1. Mose 2:4 - O Debleskro Drom 2021 (Sinte)

⁴ Kowa hi ko liil, kai tchinlo hi, har o bolepen un i phub kerdo wan.

O Debleskro Lab 2024 (Sinte-Manouche)

⁴ Kova hi ko liil, kay činlo hi, har o bolepen oun i phoub kerdo van.

1. Mose 2:4 Iomraidhean Croise

1. Mose 5:1

Kowa hi ko liil, kai i laba tchinlo hi kol menshendar, kai wan pal o Adam. Ap ko diwes, har o Dewel o menshes kras, kras les lo jaake har job hi.

Debleskro tsiro 1:8

O baro Dewel penella: “Mandar was lauter. Un lauter wella pale glan mande. Man hi i tseli soor, un djiwau hako tsireske: kanna un an ko tsiro, hoi his un hoi wella.”

Hiob 38:28

Hi o brishin har i mensho, koles i dad hi? Un ko pani, hoi haki tsalla ap o senlepen tchiddo hi, hi koles i dad?

1. Rajengro liil 18:39

Har i tsele menshe kowa dikan, peran le ap pengre muja un dan gole: “O baro Dewel, job hi o Dewel! O baro Dewel, job hi o Dewel!”

2. Mose 15:3

I kurepaskro hi lo. Leskro lab hi tchatcho: ‘Baro Dewel’ kharell lo.

1. Mose 36:1

Kowa hi ko liil, kai tchinlo hi pral o Esau peskre tchawentsa. Job kharell ninna Edom.

1. Mose 1:31

Un o Dewel dikas halauter, hoi job kras, un tchatchepah halauter his mishto. Un was rati un pale taissarlakro. Kowa his o shobto diwes.

1. Mose 1:4

O Dewel dikas, kai ko diwes mishto hi. Un o Dewel das jek tsiro o diweske un jek tsiro i ratsjake.

Debleskri gili 18:31

I tsele dromma, kai o Dewel man anella, hi latcho. Leskre laba hi latcho un tchatcho. Job rikrell peskro wast pral hakeneste, kai well pash leste.

2. Familjakro liil 20:6

Un job penas: “Baro Dewel, tu Dewel mare phurendar, tu hal o Dewel an o bolepen un o rai pral i tsele raja un lengre themma ap kai phub. Un an tiro wast hi i soor un o penepaske pral halauter, un kote hi kek, kai nai well sorleder har tu.

2. Mose 6:16

O Levi his i wawar Israeleskro tchawo. Leskre tchawe hi: o Gershon, o Kohat un o Merari. Kolendar wan i Levitarja. Un o Levi was 137 (sheel-te-trijanda-te-efta) bersha phuro.

1. Mose 36:9

Kolla hi i laba kol menshendar, kai wenna pal o Esau. Jon hi i Edomarja, kai djiwan ap o pralstuno them Seir:

1. Mose 25:19

Kowa hi ko liil, kai tchinlo hi pral o Abrahameskro tchaweste Isaak.

1. Mose 25:12

Kowa hi ko liil, kai tchinlo hi i laba kol menshendar, kai wenna o Abrahameskro tchawestar Ismael. Koleskri dai his i Hagar dran o them Egiptia, koi budepaskretsa, kai budras i Sarake.

1. Mose 11:10

Kowa hi ko liil, kai tchinlo hi i laba kol menshendar, kai wan pal o Sem. Har o Sem 100 (sheel) bersha phuro his, was lestar o Arpaksad boldo. Kowa his dui bersha pal o baro pani.

1. Mose 10:1

Kowa hi ko liil, kai i laba tchinlo hi kol menshendar, kai wan o Noaheskre tchawendar: o Sem, o Ham un o Jafet. Kolenge wan tchawe boldo pal o baro pani.

1. Mose 1:28

Un o Dewel rakras latche laba pral lende win un penas: “Anenn bud tchawen ap i phub, te well i phub tumendar pherdo! Un awenn rai pral i phub! Awenn rai pral i matchende an o baro pani, pral i tchirklende an o bolepen, un pral hake viechende, hoi ap i phub hi!”

1. Mose 1:1

Glan i rah rah tsiro kras o Dewel o bolepen un i phub.

Debleskro tsiro 16:5

Un me shunom, har penas ko bolepaskro, koles i soor pral i panja hi: “Tu, o baro Dewel, djiweh kanna, har djiwal an o phuro tsiro. O tchatchepaskro Dewel hal tu. Kowa, hoi tu rakreh, hi mishto un tchatcho.

Debleskro tsiro 11:17

un penan: Mer parkrah men pash tute, maro rai. Tu hal o sorelo Dewel. Tu djiweh kanna har djiwal an o phuro tsiro. Tu sikral tiri bari soor, un wal o rai pral halauter.

Debleskro tsiro 1:4

Me, o Johanni, tchinau kau liil ap i tsele patslende, kai an i efta forja an o them Asia khetne wenna. Latchepen un bacht tumenge! Kowa dell tumen o Dewel! Job djiwella hako tsiro: kanna un an ko tsiro, hoi his un hoi wella! Latchepen un bacht tumenge! Kowa dell tumen o Debleskro Ducho! Kowa hi har efta jaga glan o Debleskro beshepaskro tardo.

Jesaja 44:6

O baro Dewel, ko rai pral o Israel, kai ginas les win dran i tchilatche wasta, – job, kai hi o rai pral o bolepen un i phub, penell: Me hom o glanstuno un me hom o palstuno, un dell kek wawar debles har man kokres.

Debleskri gili 86:10

Tu hal baro un kreh baro koowa, hoi kek wawar nai krella. Tu kokres hal o Dewel.

1. Mose 1:3

Un o Dewel penas: “Mu well diwes!” Koi was diwes.

1. Mose 2:3

Un o Dewel penas: “Ko eftato diwes hi i baro diwes mange. Ko diwes hi miro.” Ap o eftato diwes his leskri budi halauter kerdo, un job budras buder gar.

Hiob 38:4

Kai hals tu, har me i phub krom? Pen les mange, te djineh les tu?