Zefanja 3:19 - O Debleskro Lab 2024 (Sinte-Manouche)

¹⁹ O tsiro vella, kay dau i phagi halauterenge, kay t'men tele rikran, oun vau kolenge t'mendar ap i rig, kay doukedo hi. Oun anau kolen khere, kay vin tradedo van. Oun krau, te venn le sharedo oun hadedo an i tsele themma, kay i menshe rikrenn kanna či lendar.

O Debleskro Drom 2021 (Sinte)

¹⁹ O tsiro wella, kai dau i phagi halauterenge, kai tumen tele rikran, un wau kolenge tumendar ap i rig, kai dukedo hi. Un anau kolen khere, kai win tradedo wan. Un krau, te wenn le sharedo un hadedo an i tsele themma, kai i menshe rikrenn kanna tchi lendar.

Zefanja 3:19 Iomraidhean Croise

Jesaja 26:11

Baro Devel, tiro vast hadal dour pre, te dess len trad. Oun yon kamenn gar te dikell. Mouk len dren te dikell, havo kamlepen tout tire menshenge hi, te ladjenn le pen. Rhače len pre an tiri yagakri rholi, kolen kay kamenn tout gar.

Jesaja 33:1

Djungeles djal touke, kay tou lauter khetne dal, oun kokres val gar khetne dino. Djungeles djal touke, tou phoukepaskro, ap koleste kek phoukras. Pal kova, kay dal halauter khetne, veh tou ninna khetne dino. Pal kova, kay phoukral ap hakeneste, phoukrenn le ap toute ninna.

Jesaja 60:14

Oun i čave kolendar, kay rikran tout tele, venn pash toute, oun čivenn pen glan toute tele. Oun kolla, kay praasan tout, vitsrenn pen glan tire herya an i čik. Oun yon kharenn tout foro o baro Deblestar, oun Sion, o foro o Israeleskro Deblestar.

Jesaja 60:18

I kourepaskri gole vell gar bouder shounlo an tiro them. Paash-dine forya oun kourepen dell gar bouder koy. Na-a, mank tire massourya krell kek touke čilačepen, oun tou shareh man koleske.

Jesaja 61:7

T'mer hidjran bari ladj oun praasepen, doleske lenn t'mer kanna i baro them oun i barht, hoy ačella hako tsireske.

Jesaja 62:7

Yon denn yaake rah gole, bis te yob o foro Yerusalem pale pre tardo čivas, oun bis te yob les yaake kras, te vell o foro ap i tseli phoub sharedo.

Jeremia 30:16

Tou hounte djiness, kolla lauter, kay rhan tout, venn ninna rhalo. Oun lauter, kay kran tout daar, venn pandles krik anlo. Oun kolla, kay čoran tiro koova, venn ninna vin čoredo. Oun kolla, kay randan tout, venn ninna randedo.

Jeremia 30:19

Oun i menshe, kay djivenn kote, givenn sharepaskre gilya, oun denn gole i barhtyatar. Oun me dau len boud čave, te venn le boudeder. Me krau len rayles oun bares oun gar tikneder.

Jeremia 31:8

Ava, me, o baro Devel, anau len dran o them, hoy kote čiddo hi, kay norden hi. Oun anau len khetne dran i tsele themma ap i phoub, ninna kolen, kay korelo, bango oun an vavar koova hi, ninna i terne daya. Kolla lauter hi boud boud menshe, kay venn pale kay.

Jeremia 33:9

Palle vell o foro Yerusalem mange i foro, pral koleste barhtelo hom. I menshe an i tsele themma sharenn man, oun hadenn man, te shounenn le ko tselo lačo koova, hoy me o foreske Yerusalem krau. Lenge ačell o rakepen krik, oun yon krenn bare yaka, te dikenn le ko tselo lačepen oun koy tseli barht, hoy dau kava foreske.

Jeremia 46:28

Doleske, ma traash, Yakob, miro boudepaskro, penell o baro Devel. Me hom pash toute. Kol tsele natsyone, kay me tout tradom, moukau gar te djivell. Tout moukau te djivell. Dava hounte dap tout, har touke mishto hi. Kek daventsa nay moukau tout gar.

Ezekiel 16:27

Doleske hadom miro vast, te dap tout i phagi, oun lom touke i kotar them krik kolestar, hoy dom tout. Oun i djouvyenge an o them Filistia, kay his rhoyedo ap toute, dom tout an i vasta, te krenn le touha, har yon kamenn. Oun yon ladjan pral tiro vi-ladjedo djipen.

Ezekiel 16:57

Palle vas ko tsiro, kay dikas hakeno, har čilačo hals. Oun kanna dikenn i menshe an i themma Edom oun Filistia oun an i vavar themma, hoy troul toute hi, ap toute tele oun praasenn tout.

Ezekiel 34:16

Kolla, kay nashedo hi, rodau me. Oun kolla, kay nashran pen, anau me pale. Oun kolla, kay pen doukran, pandau i diklo trouyel. Oun kolla, kay nasselo hi, krau zoreles. Oun i thoullen oun zorelen lau an i yak. Me dau yak ap lende har mishto hi.

Ezekiel 39:13

Oun i tsele menshe an o them Israel paskrenn len. Koleske venn le sharedo i vavar menshendar ap ko dives, kay sikrau har baro oun raylo hom. Kova penell o baro Devel, maro ray.

Ezekiel 39:26

An ko tsiro, kay djivenn le pale kek daryah an pengro them, oun kek len traash krell, bistrenn le ko tsiro, kay vas bari ladj ap lende har moukan le man.

Micha 7:10

Kolla, kay rikrenn man tele oun poučenn mandar kay hi tiro baro Devel, yon hounte dikenn kova, oun hounte ladjenn. Oun mire yaka dikenn, har le khetne stakedo venna, har čik ap i drom.

Zefanja 3:15

O baro Devel las t'mari phagi t'mendar krik, oun tradas kolen krik, kay rikran t'men tele. O baro Devel hi o baro ray pral Israel, oun hi pash t'mende. T'mer hounte trashenn bouder kek bibarht.

Zakarie 8:23

Kova penell o baro Devel, ko ray pral o bolepen oun i phoub: “An ko tsiro venn deesh vi-themarya pash yek biboldo, taprenn les ap leskri baya, mangenn lestar oun penenn: Mer shounam, o Devel hi t'mentsa. Doleske mouk men t'mentsa te djal!”

5. Mose 26:19

Oun yob krell, te veh tou o pralstouno pral i tsele vavar natsyone, hoy yob kras, te vess hadedo, sharedo oun raylo. T'mer venn o baro Debleskre menshe, kay leske kokres koy hi, oun kek vavareske har lengro Debleske. Kova penas yob.”

Hebrearja 12:13

Ačenn ap o čačo drom, te venn kolla, kay gar zorelo hi, sasto an o patsepen, oun te perenn le gar ko dromestar tele!

Debleskro tsiro 20:9

Oun yon djan pral i tseli phoub, oun ačenn troul ko foro tardo, kay o Debleskre menshe djivenna. Kova hi ko foro, koles o Devel kamella o tselo djiyestar. Oun palle vell i yag dran o bolepen oun rhačrell kol tsele kourepangren pre.

Čačepangre 1:7

Koy penas o Adoni-Besek: “Efta-deesh bare rayenge moukom i pesse goushte lengre vastendar tele te dell oun ninna i bare goushte lengre pirendar. Oun yon hounte rhan, hoy miri rhapaskri tele peras. Oun yaake har me les lentsa krom, yaake das les man o Devel pale.” Oun yon anan les an o foro Yerusalem. Oun kote meras lo.