1. Samuel 4:3 - O Debleskro Drom 2021 (Sinte)

³ Un har i lurde pale ap pengri platsa wan, putchan i phureder dran Israel: “Hoske kras o baro Dewel, te dan men i Filistarja kau diwes? Mer te las o mochton dran Shilo pash mende, kai o Debleskre deesh laba dren hi. Palle hi o baro Dewel mashkral mende, un lell men win dran i wasta kolendar, kai kurenn pen mentsa.”

O Debleskro Lab 2024 (Sinte-Manouche)

³ Oun har i lourde pale ap pengri platsa van, poučan i phoureder dran Israel: “Hoske kras o baro Devel, te dan men i Filistarya kava dives? Mer te las o morhton dran Shilo pash mende, kay o Debleskre deesh laba dren hi. Palle hi o baro Devel mashkral mende, oun lell men vin dran i vasta kolendar, kay kourenn pen mentsa.”

1. Samuel 4:3 Iomraidhean Croise

2. Samuel 15:25

Palle penas o baro rai ap o Zadok: “An ko mochton an o foro pale pale. Te kamell o baro Dewel mange latches te well, anell job man pale pale, te dikap ko mochton pale un o kheer, kai lo tardo hi.

1. Familjakro liil 17:1

Har kanna o David an peskro kheer djiwas, penas lo ap o Debleskro rakepaskro, o Natan: “Me djiwau an i kheer dran zedertikro kasht, un o mochton, kai i deesh laba o baro Deblestar dren hi, hi tardo an i plachteno kheer. Hi kowa mishto?”

Debleskri gili 74:1

Giwede laba o Asafestar. Maro Dewel, hoske tchiwal tu men pale hako tsireske? Hoske hal tu jaake chojedo pral mende? Tu hal maro bakrengro, un mer ham tire bakre!

Debleskri gili 74:11

Har rah rikreh tu tut pale, un sikreh len gar tiro wast?

Jesaja 50:1

Kawa penell o baro Dewel: Kai hi ko liil, hoi me hunte tchinoms, kai dren tardo hi, te mukom me tumari dat? Koon hi kowa, pash koleste man sijaan wals un tumen leske bikroms. Dran tumari doosh han bikedo. Tumer peran miro dromestar tele. Doleske hi tumari dai muklo.

Jesaja 58:3

Bud kope cham tchi, penenn le, te dikess latches ap mende. Hoske dikeh tu kowa gar? Mer rikram men pale o chapastar, un tu haiweh kowa gar! Dikenn, penell o baro Dewel, ap ko diwes, kai tumer mange tchi chan, krenn tumer, hoi tumenge mishto hi, un rikrenn tumare budepangre tele.

Jesaja 59:1

Dik, o baro Debleskri mussi hi lengsto doha, te nai lell lo tumen dran o tchilatchepen win! Un leskre kanda hi gar pandlo, te nai shunell lo gar.

Jesaja 59:2

Na-a, tumari doosh, hoi ap tumende lan, hi tardo mank tumende un tumaro Debleste. Dran ko tchilatchepen, hoi kran, khatrell lo peskre jaka tumendar, un doleske shunell job gar.

Jeremia 3:16

Un an ko tsiro, kai wan tumer bud menshe, un djiwenn an o tselo them, koi penell buder kek tumendar: ‘Anenn o Debleskro mochton, te well o baro Dewel pash mende.’ Kekeske well kowa an o shero, kek putchell koi pal, un tumenge hi jek, kai hi lo krik. Un kek krell i newo. Ko penell o baro Dewel.

Jeremia 7:4

Ma patsenn kol chochene laba, te penenn jon: ‘Kate hi o baro Debleskro kheer, kai djiwell lo. Awa, kate hi o baro Debleskro kheer!’

4. Mose 10:33

Jaake mukan le o baro Debleskri berga pal pende un djan triin diwessa dur. Un kolla, kai hidjran o sonakaskro mochton, kai o baro Debleskre deesh laba dren hi, djan glan lende un sikran lende, kai atchenn le tardo.

4. Mose 10:35

Un har djas ko sonakaskro mochton dureder, penas o Mose: “Baro Dewel, ste pre, un trade kolen krik, kai kamenn tuke tchilatchepen! Kre, te nashenn le halauter penge tutar!”

