Zefanja 1:18 - O Debleskro Lab 2024 (Sinte-Manouche)

¹⁸ Lengro roup oun sonakay nay lell len gar vin dran koy bibarht ap ko dives, kay o baro Debleskri rholi pral lende vella. Leskri bari rholi vell har i yag pral o tselo them oun krell halauter paash. Sik vell o merepen pral halauter, kay kote djivenn.

O Debleskro Drom 2021 (Sinte)

¹⁸ Lengro rup un sonakai nai lell len gar win dran koi bibacht ap ko diwes, kai o baro Debleskri choli pral lende wella. Leskri bari choli well har i jag pral o tselo them un krell halauter paash. Sik well o merepen pral halauter, kai kote djiwenn.

Zefanja 1:18 Iomraidhean Croise

1. Mose 6:7

Doleske penas o baro Devel: “Me lau i tsele menshen, kay me krom, pale krik i phoubyatar, ninna i firhen, i baren oun i tiknen, oun i čirkle. Khaytell man, kay krom len.”

1. Rajengro liil 14:22

Oun i menshe an o them Youda kran, hoy djoungeles his glan o baro Debleskre yaka. Oun yon kran boudeder čilačo koova har lengre phoure kran, oun koleha rhoyran le les boudeder har yon.

Hiob 21:30

Ap ko dives, kay vell i bibarht, kay vell o Debleskri rholi pral i menshende, ačell o čilačo djido.

Hiob 3:15

Voms čiddo mank i pralstunende, kolen sonakay his, oun kolengre khera pherdo roup his.

Debleskri gili 78:58

Yon mangan i vavarengre deblen an. Oun rhoyran o Debles, har kran le penge rhorhene deblen.

Debleskri gili 79:5

Baro Devel, har rah ačell tiri rholi ap mende? Har rah rhačrell li har i yag?

Gosewe laba 11:4

O bravlepen hi i bravelenge či moldo ap ko dives, kay o Debleskri rholi pral i menshende vell. Kol menshe, kay an o čačepen tardo hi, venn vin lino dran o merepen.

Gosewe laba 18:11

Glan i braveleskre yaka hi leskro bravlepen har i zorelo foro oun har i bari massouri troul leste.

Jesaja 1:24

Doleske penell o baro Devel, ko ray pral o bolepen oun i phoub, kay hi o Israeleskro zorelo Devel: Dikenn t'men glan! Me dau t'men pale, hoy ap mande kran, t'men, kay kamenn man gar. Miri bari rholi vell pral t'mende, kay krenn lauter vavarčandes, har me kamau.

Jesaja 10:17

Oun ko Devel, kay o Israeleskri momeli hi, vell i yag, ava, lengro Devel vell i yagakri čip, oun rhačrell i soubyengre bourra oun o soubyengro zenlepen pre ap yek dives.

Jesaja 10:3

Hoy kamenn t'mer te krell ap ko dives, kay vell t'mari phagi pral t'mende? Ap ko dives, kay vell i bibarht foun doural pral t'mende? Pash koneste kamenn t'mer palle te nashell? Oun kay moukenn t'mer palle t'maro bravlepen?

Jeremia 7:20

Doleske penell o baro Devel, maro ray: Miri bari rholi vell pral kava foro, pral i menshende oun pral i firhende, pral kol rouka an o veesh oun pral ko djob an kava them. Miri rholi hi har i yag, hoy kek nay krell vin.

Jeremia 7:34

Oun o them Youda vell i moulo them. An lengre forya oun ap kol dromma an Yerusalem givell oun sal kek bouder i barhtyatar. Oun koy barhteli gole o pirnestar oun i pirnyatar shounah mer bouder gar.”

Jeremia 9:11

Me poučom: Baro Devel, hoske rhačell ko them oun vell moulo, yaake kay nay djal kek bouder koy trouyel? Koon hi gosevo oun hayvell kova? Ap koneste penal tou kova, yaake te penell yob kova i vavarenge?

Ezekiel 16:38

Oun me dau tout savi phagi, har kol djouvya lenna, kay rhorhran pengro romes oun maran i menshes. Oun me moukau miri zoreli rholi pral toute te vell.

Ezekiel 23:25

Me hom yaake rhoyedo ap t'mende, te moukap len touha rholyah trouyel te djal. Tiro nak oun tire kanda činenn le touke tele. Oun kolla, kay toutar djido ačenn, venn o rhareha moulo dino. Tire morsh čaven oun tire čen lenn le toutar. Oun kova, hoy toutar pral ačell, vell an i yag rhačedo.

Ezekiel 7:11

Kolla, kay djan čilačes i vavarentsa trouyel, van čilače raya. Či ačell lendar pral. Lengro bravlepen ačell gar, vitar gar lengro raylepen oun an-dikepen.

Ezekiel 7:19

Lengro roup vitsrenn le ap o drom, oun lengro sonakay hi lenge har čik. Lengro roup oun lengro sonakay nay lell len gar dran o merepen vin, ap ko dives, kay i rholi o baro Deblestar pral lende vell. Lengro roup oun sonakay vas či-moldo. Yon nay rhan les gar, oun nay krenn gar pengro per lestar pherdo. Lengro bravlepen his kova, hoy anas len yaake dour, te peran le o baro Debleskro dromestar tele.

Ezekiel 7:5

Kava hi, hoy o baro Devel, maro ray penell: Shounenn, bibarht pal bibarht vella!

Zefanja 1:11

Rovenn, t'mer parepangre, kay djivenn an o telstouno kotar o forestar! Kol tsele bikepangre, kay kote pengre love krenn, hounte merenna.

Zefanja 1:15

Kava dives hi i dives, kay o Debleskri rholi pral i menshende vell, i dives pherdi daar oun traash, i dives, kay lauter paash dino oun tele phagedo vell, i dives, kay tamlo vell, oun kali rati vell, i dives, kay kale volke i phoub čakrenna,

Zefanja 2:2

glan ko dives, kay vell kova, hoy yob peske glan las, oun t'mer krik phourdedo venn har o djobengri čik, hoy i dourho krik phourdell; ava, glan ko dives, kay vell koy zoreli rholi o baro Deblestar pral t'mende, oun yob i phagi pral t'mende vin rakrell!

Zefanja 3:8

Doleske djinenn, penell o baro Devel, ko dives vell, kay vau me, oun rakrau o čačepen vin pral i phoub. Me lom mange glan, te anap i menshen khetne dran vavar themma ap i phoub, te čorap miri rholi pral lende vin. Ava, miri zoreli rholi, hoy rhačell har i yag, vell pral i tseli phoub oun rhal lat pre.

Mateo 16:26

I mensheske vals kova gar mishto, te lals lo o tselo bravlepen ap kay phoub, oun nashrals o djipen. I mensho nay dell či o Debleste, te lell lo ko djipen pale.

1. Korintarja 10:22

Ma rhoyrenn o Debles! Mer ham gar zorleder har yob.

5. Mose 31:17

Palle rhačell miri rholi pre pral lende, oun me moukau len, oun vau lenge bouder gar ap i rig. Boud djoungelo pharo koova pherdo douka oun daar vell pral lende. Oun yon penenn palle ap ko dives: Kova lauter vell pral mende doleske, kay maro Devel bouder gar pash mende hi.