Zefanja 3:5 - O Debleskro Lab 2024 (Sinte-Manouche)

⁵ Kova lauter krenn le, ninna te djivell o baro Devel mank lende. Yob krell kek čilačepen. Oun leskro čačepen ačell zoreles tardo. Yaake har hako dives o kham pre djal, yaake sikrell lo hako dives, har te djivenn le an o čačepen. Kol čilače menshe krenn pale te pale djoungelo koova, oun ladjenn gar.

O Debleskro Drom 2021 (Sinte)

⁵ Kowa lauter krenn le, ninna te djiwell o baro Dewel mank lende. Job krell kek tchilatchepen. Un leskro tchatchepen atchell soreles tardo. Jaake har hako diwes o kham pre djal, jaake sikrell lo hako diwes, har te djiwenn le an o tchatchepen. Kol tchilatche menshe krenn pale te pale djungelo koowa, un ladjenn gar.

Zefanja 3:5 Iomraidhean Croise

1. Mose 18:25

Ko nashte kreh tou gar, te dess kolen temerl, kay kek čilačepen kran – khetne kolentsa, kay čilačo hi. Yaake te djal koleske, kay an o čačepen tardo hi, har koleske, kay čilačo hi. Tou hal o čačepaskro ray pral i tseli phoub. Kameh tou čomone te krell, hoy gar mishto oun čačo hi?”

Hiob 34:10

Doleske, t'mer morsha, kay yaake boud hayvenn, shounenn ap mande! An kek tsiro krell o zorelo Devel i čilačo koova. Hako tsiro hi lo an o čačepen tardo!

Hiob 7:18

Haki tsalla dikeh ap leste, oun moukeh les gar i tikno tsireske dran tiro yak, te dikess palla, har oun hoske yob kova kras, hoy lo kras?

Hiob 8:3

Patseh čačepah, te krell o zorelo Devel gar, hoy mishto oun čačo hi? Patseh, te rissrell lo peskre čačepaskre laba trouyel?

Debleskri gili 145:17

An lauter, hoy o baro Devel krell, djal lo pal o čačepen. An lauter, hoy krell lo, hi lo lačo.

Debleskri gili 37:6

Oun yob moukell tiro čačepen pre te djal har o kham, oun moukell tiro čačepen diklo te vell har o kham mashkral o dives.

Debleskri gili 92:15

Ninna te venn le phouro, hi le zenele, pherdi zoor, oun roukengre venn ap lende baro.

Jesaja 12:6

Givenn oun denn gole i barhtyatar, t'mer, kay djivenn an o foro Sion. O Israeleskro Devel hi bares mashkral t'mende.

Jesaja 28:19

Hako kopo, kay venn le, taprenn le t'mendar oun anenn t'men krik, nay vell ap o dives oun ninna an i rat. Te hayvans t'mer, hoy shounenn, palle ačals t'menge o rakepen krik i trashatar.

Jesaja 33:2

Baro Devel, ab lačes menge! Ap toute dikah. De men zoor hako dives! An ko pharo tsiro le men vin dran i bibarht!

Jesaja 45:21

Avenn oun sikrenn, te hi t'men čačo. Rakrenn khetne oun krenn vin, hoy kamenn te penell! Koon hi kova, kay moukas glan i rah tsiro te shounell, hoy kanna djal? Koon penas kova glan-vi? Homs me kova gar, o baro Devel? Oun dell kek vavar Devel har man. Me hom i Devel, kay o čačepen penell oun krell. Oun i Devel, kay dran o merepen vin lell, hom me kokres oun kek vavar.

Jesaja 50:4

O baro Devel, miro ray, das man i čip har i siklen yek hi, te djinap, har te rakrap lačes kolentsa, kay khino hi. Taysarlakro djangrell lo mire kanna pre, te shounap har yek, hoy lestar siklo vell.

Jeremia 21:12

T'mer dran o Davideskri familya! Kova penell o baro Devel: Hako dives, te rakrenn o čačepen vin, denn yak, te lell hakeno peskro čačepen! Oun lenn kolen, kay van tele rikedo, dran kol čilačengre vasta vin! Te krenn kova gar, vell miri rholi pral t'mende, har i yag, kay nay krell kek vin. T'mer kran yaake boud čilačepen!

Jeremia 3:3

Doleske dell kek brishin an o vend, vitar gar an o niyal. Tou dikeh vin har i loubni oun kameh tout gar te ladjell.

Jeremia 6:15

Yon hounte ladjans pen ko djoungelo koveha, hoy yon kran. Kova krenn le gar. Yon ladjenn gar. Yon djinenn gar, hoy ladj hi. Doleske venn yon maredo khetne kol vavarentsa. Te vau me, oun dau len i phagi, ačell kek lendar djido, penell o baro Devel.

Jeremia 8:12

Yon hounte ladjans koleske hoy yon kran, koveha man rhoyran. Kova krenn le gar. Yon ladjenn gar. Hoy ladj hi, djinenn le gar. Doleske venn yon maredo khetne kol vavarentsa. Te vau me, oun dau len i phagi, hounte perenn le, penell o baro Devel.

Ropaskre gilja 3:23

Haki tsalla hi menge leskro kamlepen oun lačepen neves koy. Kova hi yaake čačo, har o kham pre djal!

