Zefanja 3:16 - O Debleskro Lab 2024 (Sinte-Manouche)

¹⁶ An ko tsiro vell penlo ap i menshende an o foro Yerusalem: Ma trashenn t'men, t'mer an Yerusalem! Ma moukenn t'mare vasta tele te perell!

O Debleskro Drom 2021 (Sinte)

¹⁶ An ko tsiro well penlo ap i menshende an o foro Jerusalem: Ma trashenn tumen, tumer an Jerusalem! Ma mukenn tumare wasta tele te perell!

Zefanja 3:16 Iomraidhean Croise

Hiob 4:3

Tou sikral boud menshen o čačo drom, oun kral khine vasta pale zoreles.

Jesaja 25:9

Ap ko dives penell hakeno: Dik, kova hi maro Devel! Ap koleste rikram men, te vell lo ap mari rig. Yob hi maro baro Devel, ap koleste men rikram! Givas i barhtyatar: Yob las men vin dran o merepen.

Jesaja 40:9

Tou, koy berga Sion, hal har i čay, kay anell i lačo lab. Tou, o foro Yerusalem, hal bičedo te aness barht. Dja pre ap i bari berga! De zoryah gole, oun ma dare! Dja pre ap i bari berga! Pen ap i forya an o them Youda: “Ake, t'maro Devel!”

Jesaja 41:10

Ma dare! Me hom touha! Ma dik darenes! Me hom tiro Devel! Me krau tout zoreles, me vau ap tiri rig, ava, me rikrau tout miri čači moussyah, hoy krell tout zorleder har i vavar.

Jesaja 44:2

Kova hi, hoy me, o baro Devel, touke penau: Me krom tout oun dom tout o djipen har gomme gar boldo hals; me hom ap tiri rig. Ma dare, miro boudepaskro Yakob, tou Israel, koles me mange vin rodom!

Jesaja 54:4

Ma dare! Tou veh gar vi-ladjedo koy tardo! Moukau kekes, te sal lo pral toute. Doleske ma ladj tout! Tou bistreh koy ladj, hoy ap toute his, har terno hals. Oun ko tsiro, har tiro rom meras, vell touke bouder gar an o shero.

Joel 2:21

Tou them, ma dare! Ab barhtelo oun giv koleske, hoy o baro Devel touke lauter kras.

Zakarie 8:13

T'mer menshe dran o them Youda oun dran o them Israel, hans i menshenge an vavar themma har menshe, ap kolende i bibarht čiddo hi. Kanna krau t'mentsa yaake, te dikenn le miri barht ap t'mende. Doleske ma darenn! Krenn t'mare vasta zoreles!”

Zakarie 8:15

Kanna kamau lačepen te krell ap o foro Yerusalem oun ap o kheer Youda. Doleske ma darenn!

Johanni 12:12

O vavar dives shounan kol boud menshe, kay ap ko Passa van, kay o Yezous an o foro Yerusalem vella.

2. Korintarja 4:1

O Debles hi i baro dji menge, oun das men kay boudi, te sikras i menshende leskro drom. Doleske vah gar khino, te kras kova.

Galatarja 6:9

Dikas, te vas gar khino, te kras lačo koova. Vell ko tsiro, kay lah ninna lačo koova.

Efesarja 3:13

Doleske mangau t'men: Ma avenn gar khino an t'maro patsepen, ninna te shounenn t'mer, kay me t'menge stildo hom. Kova, hoy lau ap mande, sikrell t'mende, har boud t'mer mange moldo han.

Hebrearja 12:12

Doleske avenn pale zoreles! Hadenn t'mare vasta pale pre, hoy khino van! Krenn t'mare herya pale zoreles, an lende bouder kek zoor hi!

Debleskro tsiro 2:3

T'mer dan t'maro patsepen gar pre, oun lan i pharo djipen mange ap t'mende, oun t'mer van gar khino an t'mari boudi mange.