Zefanja 1:15 - O Debleskro Lab 2024 (Sinte-Manouche)

¹⁵ Kava dives hi i dives, kay o Debleskri rholi pral i menshende vell, i dives pherdi daar oun traash, i dives, kay lauter paash dino oun tele phagedo vell, i dives, kay tamlo vell, oun kali rati vell, i dives, kay kale volke i phoub čakrenna,

O Debleskro Drom 2021 (Sinte)

¹⁵ Kau diwes hi i diwes, kai o Debleskri choli pral i menshende well, i diwes pherdi daar un traash, i diwes, kai lauter paash dino un tele phagedo well, i diwes, kai tamlo well, un kali rati well, i diwes, kai kale wolke i phub tchakrenna,

Zefanja 1:15 Iomraidhean Croise

Jesaja 13:9

Kanna vell lo, ko dives, kay o baro Debleskri rholi vell! Djungeles hi ko dives, pherdi rholyah. An leskri bari rholi krell o baro Devel i phoub paash, oun tradell i čilačen latar vin.

Jesaja 22:5

O baro Devel, o ray pral o bolepen oun i phoub, rodas i dives vin, kay an i dikepaskri tala boud menshe bares gole denn, kay lourde lauter khetne stakrenn, oun i menshe narvelo i daryatar venn. I massourya venn tele phagedo. Oun i gole djal pre ap i berga.

Jesaja 8:22

oun tel pende ap i phoub, oun hatsenn či har daar oun tamlepen, ava bari daar oun kali rat, kay hi le dren tradedo.

Jeremia 30:7

Ava, havo djoungelo dives vella, i dives, hoy hi har kek vavar! Ko tsiro hi pherdi daar o Yakobeskre čavenge; yon nay djinenn, te venn le vin lino dran kova lauter.

Joel 2:11

O baro Devel dell bari gole glan peskre kourepangre, te penell lo len, hoy te krenn le. Boud boud hi le oun len hi bari zoor, oun krenn, hoy lo lenge penell. Ava, o dives o baro Deblestar hi baro oun pherdi traash. Koon nay rikrell les vin?

Joel 2:2

Kova hi i kalo dives, i tamlo dives, pherde volke. Yaake sik har o kham pre djal pral i berge, venn boud boud lourde pral o them, kolla hi yaake zorelo oun yaake boud, har gomme gar koy his, oun vitar bouder gar vella an kek tsiro.

Zefanja 1:18

Lengro roup oun sonakay nay lell len gar vin dran koy bibarht ap ko dives, kay o baro Debleskri rholi pral lende vella. Leskri bari rholi vell har i yag pral o tselo them oun krell halauter paash. Sik vell o merepen pral halauter, kay kote djivenn.

Zefanja 2:2

glan ko dives, kay vell kova, hoy yob peske glan las, oun t'mer krik phourdedo venn har o djobengri čik, hoy i dourho krik phourdell; ava, glan ko dives, kay vell koy zoreli rholi o baro Deblestar pral t'mende, oun yob i phagi pral t'mende vin rakrell!

Mateo 24:29

Oun sik pal kol čilače divessa, vell o kham kalo har i rat, oun o moonto dikell kek bouder. Oun i bare momlia ap o bolepen perenn tele. Oun i bolepaskri zoor perell khetne.

Remarja 2:5

Oun tou kameh gar pash leste te vell. Tiro dji hi har bar. Doleske vell o Debleskri rholi baro oun bareder, hoy ap toute vella ap ko dives, kay hi o Devel o čačepaskro ray oun rakrell o čačepen vin pral i tsele menshende.

5. Mose 28:52

Oun yon čivenn pen troul t'mare forya, oun moukenn kekes dren oun kekes vin, bis te kol bare oun zorele foryengre massurya tele phagedo hi, kolendar t'mer patsan, te vell kek vergel. Kova krenn le t'mare tsele foryentsa an t'maro tselo them, hoy t'maro baro Devel t'men das.

2. Petro 3:7

Pral o bolepen oun i phoub, hoy kanna kay hi, penas o Devel, te ačenn le yaake rah, bis te venn le rhačedo an i yag. Yon ačenn yaake rah tardo, bis te vell ko dives, kay vell o Debleskri rholi pral i menshende ap kay phoub, oun yob kolen i phagi della, kay gar ap leste shounan.

Debleskro tsiro 6:17

Ko baro dives vas, kay lengri rholi ap mende vella. Oun kek nashte nashell lengri rholyatar krik.”