1. Samuel 5:3 - O Debleskro Drom 2021 (Sinte)

³ Un har i menshe an o foro Ashdod o wawar diwes taissarlakro pre stan, kote hatsan le o Dagon ap peskro mui tchiddo ap i phub glan o mochton, kai o baro Debleskre deesh laba dren hi. Un jon lan o Dagon un tchiwan les pale kote tardo, kai his lo.

O Debleskro Lab 2024 (Sinte-Manouche)

³ Oun har i menshe an o foro Ashdod o vavar dives taysarlakro pre stan, kote hatsan le o Dagon ap peskro mouy čiddo ap i phoub glan o morhton, kay o baro Debleskre deesh laba dren hi. Oun yon lan o Dagon oun čivan les pale kote tardo, kay his lo.

1. Samuel 5:3 Iomraidhean Croise

1. Rajengro liil 18:26

Kote lan jon ko gurum, hoi dan le len, maran les, tchinan les khetne un tchiwan les ap o kasht, un kharan o Baales taissarlakro bis mashkral-diwes un penan: “Baal, shun ap mende!” Kek rakepen was, kek rakras ap lende. Un jon khelan trul pengri chatchepaskri, kai jon penge kran.

Debleskri gili 115:7

Len hi wasta, un jon nai taprenn tchi an. Herja hi len, un jon nai djan gar. Kek gole well dran lengri meen.

Debleskri gili 97:7

Ladj ap kolende, kai krenn penge wawar debla, un sharenn pen pengre mule deblentsa! Perenn tele ap i phub, tumer wawar debla, glan o baro Debleste!

2. Mose 12:12

Un me djau an kaja rat mashkral o tselo them Egiptia, un dau i tsele mursh tchawen temerl, kai hi i phureder tchawe pengre dajendar, kolla, kai i menshestar, ninna i viechestar boldo wan. Jaake dau me kolende lauterende i phagi, kai kharenn pen dewel, un kolen i Egiptarja an-mangenna. Me hom o baro Dewel.

Jesaja 19:1

Kate sikrell o Dewel, hoi pral o them Egiptia wella: O baro Dewel ulerell ap i sik wolka un well pral o them Egiptia. Un i tsele chochene debla an Egiptia trissenna glan leste. Un i Egiptarenge perell o dji an i cholopja.

Jesaja 40:20

Jek, kai hi tchorwelo, rodell peske i kasht, hoi sorelo atchell, un anell les pash i mursheste, kai haiwell mishto o kashteha te budrell, te krell lo leske i figura, hoi gar trujel perell.

Jesaja 41:7

O budepaskro, kai kras i figura, penell ap koleste, kai tchiwell sonakai trul late: Ko kral tu mishto! Un kowa, kai das o sonakai sano, penell ap koleste, kai kol kotja khetne tchiwas: Hi mishto jaake! Ko rikrell. Un jon denn saster an koi figura, te atchell li soreles tardo.

Jesaja 46:7

Jon hadenn les ap pengri phik, un hidjrenn les trujel, un tchiwenn les pale pale ap leskri platsa. Un kote hi lo tardo, un djal fun kokres gar dureder. Dell jek gole ap leste, rakrell lo gar pale, krell peskro mui gar pre, un djal gar koi, te lell lo les win dran i bibacht.

Jeremia 10:8

Lauter hi jon dinelo un narwelo, kolla, kai mangenn o kasht an. Kol debla nai sikrenn lende tchi.

Zefanja 2:11

Kanna krell o baro Dewel lenge bari daar, te krell lo i chochene deblen ap i tseli phub paash. Un an hake themma witsrenn pen i menshe glan leste tele, hakeno an peskro them.

Markus 3:11

Un har kol menshe, kai benga an lende his, les dikan, peran jon glan leste tele, un dan gole: “Tu hal o Debleskro tchawo!”

1. Samuel 6:1

Un o mochton o baro Deblestar his efta tchonna an o them Filistia.