1. Samuel 2:3 - O Debleskro Drom 2021 (Sinte)

³ Mukenn tele tumaro sharepah! Ma krenn tumen bares! Mukenn buder kek pre-phurde laba dran tumaro mui win! O baro Dewel hi i Dewel, kai kowa djinell. Un kowa, hoi i menshe krenna, lell job an o jak un penell, hoi kowa molella.

O Debleskro Lab 2024 (Sinte-Manouche)

³ Moukenn tele t'maro sharepah! Ma krenn t'men bares! Moukenn bouder kek pre-phourde laba dran t'maro mouy vin! O baro Devel hi i Devel, kay kova djinell. Oun kova, hoy i menshe krenna, lell yob an o yak oun penell, hoy kova molella.

1. Samuel 2:3 Iomraidhean Croise

1. Rajengro liil 8:39

palle shun tu, kai djiweh an o bolepen. Biste leskri doosh un ab ap leskri rig! De hakeneste pal kowa, har job djiwas. Tu prindjreh hakeneskre dromma, un tu kokres dikeh hakeneske an o dji.

Hiob 31:6

Me mangau o Debles, te dikell lo palla an o tchatchepen: Lom me doosh ap mande oder gar? Palle dikell lo, te hom an o tchatchepen tardo.

Debleskri gili 147:5

Baro hi o Dewel, maro rai, un les hi bari soor. Kowa lauter, hoi job an peskro goswepen krella, haiwah nai gar.

Debleskri gili 17:10

Lengre djia pandenn le, te khaitell len kek, un pengro mujeha krenn le pen bares.

Debleskri gili 31:18

Baro Dewel, muk man gar tchitcheske gole te dell ap tute! Kre, te ladjenn pen i tchilatche! Jon mu djan tele un merenn! Palle nai rakrenn le buder gar,

Debleskri gili 44:21

Bistrams mer tut, maro Debles, un mangams i wawar debles an,

Debleskri gili 75:5

Me penom ap kolende, hoi pen bares krenn: ‘Ma phurdenn tumen jaake pre!’ Un ap i tchilatchende penom: ‘Ma hadenn tumen!

Debleskri gili 94:4

Bare laba krenn le, sharenn pen kokres, kolla lauter, kai krenn i wawarenge tchilatchepen.

Gosewe laba 16:2

Hako drom hoi i mursh djal, hi an leskre jaka tchatcho, o baro Dewel dikell dur an leskro dji.

Gosewe laba 24:12

Te peneh tu: Mer djinam kowa gar! Palle djiness: Kowa, kai an i djia dikell, haiwell les. Un kowa, kai ap tiro djipen jak dell, kowa djinell les. Un job dell o menshes kowa pale, hoi lo kras.

Gosewe laba 8:13

Kowa, kai kamell o baro Debleha te djiwell, kowa kamell o tchilatchepen gar glan peskre jaka te dikell, kowa dikell gar tele ap o wawareste un phurdell pes gar pre, kowa djal gar i tchilatcho drom, un rakrell kek chochepen.

Jesaja 26:7

Tu kreh kolenge, kai o tchatchepen krenn, o drom, un leh krik, hoi lenge an o drom tchiddo hi.

Jesaja 37:23

Koon hi kowa, pral koleste tchilatche laba rakral? Un kones tire labentsa praassal? I pre-phurdo hal, un ap mande tele dikal, pral o Israeleskro Debleste tut hadal!

Jeremia 17:10

Me, o baro Dewel prindjrau o mensheskro dji, un dikau dur dren an kowa, hoi an leste hi, un dau hakeneste pal kowa, hoi job kras.

Ezekiel 35:13

Jaake phurdan tumen pre, un tumaro baro mujeha hadan tumen pral mande. Me shunom halauter.

Daniel 5:27

‘Tekel’ kharell ‘ap i waga tchiddo’. Tu wal ap i waga tchiddo, un hal gar phares doha.

Maleachi 3:13

Tumer rakrenn djungelo koowa pral mande, penell o baro Dewel. Tumer putchenn: ‘Hoi penam pral tute?’

Hebrearja 4:12

O Debleskro lab hi djido un sorelo, un tchinell sorleder har i charo, hoi tchinell ap dui rigja. Jaake har tchinell i charo dur dren an o mass, ninna an i kokale, jaake tchinell o Debleskro lab dur dren an o mensheskro dji, un sikrell leste, hoi hi latcho un tchilatcho an leskro djipen.

Josua 22:22

“O baro Dewel hi bareder har i tsele wawar debla! O baro Dewel hi bareder har i tsele wawar debla. Job djinell un tumer hunte djinenn kowa ninna: Mer mukam les gar un hadam men gar pral leste. Te hi kawa gar o tchatchepen, nai denn men mulo.

Debleskro tsiro 2:23

Un kolakre tchawen dau mulo. Palle haiwenn i tsele patsle, te hom me kowa, kai halauter prindjrella, hoi i menshen an o shero un an o dji hi. Un hakeno, kai tchilatcho koowa kras, kowa lell mandar koi phagi pal kowa, hoi job kras.

Čačepangre 9:38

Kote penas o Sebul ap leste: “Kai hi kanna tiro baro mui? Tu penal: ‘Koon hi o Abimelech, te mukas mer les maro rai te well?’ Hi kolla gar kol lurde, pral kolende tu jaake sal? Dja kanna koi, un kure tut lentsa!”

1. Samuel 16:7

O baro Dewel penas ap o Samuel: “Ma dik ap kowa, har job win dikella un har baro job hi! Koles rodom me gar win. O baro Dewel dikella gar ap kowa, kai i menshe pre dikenna. I menshe dikenn ap kowa, hoi glan lengre jaka hi, o baro Dewel dikella ap o dji.”