Zefanja 2:13 - O Debleskro Lab 2024 (Sinte-Manouche)

¹³ Oun o baro Devel hadell peskro vast ap koy rig, kay norden hi, te krell lo o them Assour paash. Oun o forestar Ninive ačell či har paash-dine khera. O foro vell har i moulo them, kay bouder kek menshe djivenna.

O Debleskro Drom 2021 (Sinte)

¹³ Un o baro Dewel hadell peskro wast ap koi rig, kai norden hi, te krell lo o them Assur paash. Un o forestar Ninive atchell tchi har paash-dine khera. O foro well har i mulo them, kai buder kek menshe djiwenna.

Zefanja 2:13 Iomraidhean Croise

Jesaja 10:12

An ko tsiro, kay kras o baro Devel, maro ray, lauter, hoy yob peske glan las, te krell lo ap i berga Sion oun an Yerusalem, lell lo peske o baro rayes o themestar Assour glan, koleskro dji yaake pre-phourdo hi, oun koleskre yaka tele dikenn ap i vavarende.

Jesaja 10:16

Doleske bičrell o baro Devel, ko ray pral o bolepen oun i phoub, i nasslepen ap i pesse menshende an o them Assour, hoy rhal len pre. Oun i yag rhačrell lengro bravlepen pre.

Jesaja 10:5

Havi bibarht vell ap i menshende an o them Assour! Har homs rhoyedo ap o Israel, his i Assirya har i kasht an miro vast, koleha i Israelitaryen dom.

Jesaja 11:11

Oun ap ko dives hadell o Devel peskro vast i douyto kopo, te ginell lo kolen vin, kay peskre menshendar pral ačan an i themma Assour oun Egiptia, Patros, Koush, Elam, Shinar, Hamat, oun an kol panyeskre themma.

Jesaja 14:26

Yaake his kova an o Debleskro dji te krell lo ap i phoub. Oun leskro vast hadas lo pre, te dell lo i menshen an hake themma pengri phagi.

Jesaja 37:37

Oun o Sanherib, ko baro ray pral o them Assour, moukas i plarhtene khera tele te phagell, oun djas peskre lourdentsa pale pale, oun ačas an o foro Ninive.

Jeremia 49:33

O them Hazor vell i moulo them hako tsireske. Divye djoukle djivenn koy, oun bouder kek menshe. Kek mensho krell pes kote i kheer.

Jona 1:2

“Dja sik an o baro foro, hoy kharell Ninive, oun de lakri doosh vin gole. Lakro čilačepen vas glan mande.”

Jona 3:2

“Dja sik an ko baro foro, hoy kharell Ninive, oun de kote vi-gole, hoy me touke penau!”

Micha 5:6

Oun kolla kay djido ačan o Yakobeskre čavendar, djivenn mank vavar menshende an boud themma. Lenge hi le har o pani, hoy moukell o baro Devel taysarlakro ap o zenlepen te perell, oun har o brishin, hoy o zenlepen sapeno krell. Kek mensho hounte penell lenge, hoy te krenn le.

Nahum 1:1

Kava hi ko liil, kay činlo hi, hoy rakras o baro Devel pral o foro Ninive. Yob sikras kova peskro rakepaskreste, o Nahoum. Kova vas dran ko gab Elkosh.

Nahum 3:15

Ninna te krenn kova lauter, vell i yag oun rhal t'men, oun i lourde pengre rharentsa marenn t'men. Ninna te han t'mer yaake boud har stepangre, t'mendar ačell gar boudeder pral har i harhetikri phoubyatar, kay rhan i stepangre o djob pre.

Nahum 3:7

Hakeno, kay tout palle dikell, nashell toutar oun penell: Ninive hi paash dino! Kekes khaytell ko foro. Kekes hi lače laba ko foreske.

Zefanja 1:4

Me hadau miro vast pral o them Youda, oun pral halauterende, kay an o foro Yerusalem djivenn, te dap len lengri phagi. Oun krau lauter paash, hoy kote o rhorheno deblestar Baal pral ačas. Ninna leskre rashaya venn bistedo, oun kol vavar rashaya, kay moukan o baro Debles.