hi gar bud patsle an o foro Sardes, kai djan ap miro drom, hi sawe patsle mank tumende, kai kran pengre koola gar tchiklo. Kolla hi moldo, te wenn le rido an parne koola, un djiwenn mantsa an o bolepen.

Debleskro tsiro 7:14

Un me penom ap leste: “Miro rai, tu djineh les.” Un job penas ap mande: “Kolla wan soreles palla lino, un wan win dran ko pharo tsiro. Un jon thowan pengre ripja, un kran len parno an o terno bakreskro rat.”