Zefanja 2:1 - O Debleskro Lab 2024 (Sinte-Manouche)

¹ T'mer menshe, kay kamenn pen gar te ladjell! Dikenn dren, hoy kran! Oun avenn pale pash o baro Debleste,

O Debleskro Drom 2021 (Sinte)

¹ Tumer menshe, kai kamenn pen gar te ladjell! Dikenn dren, hoi kran! Un awenn pale pash o baro Debleste,

Zefanja 2:1 Iomraidhean Croise

2. Familjakro liil 20:4

Oun dran o tselo them Youda van i menshe khetne, te mangenn le o baro Debles, te vell lo lenge ap i rig. Ava, dran i tsele forya van le an o foro Yerusalem, te mangenn le o baro Debles, te vell lo lenge ap i rig.

Nehemia 8:1

Oun har o eftato čon vas, oun i Israelitarya pale an pengre forya his, van i tsele menshe khetne har yek morsh ap i platsa glan o Panyeskro Voudar. Oun yon penan ap o Esra, te anell yob o Moseskro liil, kay dren tardo hi, hoy o baro Devel penas, hoy i Israelitarya hounte krenn oun rikrenn. O Esra his i sikepaskro, kay prindjras mishto o Debleskro lab.

Nehemia 9:1

Oun ap o 24. (biish-te-starto) dives an kava čon van i Israelitarya khetne, oun yon rhan či oun rivan pen an gone oun čivan čik ap pengre sherya.

Ester 4:16

“Dja koy oun de i tsele bibolden an o foro Susa khetne gole! Rhan oun piyenn triin divessa či, gar ap o dives, vitar gar an i rati. Krenn kova mange, te dikell o Devel lačes ap mande! Oun me oun kol djouvya, kay mange boudrenn, mer kamah kova ninna yaake te krell. Oun pal kova kamau pash o baro rayeste dren te djal, ninna te hi khatar o činlo lab. Oun te denn le man moulo, palle denn le man moulo.”

Jeremia 3:3

Doleske dell kek brishin an o vend, vitar gar an o niyal. Tou dikeh vin har i loubni oun kameh tout gar te ladjell.

Jeremia 6:15

Yon hounte ladjans pen ko djoungelo koveha, hoy yon kran. Kova krenn le gar. Yon ladjenn gar. Yon djinenn gar, hoy ladj hi. Doleske venn yon maredo khetne kol vavarentsa. Te vau me, oun dau len i phagi, ačell kek lendar djido, penell o baro Devel.

Joel 1:14

Denn i menshen khetne gole! Penenn, te rhan le či, te sikrenn le, kay lengri doosh len khaytell. Moukenn i phoureden oun i tsele menshen an kava them pash o baro Debleskro kheer te vell! Yob hi t'maro Devel. Denn ap leste gole!

Zefanja 3:5

Kova lauter krenn le, ninna te djivell o baro Devel mank lende. Yob krell kek čilačepen. Oun leskro čačepen ačell zoreles tardo. Yaake har hako dives o kham pre djal, yaake sikrell lo hako dives, har te djivenn le an o čačepen. Kol čilače menshe krenn pale te pale djoungelo koova, oun ladjenn gar.

Zakarie 11:8

Oun an yek čon krom me, te hounte djan penge kol triin vavar bakrengre. Me nay dikom len bouder gar glan i yaka. Oun yon his rhoyedo ap mande.

Mateo 18:20

Oun kote, kay douy, triin menshe khetne venna an miro lab, kote hom me mashkral lende.