Ezekiel 18:25

T'mer penenn: O Devel djal gar pal o čačepen. Shounenn, t'mer dran o kheer Israel! Djau me gar pal o čačepen? Hi gar yaake, te han t'mer kolla, kay djan gar pal o čačepen?

Ezekiel 48:35

Kal star rigya o forestar hi khetne enya (9) kilometarya lengsto. Foun ko tsiro vell o foro kharedo: O baro Devel hi kay!

Hosea 14:9

Palle penell o Efrayim ap mande: Hoy te krap kanna i moule deblentsa? Me shounau oun dikau ap toute. Me hom har i baro zenelo rouk. Kova, hoy ap mande bares vell, vell toutar.

Hosea 6:5

Doleske bičrom t'menge mire rakepangre. Oun lengro rakepah dau me t'men khetne, oun marau t'men mire labentsa, hoy venn dran miro mouy. Miro čačepen vell glan har o kham.

Micha 3:11

T'mare čačepangre morsha moukenn pen te makell. T'mare rashaya lenn love koleske, hoy le i menshenge penenn. Oun i lovenge penenn o Debleskre rakepangre, glan-vi, hoy vella. Oun t'mer penenn: “O baro Devel hi ap mari rig. Kek bibarht nay vell pral mende.”

Micha 7:9

Djinau, me moukom o baro Debleskro drom. Doleske vas leskri rholi ap mande. Me hidjrau lat, bis te lell yob miro koova an leskro vast, oun dell man miro čačepen. Yob sikrell man peskri momeli, te dikap, har lačo yob ap mande hi.

Habakuk 1:3

Hoske moukeh tou man savo čilačepen te dikell? Hoske dikeh tou, har i menshe doukedo venna, oun kreh či? Kay dikau, dikau čorepen oun djoungelo koova, kourepen oun čingepen.

Zefanja 2:1

T'mer menshe, kay kamenn pen gar te ladjell! Dikenn dren, hoy kran! Oun avenn pale pash o baro Debleste,

Zefanja 3:13

Oun kol pral-moukle menshe an o them Israel krenn kek čilačepen, oun rhorhenn gar, oun rakrenn gar douy čipyentsa. Lenge djal mishto, oun yon djivenn kote kek daryah.

Zefanja 3:15

O baro Devel las t'mari phagi t'mendar krik, oun tradas kolen krik, kay rikran t'men tele. O baro Devel hi o baro ray pral Israel, oun hi pash t'mende. T'mer hounte trashenn bouder kek bibarht.

Zefanja 3:17

T'maro baro Devel hi pash t'mende, yob hi zorelo oun hi ap t'mari rig. Leskro dji givell pral t'mende, oun yob hi t'menge lačo. T'mari doosh lell lo t'mendar krik an peskro baro kamlepen, oun yob dell gole i barhtyatar pral t'mende,

Zakarie 2:5

An i vavar dikepen dikom i terno morshes i doryah an peskro vast, te dikell lo pal, har baro čomone hi.

Zakarie 9:9

Ab barhtelo, tou foro Sion! Denn gole i barhtyatar, t'mer menshe an Yerusalem! Dikenn, t'maro baro ray vella pash t'mende! Yob anell o čačepen, oun vell ap t'mari rig. Yob krell pes gar bares, oun klissell ap i bourika, ava, ap i terni bourika.

Louka 12:2

Vell o dives, kay vell kova diklo, hoy kanna khatedo hi. Vell o dives, kay djinell hakeno kova, hoy kanna kek djinella.

Remarja 2:5

Oun tou kameh gar pash leste te vell. Tiro dji hi har bar. Doleske vell o Debleskri rholi baro oun bareder, hoy ap toute vella ap ko dives, kay hi o Devel o čačepaskro ray oun rakrell o čačepen vin pral i tsele menshende.

Remarja 3:26

I rah tsiro rikras o Devel peskri rholi pale, oun das len kek phagi. Kanna, ap kava tsiro meras o Yezous lenge, oun las lengri phagi ap peste. Yaake sikrell o Devel peskro čačepen. Yob hi čačo. Ninna krell lo koles čačo, kay ap o Yezous Kristeste patsella.

1. Korintarja 4:5

Dran kova penau, ma penenn yekestar: Kova krell peskri boudi gar mishto. Kanna hi gar o čačo tsiro, te rakrenn yaake. Ap ko dives, kay vell maro ray Yezous pale, sikrell lo halauteren, hoy kanna khatedo hi. Oun lauter, hoy an o dji dren hi, vell palle diklo. Oun palle vell hakeno sharedo o Deblestar pal koy boudi, hoy yob kras.

5. Mose 23:14

Oun hakeno, kay djal kote, lell i kasht peha, hadell i tikni rheb vin, beshell pes, oun čakrell palle kova, hoy lestar vin djas.

5. Mose 32:4

Yob hi maro zorelo rikepaskro. Lauter, hoy yob krell, hi mishto. Leskre tsele dromma hi čačo. Maro Devel rikrell peskro lab; an leste hi kek čilačepen. Rhorhepen djinell lo gar.

1. Petro 1:17

O Devel hi o čačepaskro ray, kay rakrell o čačepen vin pral hakeneste pal kova, hoy yob kras. Oun o Devel dikell gar koy pre, koon ko mensho hi. Ap leste penenn t'mer: “Tata!” Doleske djivenn yaake, har yob kova kamella, yaake rah har t'mer kate ap i phoub djivenna.