Zefanja 2:7 - O Debleskro Lab 2024 (Sinte-Manouche)

⁷ Kava kotar them pash o baro pani vell kolende dino, kay ačan djido dran o kheer Youda. Yon moukenn pengre bakre kote te rhal. Oun rati sovenn le an kol khera an o foro Ashkelon. Ava, lengro baro Devel krell peskro dji lenge pre, oun anell len dran lengro pandepen pale vin.

O Debleskro Drom 2021 (Sinte)

⁷ Kau kotar them pash o baro pani well kolende dino, kai atchan djido dran o kheer Juda. Jon mukenn pengre bakre kote te chal. Un rati sowenn le an kol khera an o foro Ashkelon. Awa, lengro baro Dewel krell peskro dji lenge pre, un anell len dran lengro pandepen pale win.

Zefanja 2:7 Iomraidhean Croise

1. Mose 50:24

Oun o Yosef penas ap peskre phralende: “Me merau kanna. O Devel dikella lačes ap t'mende, oun anell t'men dran kava them vin, an ko them, kay yob peskro vast pre das, te dell lo les o Abrahameste, o Isaakeste oun o Yakobeste.”

Debleskri gili 80:14

I divye bale rhan les pre, oun divye firhe moukenn či pral.

Debleskri gili 85:1

I gili yekestar dran i familya Korah. Kay gili hi o rayeske pral i gipangre.

2. Mose 4:31

Oun yon patsan len. Oun har shounan i Israelitarya, te dikas o baro Devel lengro pharo djipen, oun kamell lenge lačepen te krell, koy vitsran pen le ap i phoub, oun mangan o Debles an.

Jesaja 11:11

Oun ap ko dives hadell o Devel peskro vast i douyto kopo, te ginell lo kolen vin, kay peskre menshendar pral ačan an i themma Assour oun Egiptia, Patros, Koush, Elam, Shinar, Hamat, oun an kol panyeskre themma.

Jesaja 11:14

Palle djan le khetne bari zoryah ap i Filistarya, kay kote djivenn, kay o kham tele djal. Oun khetne randenn le kolen vin, kay an i themma djivenn, kay o kham pre djal. I themma Edom oun Moab lenn le dren. Oun i Ammonarya hounte krenn, hoy yon penenn.

Jesaja 11:16

Oun palle dell i drom dran o them Assour vin kolenge, kay leskre menshendar Israel kote djides ačan, yaake har i drom das peskre menshenge ap ko dives, har djan yon dran o them Egiptia vin.

Jesaja 14:1

O baro Devel krell peskro dji peskre menshenge pre. Oun pale rodell lo peske i Israelitaryen vin, oun moukell len an pengro them te djivell. Oun vi-themarya venna oun djivenna khetne lentsa.

Jesaja 32:14

An o rayeskro kheer vell kek bouder. Mouklo vell o foro, kay yaake boud menshe trouyel nashenn. I zorele barrengre khera oun o turmo, kay pral an o foro tardo hi, perenn khetne. Oun mank lende djivenn divye bourike i rah tsireske, oun bakre oun groumya rhan kote.

Jeremia 23:3

Oun me lau khetne kolen, kay djido ačan mire menshendar dran i tsele themma, kay tradom len. Me anau len pale khere. Kote djal lenge mishto, oun yon venn pale boud menshe.

Jeremia 29:10

Kova penell o baro Devel: Ap ko tsiro, kay hi i Babilonarya efta-deesh bersha i raya pral t'mende, dikau me pale ap t'mende, te rikrap miro lačo lab oun anau t'men pale khere.

Jeremia 29:14

palle moukau man t'mendar te hatsell, penell o baro Devel. Oun me lau t'men dran t'maro pandepen vin, oun anau t'men khetne dran i tsele menshende oun themma, kay tradom t'men, penell o baro Devel. Oun me anau t'men pale an kava them, kay moukom t'men krik te anell.

Jeremia 3:18

Ap ko dives djan kol menshe dran o kheer Youda pash kol menshende dran o kheer Israel: Oun yon djan khetne khere dran o norden an ko them, hoy dom me t'mare phourende, te ačell kova lengro.

Jeremia 30:3

Dik, o tsiro vella, kay lau o pandepen krik mire menshendar, o kherestar Israel oun o kherestar Youda, penell o baro Devel; Oun me anau len pale an ko them, hoy lengre phourende dom, te vell kova lengro them.

Jeremia 31:7

O baro Devel penell: Givenn oun denn gole i barhtyatar pral o Israel, o pralstouno mank i natsyone! Denn bari gole, hoy vas! Sharenn o baro Debles oun penenn: O baro Devel vas peskre menshenge ap i rig, kolenge, kay i Israelendar pral ačan!

Jeremia 32:44

Ava, kotya them venn ginlo, oun ginepaskre lila venn činlo. Kal lila venn pandlo oun i sikepen pre-čiddo, oun morsha hi kote pashel, te vell lauter čačes kerdo. Kova lauter vell yaake kerdo an o them Benyamin, an i gaba troul o foro Yerusalem, an vavar forya an o them Youda, ninna an i forya ap i bare oun tikne berge, oun an i forya an o them Negev. Me krau, te vell pale lauter mishto mire menshenge, penell o baro Devel.

Jeremia 33:12

Kova penell o baro Devel, ko ray pral o bolepen oun i phoub: Ninna te dikell kava them kanna vin har i moulo them, kay nay djivenn kek menshe oun kek firhe, vell i tsiro, kay hi hako fores pale lačo them, kay i bakrengre pengre bakren anenna.