4. Mose 31:6

Un o Mose bitchras len an o kurepen. Lentsa djas o Pinhas, koleskro dad o rashai Eleasar his. Un o Pinhas las o Debleskro koowa peha, ninna kol kurepaskre phurdepangre.

5. Mose 29:24

Un lenge well penlo: Doleske, kai phagan le koi sowel, hoi o baro Dewel, ko Dewel lengre phurendar, lentsa dren djas, un rikran pen buder gar ap kowa, hoi job lentsa win kras, har job len dran o them Egiptia win anas.

5. Mose 31:26

“Lenn kau tchatchepaskro liil, un tchiwenn les ap i rig pash o mochton, kai o baro Debleskre deesh laba dren hi, te sikrell lo len, hoi wella, te rikrenn le pen gar ap kol laba.

2. Timoteo 3:5

Kolla krenn jaake, har te wans le patslo. Jon prindjrenn gar koi soor, hoi well dran o tchatcho patsepen. Rike tut sawe menshendar pale!

Hebrearja 9:4

An i palstuni isema his o sonakaskro bob tardo, kai kutch gudlo kasht pral pre chatchedo was, hoi mishto sungella. Koi his ninna o sonakaskro mochton. An leste his o sonakaskro khoro, kai his ko maro dren tchiddo, hoi Manna kharella. An ko mochton his ninna o Aroneskro kasht, hoi senelo was, ninna kol dui tchinle barra. Ap kolende his i deesh Debleskre laba tchinlo, hoi o Dewel peskre menshentsa win kras.

Josua 4:7

Palle penenn tumer lenge: ‘O pani dran o Jordan atchas tardo glan o mochton, kai o baro Debleskre deesh laba dren his, har was o mochton mank o pani ap i wawar rig hidjedo. Un kal barra hi kate, te bistrenn i Israelitarja kowa kek tsireske.’”

Josua 6:6

Un o Josua, koleskro dad o Nun his, das i rashajen pash peste gole, un penas ap lende: “Anenn o mochton, kai o Debleskre deesh laba dren hi! Un efta tumendar hidjrenn hakeno jek phurdepaskri un djan glan ko mochton.”

Josua 7:7

Un o Josua penas: “Ach, Rai, mo baro Dewel! Hoske anal tu kal menshen pral o pani Jordan, te deh tu men kate an o wast kol menshendar Amor, te denn kolla men mulo? Ach, te atchams kote ap i wawar rig o panjestar Jordan!

Josua 7:8

Hoi te penap me, mo rai, kanna kai o Israel peske nashas kolendar, kai kamenn les te marell?

1. Petro 3:21

Jaake har wan kol ochta menshe win lino dran o merepen, jaake djas tumenge kanna ninna, har wan tumer taufedo. Kote was gar koi tchik tumendar tele thodo. Na-a! Koon mukell pes te taufrell, kowa mangell o Debles, te dell lo les i djudjo dji. Kowa nai dell o Dewel leste doleske, kai stas o Jesus Kristo i mulendar pre un djas an o bolepen. Kanna hi lo beshdo ap i tchatchi rig o Deblestar, un hi o rai pral i tsele bolepangre, un pral i tsele pralstune un sorele an o bolepen.

Judas 1:5

Ninna te djinenn tumer kowa lauter, kamau, te bistrenn gar, har o Dewel, maro rai, peskre menshen dran o them Egiptia win las. Un ap i wawar tsiro maras lo kolen, hoi gar patsan.

1. Samuel 1:24

Un har job phuro doha his, las li les peha, un djas leha pre an o foro Shilo. Un las koi pashel jek triin-bershengro gurum un deesh kilogramme jarro un jek ledertikro gono pherdi mool, un anas kowa pash o baro Debleskro kheer. O tchawo his gomme terno.

1. Samuel 14:18

Kote penas o Saul ap o Achija: “An o rashajeskri damdira kai!” An ko tsiro hidjras o Achija koi damdira glan i Israelitarja.

1. Samuel 4:2

Un i Filistarja djan ap i Israelitarjen pre. Un o kurepen was pharo. Un i Filistarja dan i Israelitarjen jaake phares, te meran lendar star-serja (4.000) mursha an kau marepen.