Jeremia 33:7

Ava, me krau te vell pale lauter mishto i menshenge Youda oun Israel, oun krau kal themma pale yaake zorelo, har his le glan kova.

Jeremia 47:5

Pral o foro Gaza vell o ropen, oun o foro Ashkelon vell khetne dino. T'mer, kay ačan pral o menshendar Anak, har rah kamenn t'men an o mass te činell?

Ezekiel 39:25

Kanna krau, penell o baro Devel, maro ray, te vell lauter pale mishto o Yakobeske, oun krau miro dji pre o tselo khereske Israel. Miro tselo djiyeha krau, te vell bouder gar djoungeles rakedo pral mande.

Hosea 6:11

Ninna i menshenge an o them Youda vell ko tsiro, kay lenn le pengri phagi koleske, hoy le kran.

Obadja 1:19

Oun i menshe dran o kheer Youda, kolla kay djivenn an o them, kay o kham pralstounes hi, yon lenn kol berge dren, kay i Edomarya djivenn. Oun kolla, kay djivenn kote, kay o kham tele djal, yon lenn o them dren, kay i Filistarya djivenn. Oun kol vavar lenn i themma Efrayim oun Samaria penge dren. Oun o kheer Benyamin lell o them Gilead dren.

Micha 2:12

T'mer, Yakobeskre čave, me anau t'men khetne, – halauteren, kay ačan pral foun o tselo Israel. Anau t'men khetne, har anell i bakrengro peskre bakren an lengro kheer. Yaake har anell lo peskre boud bakren kote, kay le khere hi, yaake anau t'men an t'maro them. Oun o them vell pherdo t'mendar.

Micha 4:10

Ava, t'mer an o foro Sion, save douka venn pral t'mende. Oun t'mer denn bari gole, har i romni, kay lell i ternepen. T'mer hounte djan dran o foro, oun hounte rikrenn t'men vin ap o them pre, oun venn bis pash o foro Babilon anlo. Kote lell t'men o baro Devel pale vin. Yob lell t'men vin dran i vasta kolendar, kay rikran t'men tele.

Micha 4:7

Oun me krau, te venn lendar boud menshe. Ava, kolendar, kay krik tradedo his oun pale khere anlo van, vell i baro natsyona. Oun palle hom me, o baro Devel, o baro ray pral lende ap i berga Sion hako tsireske.

Zefanja 2:9

Me, o baro Devel, kay hom o ray pral o bolepen oun i phoub oun o Israeleskro Devel, me dau man sovel pash miro djipen: Ko dives vella, kay djal kol themenge Moab oun Ammon har i foryenge Sodom oun Gomorra. Hako tsireske venn kal themma i moulo them, kay loneskre groube hi, oun divyo zenlepen bares vella. Kolla, kay mire menshendar djido ačan, yon randenn len vin, oun lenn penge ninna lengro them.

Zefanja 3:13

Oun kol pral-moukle menshe an o them Israel krenn kek čilačepen, oun rhorhenn gar, oun rakrenn gar douy čipyentsa. Lenge djal mishto, oun yon djivenn kote kek daryah.

Zefanja 3:20

An ko tsiro anau t'men khere. oun anau t'men khetne. An ko tsiro dikenn t'mer: Me krau, te vell t'menge pale lauter mishto. Me krau t'men bares oun an-dikles an i tsele themma ap kay phoub. Kova penell o baro Devel.

Haggai 1:12

Oun o pralstouno, o Zorobabel, koleskro dad o Shealtiel his, oun o baro rashay, o Yeshoua, koleskro dad o Yozadak his, kolla shounan kol laba. Ninna shounan len kol tsele menshe, kay his gar pandles krik anlo. Kol laba penas lenge o Debleskro rakepaskro, o Haggay, koles lengro baro Devel pash lende bičras. Oun i menshe lan kol laba an o dji, oun trashan o baro Deblestar.

Haggai 2:2

Pen ap o Zorobabel, ko pralstuneste pral o them Youda, koleskro dad o Shealtiel hi, oun ap o baro rashayeste, o Yeshoua, koleskro dad o Yozadak hi, oun ap i tsele menshende, kay pral ačan an o them:

Louka 1:68

“Sharas o baro Debles! Yob hi o Israeleskro Devel! Yob vas pash mende, oun las men dran mari bibarht vin.

Louka 7:16

Koy vas i traash pral lauterende. Oun yon sharan o Debles oun penan: “I baro Debleskro rakepaskro hi mashkral mende. O Devel vas pash peskre menshende.”

Bičepangre 8:26

O Debleskro bolepaskro penas ap o Filipo: “Ste pre oun dja ap ko drom, kay djal dran Yerusalem tele an ko foro Gaza. Ap ko drom hi gar boud menshe.”

Bičepangre 8:40

O Filipes hatsan le an o foro Ashdod. Oun yob djas trouyel, oun penas o lačo lab o Yezousestar an kol tsele forya. Oun yaake vas lo an o foro Cesarea.

Remarja 11:5

Yaake djal ninna kanna an kava tsiro. Hi menshe koy, kay o Debleske pral ačan. Kolen rodas o Devel vin dran peskro kamlepen.

Ruth 1:6

Oun yoy shounas, te kras o baro Devel peskro dji pre peskre menshenge an o them Youda, oun das len maro. Koy las li peskro koova khetne, te djal li peskre čavengre romyentsa dran o them Moab pale pale.